揀衫日 (鋼紗型婚紗) @ 法國婚紗

2008 年 9 月 5 日（星期五）（續）

試完 7 件 A-line 型婚紗就試 10 件鋼紗型。

#3804

呢件試嗰陣係冇咗頸嗰塊嘢，經 sales 解釋後，原來比我稱為「嗰塊嘢」係一個頸飾嚟架！如果我 confirm 呢件的話，影相當日會有埋個頸飾。條裙好多一層層，有一個好大好大嘅拖尾，而正面其實有少少珠仔，仲有嘅係...... 裙嘅正面中間部份係平滑嘅，核突 d 講句好似中間比人熨平咗，不過講真，唔覺眼嘅！我自己幾鐘意呢件，因為個拖尾好長好長呀，用嚟影相應該會幾多變化。

#3792

都係嗰句，Model 點都著得好睇 d！其實條裙都 ok 嘅，都算著得我 young，不過同上面嗰件相比好似普通咗少少。

#3791

呢件其實唔錯架喎，男朋友同 sales 都話 ok，而且腰間嗰個 V 字幾靚！

#3722

呢件一般啦，冇乜特別大嘅感覺！

#3808

呢件其實我一直都幾鐘意架，試咗上身我都算滿意，不過我唔明男朋友點解話我似阿姑，佢話可能因為腰間個斜 V 字好似條 belt 咁喎，哼，都唔知佢咩諗法！

#3615

呢件...... 呢件男朋友同 sales 都話好睇，至於我就覺得 OK 啦，唯一係想講實物裙係靚過宜家睇相！不過好似有少少金都 feel 咁嘅！

#3618

哇哈哈！呢件一著出嚟覺得自己成個蛋糕咁呀！不過我試完呢件之後有個結論，原來我係唔適宜著一字膞嘅，因為比佢 cool 住咗咁，變得好 "科" 呀！所以比我即時 foul 咗！

#3696

呢件幾鐘意佢嘅上身設計，有 d 褶布，修得個上身好靚！而下身嘅裙其實有 d 似上面嗰件，不過呢件係不規則地咁有層次，而上面嗰件就打橫一層層！

#3620

呢件比我即時 foul 咗！周汶錡就著得靚，我就著得勁核突！！！No No No！

#3707

呢件好有宮廷 feel，原來我都 carry 得到呢 d 公主式嘅裙，不過始終唔係我杯茶，I can't be a cutie girl！！！