升呢日之《註冊篇》@ 我係歐陽家大少奶

2009 年 11 月 21 日（星期六）

喺男家斟完茶就要急急腳離開，因為已經甩咗 rundown 接近 15 分鐘啦！嚟緊仲要去註冊，唔遲得架嘛，所以我當時將呢句掛喺口邊：「快快快，註冊唔遲得！」

伴娘小姐當日都好很忙，呢張就係唯一一張上午嘅合照，辛苦你啦！

好衰唔衰，喺尖沙咀仲要再塞咗 10 分鐘車，花車司機豪師父都話今次同我哋搏到盡，cut 線、衝燈佢做齊晒，佢自己都話揸咗花車咁耐，都冇乜幾何咁樣違規，我同老公打爛咗佢個齋砵，都唔係幾好意思！好在各位司機都俾足面，見我哋係花車就讓我哋行先，一輪衝風陷陣後，只係比正式註冊時間遲咗 10 分鐘，thanks GOD！

當時一到咗目的地就咩都唔理，架 28 座仲喺後面塞緊，我同老公已經以 9 秒 9 速度跑上緣美傳說，不過說時遲那時快，架 28 座都到埗啦！

以為上到去補補妝就可以行禮，點知原來仲要聽律師廢 up 一輪，我個心已經好急... 睇下我哋幾留心聽...

好鐘意呢幾張 snapshot，Snoopy ring pillow 果然好靚！

聽律師 up 完一輪後，渣渣臨埋位等 march in 啦！緣美傳說 d staff 再同我哋 brief 多次點樣揭頭紗，點樣走位後，就真正要行禮啦！各單位就要開始 standby... 多謝老豆領我進場，呢個係我夢寐以求嘅一個場境...（查實我係有戀父狂...）

成為歐陽太的 5 步曲：

Step 1 --- 律師會問我哋願唔願意。喺呢個時候有人推門嚟搶婚就好啦，呵呵呵！

Step 2：交換戒指

Step 3：宣讀誓辭

Step 4：揭頭紗

Step 5：指定動作

唔記得講咗 or 做咗 d 咩，令到大家笑得咁開心！尤其是我老豆....

大筆一揮，做女嘅時代就咁結束，從此成為一個黃面婆（係靚嘅）...

從此以後，歐陽家及趙家入面就多咗半個女及半個仔，以後一家人啦！

然後就係一輪嘅人肉佈景板活動，多謝小高嚟觀禮，多謝歐陽生一班老友嚟參加婚禮！

當我同老公好努力咁任人擺佈時，班兄弟姊妹已經喺度喪玩...

喪鐘意以下呢幾張相，件婚紗嘅背面真係好靚...

我已經用呢張相做咗手機嘅 wallpaper 啦！

呢個時候，拍埋註冊 video 嘅 ending，就要去影外影啦！都係例牌要做呢 d pose 啦...

影相影到最尾，打算離開禮堂時，突然收到緣美傳說嘅神秘禮物...

就係印有我同老公個名及結婚日期嘅紅酒一枝... Thanks！

做完人肉佈景板，係時候爭取時間去 1881 影外影，見到 d 兄弟 pack 起我張油畫時先驚覺原來頭先趕頭趕命掛住註冊，都唔記得同自己張油畫影相。可惜張油畫已經 pack 到一半，唯有由呢位兄弟充當臨時油畫架，等我影返張相留個紀念。

咁就做咗人哋老婆啦，cocktail 都唔得閒參與就拿拿淋去 1881 影相，因為個 rundown 真係好 tight.....

下回會報告 1881 Heritage + 渡海小輪 + 中環碼頭外影篇。

我們已...相愛 10 年

2010 年 3 月 12 日（星期五）

2000 年 3 月 12 日，一名只有 18 歲的小伙子向年僅 17 歲的少女表白心跡，地點選定在淺水灣。其實，當時他們只相識了不足 3 個月，但已經上過好幾次街了。每次的外出，總是約好『一班人』的，但偏偏到最後總會被『放飛機』而剩下他倆。是大家故意的嗎？其實應該不是！

男孩在表白前已有百分百信心可以奪得芳心，因為他知道女孩早已對他有了好感，只差他開口。你們知道嗎？男孩其實很大膽，在未表白前，已嘗試了跟女孩拖手，甚至親了臉，但女孩一一受落，試問有誰不知她心裡想什麼？

