2012 年 11 月 27 日 (星期二)
今日係 last day at Taiwan，所以今日嘅節目係 ---- 血拼，wakakaka！
溫泉酒店送咗早餐，不過幾失望嘅係一 d 都唔吸引。。。好在景觀搭夠（總幻想有少少日本 feel）
返到入房，梗係臨別秋波浸多次溫泉，本來想上頂樓浸露天嗰個，不過最後都係嫌煩，浸私家個嗰個算數。
執行李嘅時候手痕打個個窗簾望望，先發現原來出面有個露台仔，好靚呀，點解我哋要到呢刻先發現？
到咗 check out 時間，係時候同個溫泉講 bye bye
整體水都溫泉酒店都 OK 嘅，間房好大，個露天溫泉算係唔錯，只係個早餐真係不堪入目！
我哋又再次將 d 行李寄存喺酒店，因為想去附近嘅溫泉博物館行下。本來係 plan 咗尋日行嘅，不過撞啱博物館星期一休館，改為今日。
沿途嘅風景真係好鬼靚。。。
跟住個地圖行就包冇衰啦～
個博物館同水都好近，所以一 d 都唔難搵。
參觀博物館並唔需要入場費
好快咁兜咗個圈之後就離開。
本來想去埋隔離個圖書館，不過因為下午嘅節目緊湊，最後都係決定影張相就走人。圖書館好靚、好有特色架
返到酒店拎返 d 行李之後，又 miss 咗班 shuttle bus，結果拖住行李落山。好彩係落山咋，唔算辛苦，上山就唔敢講啦。
今次搭嘅北投捷運好得意，有個木桶型嘅電視機，介紹北投嘅特色食物、景點等等。
我哋嘅目的地「上引水產」，不過要放低行李先，所以去咗台北車站，因為嗰度有好多大型 locker，可以寄存行李，咁就唔洗咁辛苦拖住個喼去血拼。locker 嘅價錢一 d 都唔貴，每三小時都只係 NT50，折返港紙即係三小時約 HK$18 左右。
有去過台北嘅朋友都知道台北車站好大，所以搵 locker 都搵咗一段時間，最終決定問車站職員，所以即將去嘅朋友，記得唔好好似我哋咁浪費時間，路在口邊。
locker 空間好大，而且數量都好多，唔洗擔心冇 locker，我桃紅色呢個喼係 29" 都放得落。如果真係大到放唔落都唔洗擔心，之前睇 blog 文好似話可以同車站職員講，佢哋有個儲物室可以放大型行李，然後有位職員坐喺門口看住，不過呢個未經查證，唔知真定假。
放低晒行李之後就出發搵食。
今次 target 咗 「上引水產」，聽講係日本人開，d 食物好平，好新鮮架！
不過位置比較隔涉，要坐車去到「行天宮」站再轉的士，要同司機講去「魚市場」，講餐廳名佢唔識架。
呵呵呵，終於到咗啦，個肚已經打晒鼓。
呢個魚市場分三層，最低嗰層係街市，專售賣各式各樣海鮮。第二、三層都係食肆，第二層主要食壽司 + 超市，第三層就係食燒烤。
我哋嚟到當然係選擇食壽司啦。佢有個 area 叫做立吞壽司，「立吞」--- 即係立住嚟吞，= 冇坐位，所有人都要企喺度食，企位大約有 5-60 個。如果星期六、日嚟食就慘 d，至少要等 45 mins 先有位，我哋今日係星期一就冇呢個問題。
睇下。。。個個都係企喺度食。
至於價錢。。。我推介得嘅當然係平、靚、正
就好似以下呢個壽司 set，有 13 件壽司 + 一兜迷你刺身，都只係 NT6XX，折返港紙只係 HKD180 左右，喺香港呢盤嘢至少都要 HK$250 啩？仲有牡丹蝦及海膽呢 d 貴價壽司喎...
見到佢已經令我好雀躍
每個壽司 set 仲包埋一碗巨型嘅味噌湯。。。有成個湯碗咁大碗，唔同香港嗰 d 只係得個拳頭咁大，而且人哋仲落足料用蝦頭嚟煲
除此之外，仲嗌咗當時得令嘅燒秋刀魚，好肥美好好香。。。條秋刀魚都唔係貴，不過唔記得咗幾錢
超滿足！鐘意食壽司嘅朋友，呢度真係唔可以錯過！
醫好肚就要開動血拼模式啦，光南大批發、新光三越、台北地下街、西門町統統唔放過。
發現咗呢支咖啡好好飲，立即掃咗 4 支返嚟，最衰香港冇得賣，到宜家都唔捨得飲晒 4 支呀。
只係短短幾個鐘就掃咗幾袋啦... 女人嘅 shopping 能力一 d 都唔可以忽視。。。
當然唔少得嘅就係我最愛嘅 Mister Donut + 阿默蛋糕，yummy~~~
血拼完都夠鐘去機場，喺台北車站 locker 拎返自己 d 行李之後去埋隔離嘅車站買國光客運車票。
上到機再影
飛機餐又係食嗰 d，不過都好過無啦。
今日嘅收鑊，竟然比我買到 Dr. Wu paper mask.... hehehehe
是次台北手信大晒冷！
