2008 年 9 月 6 日（星期六）
早於幾日前已經收到美麗佳人通知可以去拎一隻未執相嘅 CD 返屋企慢慢 "lun" 啦！見今日途經尖沙咀，就走過去拎埋隻 CD 先！
設計幾精美喎！仲印埋我哋晒做 10x12 大相嗰張相落去碟面添！
呢張相晒咗做大相（10x12）！男朋友企得好輕佻，不過我就覺得好搞笑！有陣時都想揀返 d 特別少少嘅相，留個回憶都好，唔洗張張都係硬彬彬咁企喺度！
不過宜家睇睇吓先發覺張相有個問題！點解...... 我好似笑得咁假，咁牽強嘅？算啦 -_-"
宜家成日得閒無嘢做就拎 d 相出嚟睇，我諗我好快就會患上自戀狂啦！
遲 d 收相時會有一隻正式執咗相嘅 CD，不過唔知等到幾時先可以收相，因為...... 連第一次執相都未睇！！！
~ 咁快有相睇喇！HAHA~唔算自戀啦！影咗梗係有時間睇多D啦！同埋你仲有輯影架嘛！睇多d 自己覺得最自然既Post同上鏡既角度，等到下輯影時更加掌握到技巧嘛！
回覆刪除[版主回覆09/23/2008 10:24:00]唔好啦, 下輯唔好影得太靚啦, 否則我要宣佈破產架啦, hahaha
我想話..個個新娘都係咁..哈哈
回覆刪除睇睇下..你就會無感覺.....
[版主回覆09/23/2008 10:24:00]我都覺得係呀, 呢個係所有準新娘嘅共通點!
換轉係我都會時時刻刻都攞出o黎睇...heehee!
回覆刪除[版主回覆09/23/2008 22:01:00]係呀, 呢個真係通病嚟架!
哇, 咁好有隻cd 比你吊下癮先家..
回覆刪除比著我一日睇10次都唔夠呀~
[版主回覆09/23/2008 22:02:00]咩呀, 隻 cd 係包埋落佢個 offer 度架! 其實我都唔明當初點解會要呢隻 urgent cd, 遲 d 執完相又有一隻, 要咁多都唔知做咩! 只係諗到一個形容詞...... side 錢!!!
這張相做封面都幾好，感覺好輕鬆，好開心咁！
回覆刪除[版主回覆09/23/2008 22:02:00]因為呢張相晒咗做大相呀, 所以佢哋用咗呢張相做封面囉!
你有隻cd俾你lun已經好好啦,我影得早過你,但到呢家都未有得睇排版呀!!
回覆刪除[版主回覆09/23/2008 22:03:00]唉, 美麗佳人嘅售後服務一向都麻麻地, 所以你見唔對路的話記得自己追佢哋呀!
我今個星期去睇第二次執相喇﹗
回覆刪除[版主回覆09/24/2008 10:25:00]嘩，你睇第二次執相啦？希望你今次都 ok 啦！
au yeung嫂, 見到你地呢相張個感覺好自然, 我反而覺得感覺自然o既相先"襟"睇, 你掛起佢就算十年後個感覺依然唔會老土! 正~~
回覆刪除係ar. au yeung同我講話你搞結婚好專業, 所以有小小問題想睇下你幫唔幫到我. 我個同事揾左我做姐妹, 佢叫我幫手揾花車o向結婚當日車d兄弟同姐妹由黃大仙去鴨舌洲, 再由鴨舌洲過海去紅綿道註冊, 跟住或者車返d人去尖沙咀酒樓. 主人家要求一架24座o既花車要係紅色o既. 唔知你有冇介紹呢? 乜真係有紅色24座o既花車o架o羊??
[版主回覆09/24/2008 12:20:00]其實我都係睇中歐陽個笑容我先揀呢張架, 因為呢張相係佢最自然嘅笑容!
專業又唔講得上, 不過有少少資料喺手咁啦! 其實宜家咩車都可以用嚟做花車, 如果主人家想搵架 24 座, 即係細 van 囉! 市面上都有好多紅色嘅 24 座嘅!
http://joyful-travel.com.hk/
呢間有架紅色嘅 van 仔, 不過係 28 座, 多 4 個位
如果佢指定一定要紅色, 我手頭上嘅資料就只有呢間啦! 其他就白色底 + 少少紅色囉 ~ 再要的話再問我攞呀!
AU YEUNG 嫂, 唔該O西AR! 等我問下新娘先~~~~
回覆刪除[版主回覆09/24/2008 15:13:00]唔洗唔該, 舉手之勞啫! 皆因我有個 master file save 起公司度嘛!
哈...哈......我起初都有自戀狂.....係直到執相執左N次都未攪掂時, 先至唔想再睇....
回覆刪除[版主回覆09/24/2008 15:14:00]原來呢個自戀狂係每個準新娘都會患上嘅病........嘻 ~
輕佻feel, 咁才似返au yueng嘛!!
回覆刪除[版主回覆09/25/2008 15:49:00]正因為呢個原因我先揀呢張!
呢張相感覺好開心、自然呀！同埋我好like你件入膊婚紗呀！
回覆刪除我初時都成日拎出桃睇ga，不過依家再睇就覺得好悶喇！
[版主回覆09/30/2008 10:35:00]件入膊婚紗我都覺得幾特別, bd 當日應該唔會著呢 d 款啦, 所以就 confirm 咗!
係啦, 個個人都成日拎出嚟睇, 真係患晒自戀狂, 哈!