當初，男、女孩都沒有想太多，只靠那一刻的感覺，便開始了他倆的愛侶關係。兩人均是第一次感受著愛與被愛的感覺，一切都很甜蜜、美好。但周遭的人，包括朋友及家人均提醒他們，初戀是美好，但切記不要太過投入，萬一他／她不是 Mr. ／ Ms. Right，就當發了一場夢好了。

在成為情侶的第一天，當時沒有太多錢的男孩帶著女孩到旺角信和中心側的意粉屋進餐。雖然當晚吃的不是矜貴佳餚，但女孩仍然感謝男孩跟自己渡過了這麼感動的一天。男孩隨即提出，在以後每個月的 12 日，他們都會在這間意粉屋吃飯，風雨不改！

不知不覺，他們一起攜手走了很多路，回頭一看，原來已經 10 個年頭了。10 年的感情，得來不易。是女孩令男孩變得更有責任心，更上進。亦是男孩令女孩變得更成熟，更溫柔。10 年間，他們均經歷了甜、酸、苦、辣。但女孩敢講一句：甜的總比苦的多出很多倍，這個是真的！

2007 年末，因為一次婚紗展的緣故，令他們決定展開人生新一頁，他們決定結婚了！

2008 年 3 月 12 日，男孩趁著這天是他倆的拍拖 8 周年紀念日，選定在女孩喜歡的餐廳，向女孩提出一次正式的求婚，紫玫瑰花、鑽石戒指均一起作證。女孩欣喜若狂，點頭向男孩承諾著願意一輩子做他的女人。

2009 年 11 月 21 日，男孩與女孩廣邀親朋，在眾人的見證下說出了「我願意」，成為了夫婦。

沒人知道他倆的故事會再怎樣發展下去，但這一天 --- 2010 年 3 月 12 日，拍拖 10 周年，他們依舊到意粉屋進膳，重溫 10 年前的今天，他們的點點滴滴。

「我要一模一樣的點回 10 年前我們所吃過的東西！」女孩提出。

　

　

　

同樣的餐廳、同樣的食物，慶幸這間意粉屋並沒有結業。原來這間意粉屋亦一起陪著他們經歷了 10 個年頭（或更甚）。意粉屋的餐牌變了、店內的裝修亦變了、侍應更換了又換，但他倆的感情並沒有一刻退過或變過，更在雙方的無名指上多了一份承諾，而這個承諾是 --- 一輩子。

大吉利是 ... 之 ... 戰績篇

2010 年 2 月 28 日（星期日）

2 月 28 日係中國情人節，唔好以為已為人妻嘅我會有好浪漫嘅慶祝節目。是日嘅活動包你估都估唔到 --- 搬屋！！！

當然唔係我哋搬啦！只係我一個叔叔搬屋，而我娘家又打算更換大量傢俬，難得宜家可以明正言順老點歐陽生幫手，呢 pair 岳父岳母早於半個月前已經同我哋 make appointment 啦！結果當然係做到成隻 "積" 咁啦，估唔到婚後第一個中國情人節喺咁嘅情況下度過... 雖然全日做搬運工人，不過仍然係開心，因為同埋屋企人一齊，突然覺得好應該要珍惜同佢哋相處嘅時間！（唉，老啦～）

除咗日頭 (幫人) 搬屋外，夜晚就喺屋企拆利是。家中個衰佬好執著... 一定要過咗正月十五先可以拆得... 我今次搭正正月十五拆，都只係搏大霧咋～

婚後第一個新年，唔知點解歐陽氏夫婦今年嘅戰績突然好彪炳... 承蒙各位長輩嘅厚愛，今年嘅 $100 及 $50 數量大幅增加，分別有 21 封及 19 封，已經遠遠超出往年嘅成績啦！仲有數十封 $20 呀... 至於最唔得人喜愛嘅 $10，今年只係收到 3 封咋，哇哈哈哈！

再比較返今年派利是出去嘅金額，嘻嘻嘻嘻嘻嘻嘻嘻嘻嘻...... (容許我咁開心啦)

估唔到竟然可以 cover 到喎，仲有數百蚊袋添... 嘩，真係估佢唔到！

歐陽氏夫婦在此衷心希望各位善長人翁，喺往後嘅日子繼續發揮你哋嘅善心，眷顧下我哋，等我哋嘅子女教育基金可以有增無減，咁我先可以快 d 做人媽媽嘛...