2008 年 9 月 5 日（星期五）（續）
終於試晒婚紗，開始試晚裝！唉，真係唔知點入手揀好！我 mark 得嗰 3 件，我諗個 sales 都知咩事！先試我 hold 咗嗰 3 件先！
#2722
冇乜特別...... 仲有金都 feel，我著咗出嚟男朋友成碌木咁，我就知呢件唔合格！
#2752
Model 著出嚟係咁......
我著出嚟就變成咁，完全差好遠......
不過男朋友對呢件好似有少少反應喎...... 有得諗，有得諗！
見呢兩件一般，所以我將我嘅希望放晒喺紫色晚裝身上！
#2721
Model 著成咁......
我就著成咁......
天呀，點解會咁架？我...... 真係揀唔落手喎！如果要非揀一件不可，我會揀香檳金色嗰件 #2752，不過由於佢係香檳金色嘅關係，過鏡後件衫一定會淡色咗，我又驚影出嚟會變咗一件婚紗，仲要係一件發黃咗嘅婚紗！
Sales 呢個時候好主動咁話拎多幾件比我試，又問我鐘意咩色等等。我同男朋友異口同聲答佢：「紫色！」，後來 sales 拎多 3 件比我試。
(1) 呢件...... 著上後感覺一般！
(2) 呢件其實係紫色嚟啦，仲要有少少幻彩 feel！不過著咗上身後完全唔得，男朋友事後仲話我有 d 似舞小姐...... !@#$%^&*
(3) 呢件都叫做話比較正常嘅一件！不過，唉...... 總係冇辦法 say yes 去 confirm 囉！
Sales 見我哋試極都唔啱，就問我有冇興趣加 $300 轉外租晚裝！呢位 sales 都算唔話得啦，佢話可以試著 2-3 件外租晚裝，如果都係唔鐘意的話都冇所謂，到時先揀返唔洗加錢嗰 d 晚裝！我有 R 佢可唔可以 free 比我架，不過佢話唔得！好啦，咁就試咗上身再諗！
由於我 join 咗法國婚紗外租 package，所以一早都已經有幾件心水晚裝架啦！不過又唔可以試最最最鐘意嗰 d 晚裝，因為我驚試咗之後唔捨得唔 upgrade，咁結婚當日就再冇靚衫著！既然 sales 話可以比我試 2-3 件，咁我惟有揀 d 猶疑緊租唔租出街嘅晚裝囉！不過都幾難揀，因為：
－淺色唔揀得，驚又會變咗發黃嘅婚紗
－紅色唔揀得，之前喺美麗佳人影外景著過
－黃色唔揀得，理由同紅色一樣
－粉紅色唔揀得，男朋友話再嫁先著粉紅色，唔比我揀
－藍藍綠綠唔揀得，男朋友話又藍又綠似雀妖
本來想試以下呢件架，不過無論個款同顏色都同我喺美麗佳人嗰件差唔多，惟有放棄！
掙扎完一輪之後，我揀咗呢 3 件外租嚟試
(1) #20022
又係我最鐘意嘅紫色！Model 著成咁：
我就著成咁：
本來我都幾鐘意架，不過男朋友話有少少似伴娘，因為太 plain 啦！好衰唔衰連 sales 都有呢種感覺！咁即係話我揀外租晚裝時可以 out 走呢件！
(2) #20096
Model 著成咁：
我就著成咁：
呢件個 sales 話係高腰娃娃裝，所以下身係冇修身嘅！不過我同男朋友都覺得可以諗諗！始終因為深色晚裝冇著過嘛！
(3) [未有 reference no.，因為係新款衫]
去 expo 時影嘅相，model 著成咁（正面 --- 好濛呀）
（背面）
呢件著得我好瘦，上身好貼身，搞到我好似有 22" 小蠻腰咁款！Sales 好鬼死鐘意我著呢件，不過我就覺得一般啫！
試完晒之後男朋友就話不如加錢 upgrade 外租晚裝，唉...... 我本來諗住死守呢條防線，點知有個魔鬼男朋友...... 最後我都加咗錢 upgrade！
最終，我係 confirm 咗影相當日會著呢 3 件衫：
(1) A-line 型婚紗
(2) 鋼紗型婚紗
(3) 晚裝
本來我想兩件婚紗都揀晒有層次架，不過咁樣揀的話就會覺得兩件婚紗個款好相似，所以都係揀一件玩層次，一件玩 cutting 啦！至於晚裝方面，其實我同男朋友都認為香檳金嗰件都揀得過，不過，不過真係好驚變咗發黃婚紗，惟有加少少錢 upgrade 試著藍色啦，反正個款同我揀咗嗰兩件婚紗都好唔同！連 sales 都話呢件藍色幾襯佢哋 stuido d 景！好，咁就信你啦！
