2008 年 9 月 4 日（星期四）
P.S. 由於太多 blogger 們想睇婚照，所以呢篇 blog 要打尖出咗街先！
先睇室外篇，室內篇下一次再 post！
等到頸都長晒，終於等到去拎小妹第一次影婚紗相嘅 softcopies 啦！約咗緣美傳說嘅 James 六點幾上去，結果又係遲......... 7:10 左右先到！（嘻，我發覺我哋兩個成日都遲到！）
因為實在同佢哋太熟嘅關係，上到去冇第一時間拎 CD，反而去走搞佢哋 d 嘢，當時仲有一 pair 新人影緊相，我哋又走去裝吓人哋點影...呵呵~ 宜家好似 "懶" 有經驗咁，一邊討論人哋嘅 pose 一邊等拎相！
原來 James 仲幫我執緊少少電腦效果相，所以要等佢執埋少少嘢，燒埋隻碟先有得拎走！結果要差唔多 8:00 先走呀！不過 d 相真係好好好靚！唔知係咪因為係自己嘅第一輯婚紗相，對呢輯相真係情有獨鍾！
（男朋友嘅爛咀冇晒啦，多謝晒你呀 James！）
擺住咁多出嚟先，遲 d 再 post 比大家睇！我仲會放 d 單人相出嚟架！
喺呢度真係要再次多謝 James，阿 Sam，阿 Joe，Zita，Doris 及 Lisa 等人！
James：多謝你日日幫我男朋友執走佢個爛咀執咗十幾日，我仲記得你喺電話度同我講：「Jenny，救命呀，我日日對住你老公個咀，我就快連發夢都見到佢個咀啦！」我都知你好辛苦架啦，執到眼都矇埋，哈！真係唔該晒你！
Sam & Joe：多謝你哋兩個同心協力幫我影咗咁多靚相，今次雖然係買咗好多相，不過我覺得好值！而且你兩個仲教識咗我點笑點擺 pose，連我自己都唔知原來自己嘅笑容都 OK 甜喎！
Doris：多謝你當日幫我 set 咗個我好鐘意嘅頭，個妝亦都好自然，好多朋友淨係睇我當日用相機影嘅花絮相已經讚我讚到好似仙女下凡咁（我：都係佢哋比面啫，唔通話你醜咩？）Anyway，真係多謝，我好鐘意個造型，簡直係超 like！
Zita：影相當日雖然你放咗假，不過我張單一路都係你跟開！成日入 expo 又搵你出嚟帶我同男朋友入去，貪貪埋埋 d 小便宜，麻煩咗你咁多次添！
Lisa：雖然每次上嚟同你傾得唔多計，不過我其實知道你係記得我同男朋友架！今日上嚟見到你有咗 BB 呀，恭喜你呀！喺呢度先祝你 BB 肥肥白白，健康成長，最緊要聽教聽話！
Soooooooooo happy to know you all, that's really a memorable experience to have pre-wedding photo shooting with you guys!
第４，５，６張都勁靚呀！！！ 真係好靚呀！ 俾人好ｓｗｅｅｔ既感覺！
回覆刪除[版主回覆09/07/2008 18:32:00]我反而最最最鐘意第 6 張, 所以都用咗呢張做我嘅 icon 相! 或者因為我本身好鐘意 bf 錫我額頭啦!
其實我 exactly 就係想 d 相影出嚟好 sweet, 好浪漫嘅感覺, 估唔到佢哋又影得到....
d室外相影得好好喎！
回覆刪除[版主回覆09/07/2008 18:32:00]多謝! 我自己都好滿意呀!
好嘢，有相睇啦！影得好靚喎！仲好甜添！
回覆刪除[版主回覆09/08/2008 10:54:00]嘻.....我都估唔到出嚟嘅效果 ok 喎!
嘩 ~ d相好得喎 ~ 感覺上唔似其它果D婚紗公司咁"行"貨,
回覆刪除我最喜歡最尾個張, 好正好靚 ~
[版主回覆09/08/2008 21:35:00]yeah yeah yeah!!! 我同你一樣感覺, 最尾嗰張.....一個字.....正!
我鍾意最尾果張﹗sweet sweet ar 你買咁多，總共使左幾多錢呀？
回覆刪除[版主回覆09/08/2008 21:36:00]係呀, 我都好鐘意最尾嗰張, 見我拎咗嚟做 icon 相就知啦, wakaka!
幾多錢就唔知啦, 呢輯相係 bf 送嘅, 我揀完之後佢就走出去同 d staff 傾價錢, 到今日佢都冇話比我知用咗幾錢呀!
你好嗲果個樣都幾靚喎﹗好有feel呀^^hehe
回覆刪除[版主回覆09/10/2008 09:57:00]哈哈....嗲樣......你係咪指第一張?
我都估唔到原來影出嚟係咁架.....hehe
我最鐘意第4張, au yeung睇落好情深款款
回覆刪除[版主回覆09/10/2008 09:58:00]哈哈.....我反而覺得佢有 d "瞇之眼"..... 然後心裡暗罵 : 得未呀???
影得好靚呀
回覆刪除[版主回覆09/14/2008 15:00:00]多謝! 我自己都好滿意!
你好呀..我睇完你們之相後...好自然好靚呀...唔知你們PACKAGE幾$包什麼呢？
回覆刪除