2008 年 8 月 29 日（星期五）
上次買金器時落訂訂造嘅龍鳳戒指返咗啦，所以今日放工之後同媽咪去咗周生生攞埋佢返屋企。周生生效率都唔錯，落訂時話要 14 個工作天先有得攞，點知早咗一個星期就返貨啦！
我當初落訂嗰時，周生生比我揀用當日嘅金價計算，定係攞戒指嗰日嘅金價計，好在我同媽咪商量後決定用落訂當日金價計，即係 7,900，我攞戒指當日已經升返 8,330 啦！咁又慳咗 $2xx 啦！
Close up --- 龍
Close up --- 鳳
Close up --- 龍 + 鳳
講真，我覺得隻龍靚好多、好多倍！好羡慕男朋友添！
呢排飾金價又上又落，之前先升返去 8 字頭，呢排又跌返去 8,080，真係比佢玩死！不過我依然會日日留意住金價，因為之前同媽咪約法三章，如果跌到 7 字頭的話，再去入貨！！！快 d 跌啦！！！
嘩！對介指好型呀！ 會戴o向邊隻手指呀？
回覆刪除[版主回覆09/05/2008 14:22:00]sales 話帶喺中指會靚 d 喎, 不過考慮到左手嘅無名指會帶結婚戒指, 又唔想兩隻戒指帶晒喺同一隻手度, 所以我會帶喺右手嘅中指!
你們對龍鳳好靚，但我都覺"龍"果隻靚好多同埋幾型，請問係咪一定要買架...我唔係咁識！
回覆刪除仲有，想講你們的開頭的版面好靚呀！
[版主回覆09/05/2008 14:24:00]係啦....真係唔公平, 龍嗰隻靚好多呀, 又有神氣咁....妒忌!!!
哦...其實唔係一定要買架! 不過媽咪話想買隻戒指比 bf, 咁啱見到呢一款幾靚, 所以先至買囉! (我都係叨男朋友光架咋!) ^^
係呀, 啱啱尋日攞咗 d 婚紗相嘅 softcopies 返嚟, 所以我就急不及待整張 banner 放上嚟, 仲將 icon d 相轉晒添! 遲 d 啦, 遲 d 我會放部份相上嚟架!
你對介指好型喎~
回覆刪除[版主回覆09/05/2008 14:24:00]ok 啦, 我都係鐘意 bf 嗰隻多 d, 可惜唔襯我!
對戒指好特別呢，睇完才知道，原來戒指都有龍鳳之分﹗我都要去周生生看看呢~
回覆刪除[版主回覆09/06/2008 00:54:00]係呀, 對戒指都幾特別, 不過唔淨止周生生有得賣, 六福嗰 d 都有, 不過款式應該唔會完全一樣, 你可以睇咗邊款鐘意先買都得! 趁住呢排金價又開始回落, 姊妹們....準備啦!
我媽咪都要我買龍鳳介指 我同bf都睇中呢對 佢仲話佢隻龍有氣勢好多, 巴巴閉咁
回覆刪除[版主回覆09/06/2008 00:55:00]hahaha, 咁講真帶住隻龍戒指又真係幾有氣勢嘅! 不過其實嗰條龍鬚都幾麻煩, 好容易會 "cake" 到嘢 ~
好精美呀!!
回覆刪除[版主回覆09/06/2008 00:55:00]歐陽佢 "恨" 到啦~~~~
好攪笑呀﹗你唔講我都唔知有龍鳳介指呢樣野﹗
回覆刪除[版主回覆09/06/2008 00:56:00]係呀, 我原本都唔知架, 仲諗住買普通款算數, 呢對戒指都係 sales 介紹咋! 學我媽咪話齋, 還掂平時都唔會再帶金戒指, 咁梗係要買對誇張 d 嘅 for 結婚當日帶喎!
題外話~見到你張相轉左>< 係咪有相睇呀? 真係好想睇相呀我!!!! 好靚呀!!1
回覆刪除[版主回覆09/06/2008 00:58:00]係呀, 有相睇啦, 不過我仲未有時間處理 d 相...
仲記得我 bf 影呢輯相時爛咀嗎? 所以....比多少少時間我.... 一搞掂我會幫你止渴架啦! ^^
P.S. 呢張 banner 都係婚紗公司幫我整架咋!
呢對戒子我都有睇過，隻龍好靚，鳳就覺得差咁d野。
回覆刪除[版主回覆09/06/2008 10:46:00]呢對戒指我都覺得比隻龍搶晒鏡......
仲有...你老公錫你額頭張相好正，係美麗佳人還是緣美傳說架？﹗快d show俾我地睇下啦﹗
回覆刪除[版主回覆09/06/2008 10:47:00]呢輯係緣美傳說架! 我好滿意呀, 所以先至大出血囉! 不過仲有少少嘢要執, 我會仲快放上嚟架啦!
隻介指好英呀!!!! haha ~~~~
回覆刪除金價跌到7 字頭都知聲我喎!!! heheheheh
[版主回覆09/06/2008 12:16:00]尋日跌到去 7950 喎, 不過今日又升返去 8060!
人哋話呢幾日係關鍵日, 入唔入貨都係睇呢幾日啦! 因為新聞話去到 9 月中開始係金價需求嘅旺季, 就算油價一路跌金價都唔會再跌架啦! 所以我已經好努力咁留意住....有消息通知你!
真係幾特別.我都無諗過可以變左介字喎...^^
回覆刪除[版主回覆09/06/2008 21:16:00]係呀, 除咗戒指之外仲有耳環架!
今日已經係 7950 啦~ 你可以再去入貨啦~
回覆刪除[版主回覆09/06/2008 21:16:00]係咩??? 今日喎.....
我今日經過 d 金舖時係 8060 喎.....唔通跌返????
我昨日見係 7950 架, 唔通收市既時候又升左
回覆刪除[版主回覆09/06/2008 21:39:00]係呀，今日已經升返 8060 啦！因為香港嘅金價係根據美國市場市況訂出嚟架！咁美國嘅時間係遲香港 1 日，即係話香港時間星期六先係美國嘅星期五，所以香港嘅星期六金價都會有變架，反而星期日先會唔變！
龍鳳戒指?? 好特別呀！有無d咩特別意思ga?? 係唔係同fiance一人一隻ga??
回覆刪除[版主回覆09/07/2008 18:34:00]我諗冇咩特別意思嘅! 不過真係 for 男一隻女一隻咁戴! 其實因為我媽咪話買少少金比我 bf, 係我提議買戒指嘅 (唔洗媽咪用咁多錢嘛)! 咁 sales 就介紹咗呢款比我啦!
對介子真係好靚呀 !!
回覆刪除[版主回覆09/08/2008 10:56:00]係呀, 都 ok 架! 不過點睇都係 bf 嗰隻靚 d!