Tips for all bloggers who joined France Bridal for pre-wedding photo shooting：
(1) 最好先喺網上揀咗你要試邊件婚紗先，我當日去試衫時有位小姐佢未揀衫，要即時上網揀，浪費好多時間架！
(2) 雖然電腦話最多只可以揀 20 件衫試，不過如果你仲有心水，其實你可以搵張紙 mark 低佢，試完嗰 20 件再要求 sales 拎埋比你試，佢哋一般都唔會黑面架！
(3) 張單講明你有 2 件婚紗 + 1 件晚裝的話，你嘅配搭就一定要係咁！本來我想將件晚裝轉做婚紗架，不過原來係唔得架，要轉的話請放低 $300！
(4) Sales 話晚裝係 for 影 Studio，所以盡可能喺揀晚裝前先睇睇佢哋 stuido 入面嘅景，之後先決定著咩色晚裝！
(5) 雖然一試就試成 20 件衫，不過唔洗怕唔記得自己著成點，因為每試一件衫個 sales 都會幫你影相，你想睇條拖尾可以提出叫佢幫你影埋，咁你可以安心試衫，之後先喺電腦睇返自己著嘅效果！
(6) 如果想好似我咁偷影（其實我係喺 sales 走去幫我拎晚裝時對住部電腦偷影架），你哋要小心 d，因為你坐嗰個位嘅正前方天花板有閉路電視！不過我哋都係影完先發覺，應該冇乜人會發現你偷影嘅，不過...... 小心駛得萬年船！
終於都揀晒衫啦，宜家繼續減肥等下個月 20 號影相！
回覆刪除呢件真係同個 model 差咁遠o既, 不過你著呢件都幾好睇喎~ 你最後 confirm o個 2 件婚紗同埋件晚裝都好靚呀~ 尤其係件晚裝呀, 我都好 like 件深色晚裝 , hehe
係喎~ 次次都唔記得問你, 你 big date 係幾時呀~ ^^
[版主回覆09/14/2008 12:47:00]其實呢件我自己都覺得 ok 架, 因為我比較少著呢類型嘅衫, 都想試吓, 可惜佢個顏色問題, 我唔想比人誤會我著咗件發黃婚紗, 所以迫於無奈唔揀!
晚裝係刻意揀深色架, 因為我都冇試過深色系列嘅衫!
我 bd 係出年嘅 21/11
好羨慕你呀jenny,又高又瘦,唔該你要分享下你係點樣減肥既 ~~
回覆刪除另外咁多件我都係覺得你所選的藍色晚裝最得,係著得最好睇同最出的,相信影相的效果出來都會好靚!!
[版主回覆09/14/2008 12:53:00]傻啦, 我邊樹瘦呀, 你有冇見到我手臂 d byebye 肉, 簡直嚇死人, 仲有個肚腩.....我試衫時著咗 girdle & 束肚褲咋, 錯覺嚟架啫!
件藍色晚裝我都覺得 ok, 不過望望吓又覺得香檳金色嗰件都唔錯, 可惜真係因為顏色問題我要放棄!
其實你身型夠高, 可以選擇的款項已經比別人多架啦...
回覆刪除[版主回覆09/14/2008 12:53:00]多謝多謝!!!
我都覺得你著2752著得幾好睇~ 同埋我覺得你著d淺色少少既婚紗會好睇d呀!! 因為你夠瘦ma! 同埋感覺上後生d同活潑d~^^
回覆刪除[版主回覆09/14/2008 12:54:00]講真我都幾想 confirm 2752 架, 因為好少可有鋼紗型嘅晚裝係咁 ok, 唉......不過算啦, 宜家深藍色嗰件都 ok!
件2752我睇個model同你都著得唔ok喎~ 可能我自己唔like呢隻款掛~ 你身型應該比我高,所以你著我結婚個件周汶錡一定唔會 ok! 到左最後,除左aline個件之外,同我睇中既都一樣 尤其是你話似伴娘款個件我好鍾意. 不過,為左減低個伴娘feel,你叫化妝畀個大d既頭飾你,同埋用條誇張d既鍊, 就會無晒伴娘feel架啦! 前幾日我貪得意,整左一張三合一出黎: 睇落都幾得意~
回覆刪除[版主回覆09/14/2008 14:58:00]件娘嗰件我其實之前幾鐘意架! 不過點知試咗出嚟會有呢種 feel, 不過咁都好嘅, 試咗咪知道, 咁下次就唔洗揀囉!
你呢件 diy 婚紗又幾得意喎! 由上至下都有好多 details 位, 有嘢睇吖嘛!
