好嬲呀好嬲呀!

睇嚟我遲 d 真係要開返個新 section 專講 Belinda 點對我 ~

呢排原本忙緊公司出中期業績嘅事，不過宜家真係乜心情都冇！咁樣比同事講法，超嬲！！！啱啱同 Mandy 呻開，先知道原來 Belinda 都有同 Mandy 講起我嘅事，我先知原來 Belinda 份人係咁！！！

事件簿一（總共有 5 個）

話說我哋宜家日日返到公司都喺度做較對咁，對吓中、英文業績嘅數字，文字夾唔夾，有冇譯錯字，有冇計錯數等等。嗰本業績基本上分開兩部份，第一部份係數字，第二部份係我 co. sec. 嘅資料。

喺業績中有一 part 係講有 d 咩人揸住我哋公司嘅股份（屬於 co sec. section），其中一個股東係公司嚟嘅，叫做 Integrated Asset Management (Asia) Limited，呢間公司係冇中文名嘅，所以喺中文版本嘅業績入面會 show 返英文名，但後面就會 define 間公司叫「本匯」。

基本上公司一出業績，成個會計部（三個人）加埋我都要放低手上其餘嘅工作只準對稿。當 Belinda 對到呢個公司名嘅時候，佢一味話呢間公司係有中文，問我點解要寫個英文落去中文版本度。

Belinda：「呢間公司有中文名架，叫做本匯融資(亞洲)有限公司。」

我：「係咩，我當初直接打電話去呢間公司度問，佢哋話冇中文名架喎。」

Belinda（態度不好地）：「你可以上網查架嘛，咁點解我又查到吖？」

我：「係咩，咁唔通當時個女仔呃我？」

Belinda：「你自己上網查吓啦！」（暗示我乜都唔做）

好，既然你咁勁自己上網查到個名，咁我咪打多次電話比嗰間公司向佢 double confirm 囉！點知，原來呢間公司真係冇中文名架！Belinda 查出嚟嗰間只不過係對方旗下另一間公司咋！超，搵錯資料仲扮晒嘢，仲好話我自己唔去查！

事後我向 Mandy 呻呢件事時，原來 Belinda 有另一個版本。Belinda 同 Mandy 講呢個公司名已經出現咗喺業績報告好多年，佢幾年前已經叫過我去查個中文名出嚟，但佢認為我冇去做，由得個名喺中文版本都 show 英文名，佢仲同 Mandy 講話佢交帶落叫我查公司名我唔去查。我知道原來佢咁同 Mandy 講後真係超級慶囉！你憑咩覺得我冇去查？唔通我查完之後要向你匯報返？宜家我唔係 under 你，唔需要向你 report 架喎！再者，個公司名要咁寫唔係我一個人嘅意思，你比個天我做膽我都唔敢咁寫啦！公司寫過 d 咩都要負責任架！係我上司叫我咁寫架！唔知就唔好亂咁講話我冇去做啦！你咁巴閉咪直接同我講囉，做咩要喺其他同事面前咁講啫？

事件簿二

又喺對資料期間，佢又對到去 co. sec. section 講我哋成個集團請咗幾多個員工。我寫咗 390 個，上年係 370 個。佢對對吓叫我同 Lawrence confirm 一吓個人數，我口快快地講咗句：唔問（因為我本身有少少唔妥 Lawrence），之後就就不了了之。其實我私底下已經問咗上司，係佢 suggest 我填呢個數字落去架！唔係我自己話架！但係佢又向 Mandy 講話我冇去盡自己嘅責任問清楚，真係妖那星！！！

事件簿三

我好多謝佢幫我份對呢本中期業績嘅 co sec. section，不過，唔係我揸住支槍迫你幫我手對架喎！你係絕對有權唔對架！在於你嘅立場，你係會計部，你只需要對 d figures 負責任，奈何我係 co. sec.，成本書我都有責任，你可以淨睇數字，但我要成本睇晒！

