Good Good Good！
各位姊妹們，要買金器的話今日就好去銀行提款，我哋可以大安旨意 shopping 啦！
皆因今日嘅飾金價係近年嚟跌得最低嘅一次......
7720
其實我每日都會打電話去周大福熱線問每日飾金價。今日一聽到個錄音話 7720，我第一個感覺係：我係咪聽錯？結果再打去聽多次，個錄音依然話 7720......
嘩，好嘢，終於再跌多一次去 7 字頭，仲要 77 字頭添！Good！
雖則我係出年 11 月先嫁人，不過呢 d 價位好少出現！
我即刻打比媽咪話佢知，而且仲約咗佢今日放工去入貨......
我決定唔理三七二十一，要加班都好...... 我唔加...... 仆到去買金......
哇哈哈！！！
係呀！呢個價真係幾吸引，我都十五十六. . .遲下會唔會再跌
回覆刪除[版主回覆09/10/2008 12:37:00]其實我都心思思想等多一日，想睇埋聽日點，不過又引用返媽咪嘅說話，價啱就去買，無謂夜長夢多，所以我極有可能今日去入貨啦！
哎呀... 真係好吸引呀... 點算好呀? 買定唔買呀!!!!
回覆刪除[版主回覆09/10/2008 13:39:00]係勁吸引呀...... 基本上都冇可能摸到最低價, 所以趁價啱就買啦!
HAHA~~又買過??
回覆刪除[版主回覆09/10/2008 13:39:00]買呀買呀買呀!!!
我D親戚見8個時已經買左D架喇,我亞媽仲係6時買左,所以我都冇咩影響喇,哈哈!
回覆刪除[版主回覆09/11/2008 00:38:00]嘩, 你就好啦, 6 嗰時真係平過宜家好多呀! 你一定收到好多金器啫!
而家真係好抵喎, 我媽媽 8字頭時以為好抵已經買左啦
回覆刪除[版主回覆09/11/2008 00:39:00]真係低處未算低...
我今日去買時個 sales 話遲 d 可能再跌 (都唔知信唔信佢好, 佢講過都唔會負責任), 所以我今日都係買咗一對鈪咋...如果遲 d 再跌, 哈, 再買!
不過，你仲有時間喎~~唔再等下tim?
回覆刪除[版主回覆09/11/2008 00:40:00]本來真係唔等架啦, 點知今日去到金舖媽咪又話買住少少先, 佢話覺得會再跌喎, 所以我又要繼續睇住個價啦!
你真係好攪笑呀^^haha
回覆刪除[版主回覆09/11/2008 00:40:00]哈哈, 係咩? 呢個就係平時嘅我啦! ^^
請問我 11 月係咪有機會再見到你啦?
唔~~我都係咁話，我一d都未買，上一次79xx既時候媽咪已經話要買，我話：仲有年幾，睇定d先啦！
回覆刪除好！大家一齊"及"實個市！hee~
[版主回覆09/11/2008 01:18:00]咁你嘅定力都幾夠喎！勁！
所以我今日只係買咗對鈪咋，遲 d 啱價再買！咁你目標價係幾多？我媽咪話 7500 左右喎！唔知得唔得呢？
太耐無睇esd的金價，今日見到係7590....又跌了...心思思...但媽媽又好似唔急咁...都唔知點好呢！
回覆刪除[版主回覆09/11/2008 14:06:00]其實 7590 真係好吸引呀, 仲好鬼震撼添! 所以我覺得買少少冇壞嘅!
我昨日都買左啦.. 你係咪都買左啦??
回覆刪除[版主回覆09/11/2008 23:10:00]係呀, 買咗啦, 不過只係買多一對鈪, 硬係凝住今日會再跌, 所以尋日都唔敢買太多!
哈哈﹗我都好想攪次gathering呀^^
回覆刪除[版主回覆09/13/2008 10:50:00]好呀好呀, 舉腳贊成! 如果要我幫手, 隨時出聲喎!