你揀嗰2件婚紗都幾好睇,晚裝都OK
回覆刪除[版主回覆09/14/2008 14:58:00]係呀, 去試衫之前仲驚會好難揀, 當我逐件逐件試時就慢慢 foul 晒 ~
件藍色晚裝好靚呀! 你又著得好睇, 好羨慕你一點鬼祟肉都冇!
回覆刪除其實2752果件你都著得幾好睇丫, 雖然個綱紗係大左D......
講真而家咩色都冇所謂, 咩粉紅&藍色唔老黎喎, 如果款式靚我一d都冇所謂! 況且一件衫又點會咁大力量去影響婚姻.....ahahahahhaahahaaaa.....
[版主回覆09/15/2008 15:34:00]其實我都覺得顏色上嘅問題不大, 不過或者我本身對粉紅色一般啦, 所以我都冇興趣去揀! 係喎, 你唔講都唔醒起藍色唔著得添, 不過是但啦, 都係 for 影相啫!
咪傻啦, 我其實有鬼崇肉架, 話明係鬼崇, 又點會咁容易比你見到呢, 係咪先? ^^
噢~我誤會左你意思啦,當我再睇多一次係篇文....
回覆刪除我講緊鍾意個件係你最後揀左,深寶藍色有白色蝴蝶個件.
不過有d租衫鋪會整呢種差不多樣既做姊妹衫,當然唔係藍色同咁多珠片~ 同呢款有d似既姊妹衫 我一陣間搞搞你張晚裝相,睇下可唔可以幫你整d頭飾頸飾試效果....
個model戴個d好型我鍾意,但你好似比佢斯文佢d頭頸飾唔知襯唔襯你~
[版主回覆09/15/2008 15:37:00]hohoho, 原來你都鐘意深藍色呢件...我都覺得算係最 ok 嘅一件架啦!
我幫你 襯左頭飾同鍊, 由於本身你張相影得唔好(偷影無計) 因此我能力上最好只係可以做到咁. 但我覺得條鍊幾岩你,頭飾呢個都ok,不過頭飾可以繼續試.
回覆刪除[版主回覆09/15/2008 15:39:00]嘩, 你好勁呀! 咁都比你整得到!
我都贊成個頸鍊 ok, 宜家就咁睇我都幾鐘意! 不過個頭飾可以再襯! 再加上我呢幅相冇 set 頭, 係差少少架啦! anyway, thanks!
你好似影左好多輯相囉喎....法國之後，仲有無呀？
回覆刪除[版主回覆09/15/2008 22:39:00]haha, 今次冇啦! 法國係最後一輯啦, 再影的話會比屋企人鬧死, 哇哈哈!
#20096黎件eg我覺得你著得好好睇呀,同埋深色的影相出黎既效果又好睇的,唔會同wg撞左
回覆刪除[版主回覆09/16/2008 00:01:00]真係著得好睇? 咁就好啦!
其實我都係誤打誤撞咁 confirm 咗呢件, 純粹都係因為個 sales 話呢件衫個顏色襯得到佢哋 studio 個 background 咋!
岩岩又幫你換左個頭飾，都係你喜歡既紫色！
回覆刪除呢個可能角度問題，感覺上比較貼頭
[版主回覆09/16/2008 00:02:00]咦, 呢個唔錯喎, 突然間覺得自己變咗 model , 嘻 ~
多謝你的分享呀！ 令我會留意多d！
回覆刪除看來加錢租的晚裝先ok！你都幾襯紫色！唔錯、唔錯！
[版主回覆09/16/2008 12:03:00]唔洗客氣! 呢 d 只係我嘅小心得及經驗啫 ^^
係呀, 唔加錢 upgrade 晚裝的話, d 款係好唔得, 所以我都迫於無奈要加錢, 再加上魔鬼男朋友嘅投嘅贊成票.....我就乖乖咁比咗 $300!
你藍色嗰件晚裝好靚呀, 好sharp, 你又好fit喎
回覆刪除其實我認為着出嚟同個model張相唔同係因為佢打左燈既問題啫，到時你影相時就會好似佢張相咁靚架啦。
我10月都fitting啦, 我都怕簡唔到晚裝, 最好唔駛加$啦!
[版主回覆09/17/2008 10:12:00]多謝 ^^!
你 10 月都 fitting 啦? 咁你都可以得閒就上網睇吓佢哋 d 衫款啦, 不過, 唉, 晚裝真係唔得, 希望你都可以喺唔洗加錢之下揀到啦!
我覺得你d衫好似太類似了.或者可以揀d特別少少既款試下先
回覆刪除有時候可能覺得怪.但其實著上身好好看呢
[版主回覆09/17/2008 13:41:00]係呀, 某程度上我都覺自己有 d 衫比較相似, 唉, 所以揀衫 bd 嗰日著時要小心 d 先得!
幾時拍攝喔?^^
回覆刪除[版主回覆09/20/2008 10:39:00]10月20日就影啦!