好，你幫我手對，我真係要多謝你，但係你搵到有錯處，係咪要咁講嘢呀？咩叫做「我冇盡我嘅責任」呀？你真係好過份，呢件事係頭先同 Mandy 傾計時佢順便講埋我聽！

Belinda 喺 co. sec. section 搵到有 d 地方打錯咗，就走去同 Mandy 講話覺得我冇做好自己本份，冇盡責！喂，大佬呀，我夠喺 account section 搵到有錯處啦，咁係咪代表你又冇盡責呀？成本嘢幾十頁咁厚，你就可以避過晒 d co. sec. 文字唔洗對，但我就要睇晒成本書！你成個部門有 3 個人總共 6 隻眼去對稿，我呢？我得一個人 2 隻眼去對咋！有時睇漏一兩個地方我覺得不足為奇囉，但係係咪有咩錯都可以賴晒我先？我覺得大家做同事唔可以咁唔公平囉！冇理由單單因為你喺 co. sec. 搵到個錯處就話我冇用心去對稿！好吖，我宜家喺 account section 搵到好幾個錯處添，咁我係咪可以敲門入老細房話佢知，然後順便同佢講話你冇盡責對好本嘢佢呀？你都痴痴地嘅！況且你今日都唔係第一日出業績啦，有時出一本書，動用晒全公司嘅人去對稿，出版咗之後大家睇返都會搵到一 d 細微嘅錯處，咁係咪代表當時所有有份對稿嘅人都冇盡責？你有冇用個腦去諗架？你搵到錯處咪直接同我講囉，洗乜咁呀？都發神經！！！我覺得咁係好唔 fair，唔係話搵到 d 錯處就可以抹殺我之前做過嘅嘢架！

事件簿四

Belinda 向 Mandy 講話我成日玩 msn！OK，我認我係成日玩 msn，咁點吖？

Belinda 向 Mandy 講話我成日都好似好得閒！OK，我認我唔係經常有嘢做呀，咁點吖？

又攞我嚟同佢自己比較！It's not fair to me！！！大家根本唔同部門，有咩好比較啫？係啦係啦，知你係全公司最忙嗰個，開心未呀？仲有呀，你都有朋友讀 co. sec. 架，你即管問吓你 d co. sec. 朋友係咪成日有嘢做呀？我哋呢一行一向都係有 event 先忙，冇 event 就清閒 d 架啦！

喂，你係會計部，d 嘢經常都係 daily 嘢，我明白你係忙吖！我從來都無否認過你忙呢個事實喎！另外，我的確唔係成日有嘢做，咁你宜家想點吖？

羡慕呀？轉行囉，唔好做會計啦，做 co. sec. 囉！

妒忌呀？搵人比 d 嘢我做囉！但你可以開聲咩？唔得你就唔好喺度阿吱阿 jor 啦！

你理得我喺公司玩 msn 又好，上網又好，喺度跳舞都好啦！我做 d 咩關你叉事咩？我完成到其他人要我做嘅嘢咪得囉！做咩呀？你睇唔過眼我咁得閒呀？睇唔過眼叫人炒咗我吖笨！

事件簿五

話說近期我哋一齊 join 咗一個每月玩四堂嘅 yoga 課程，尋晚 d sales sell 我哋 upgrade 到每個月五堂。OK，你打比我問我意見 up 唔 up 好，我都話我未必一個月上到 5 堂，你又何必咁講呢？

我：「我驚自己未必一個月上到 5 堂喎，都係唔 upgrade 住啦！」

Belinda：「唉，我都唔得呀，我每個禮拜仲要返 3 日學！不過你應該得架喎，你又唔洗返學，一個月 5 堂你實有時間啦！」

我：「雖然我宜家唔洗返啫，不過我下年開始會讀返 co. sec. 啦！」

Belinda：「係啫，你都冇我返咁多日學吖」（不斷強調自己好忙要成日上堂）

我終於都忍唔住：「係啦係啦，我冇你學咁多嘢呀！」

******************************************************************

真係諗返起咁多件事都慶過「辣」雞！！！！妖妖妖！！！