2008 年 11 月 21 日（星期五）
之前都講過，呢日係我結婚倒數一周年，當晚就同男朋友去咗食 buffet，不過估唔到原來佢準備咗份小禮物送比我喎。
登、登、登、櫈...... 係我至愛品牌嘅 Agnes b. + 至愛零食朱古力呀！
（嘩，搞到個地下好污糟呀，好多糖粉跌晒出嚟....）
其實我有少少慚愧啦......（少少咋），我完全冇預備任何禮物送比男朋友，一心一意諗住食餐飯慶祝吓就算架啦，估唔到原來我有得收禮物添！
朱古力味道如何就仲未知，因為我未開始食，不過男朋友補充佢送呢份禮物比我係有原因喎！呢盒朱古力入面有苦嘅亦有甜嘅，就等於我哋嘅愛情咁，有苦嘅時候亦有甜嘅時候，佢仲話希望以後嘅日子都係甜甜嘅......（嘩，突然間好似溏心風暴 d 對白咁嘅？）
多謝老公！
就等於我哋嘅愛情咁，有苦嘅時候亦有甜嘅時候，佢仲話希望以後嘅日子都係甜甜嘅<--好sweet呀。係佢送o既，就算本身粒朱古力係苦你都會覺得係甜。
回覆刪除[版主回覆12/01/2008 10:44:00]嘻嘻, 係呀, 不過其實盒朱古力我到宜家都仲未食
ho sweeet ar!! =)
回覆刪除我好鍾意食choco!! 但3月要影相...我停食+ing!! ><
[版主回覆12/01/2008 10:45:00]我都好鐘意食朱古力架, 我係勁上癮嗰隻, 每日都要食至少一粒, 否則會周身 "唔聚財" 架, 我諗我中咗可可毒, 就算之前影相我都係停食咗 2 weeks 咁多!
你男友好sweet 呀~你有少少慚愧都要啦~哈哈~
回覆刪除知你鍾意食朱古力又買比你食...知你最愛agnes b 又買埋比你~真係好好呀~
我好想食你盒朱古力右上面o個隻呀~應該係dark chocolate 啦掛~ 我要幫你食唒d 苦既~等你日後既日子只有甜甜的~haha~
[版主回覆12/01/2008 10:46:00]哈....咁講真, 真係有少少慚愧咋.....
好呀, 不如咁啦, 如果我哋有機會出嚟 gathering, 我就買右上角嗰隻請你食啦! ^^
係咪甜到入心呢？
回覆刪除[版主回覆12/01/2008 10:46:00]^^, 甜到上腦添呀, 哈!
嘩~
回覆刪除真係sweet爆,我諗你都唔捨得食架啦,呵呵(畀我都會唔捨得食)
未結婚你honey都咁識做,結左婚我諗歐陽生仲鍚你,嘻嘻...
我要同王生反映下先得
[版主回覆12/01/2008 10:48:00]冇錯...暫時都未捨得食....不過其實都有食用期限, 但係我之前有一盒過咗期成幾個月都未食晒, 又冇乜事喎 ~
叫王生得閒向歐陽生請教, 咁咪可以 sweet 到爆囉...嘻 ~
au yeung對阿嫂真係貼心 等我地下次屈下佢, 我識佢咁耐, 好應該送支陳年威士忌俾我, 代表下囉!!!
回覆刪除如果怕肥既話, 就每粒咬少少, 剩左咪質佢食囉
[版主回覆12/01/2008 10:50:00]佢真係一時時架咋, 有時咪會懶浪漫等你內疚吓囉...但係我從來都唔會上當,
怕肥....其實都有少少驚架, 不過我係日日都要食過朱古力先死心嘅人, 我曾經同佢講過, 如果佢激嬲我要氹返我好容易, 只要買盒朱古力就得!
我諗無論係甜、係苦都好，你個心都會覺得好sweet，好回味! 你老公好細心、好sweet 呀! 我都係 "agnes 豬" fans o黎o架!
回覆刪除[版主回覆12/01/2008 10:50:00]原來你都係 agnes b. fans? 原來好多女仔都鐘意呀!
佢好有心思呀 ~
回覆刪除[版主回覆12/01/2008 10:51:00]都唔知係咪臨時諗出嚟氹人啫, 哈 ~
好sweet呀!!! 睇你男朋友個樣又唔似咁sweet^^ 開心死你^^
回覆刪除[版主回覆12/01/2008 10:51:00]哈, 佢個樣呃得吓人.... 冇晒頭髮, 成個中年男人咁款, 呵呵!
~好Sweet呀！~你老公仔好抵鑽呀！咁細心又識做~ ~我都要向我果位反映下先. . .唔好成日將明明sweet既事最後都變晒笑料!!!要佢學下d冧野~ ~
回覆刪除[版主回覆12/01/2008 10:52:00]其實咁都各有各好吖, 如果佢將明明 sweet 嘅嘢變晒笑料, 咁最後都係開心收場吖, 係咪?
好貴啊~~~ hahah~
回覆刪除咁甜仲送朱古力.....?? 有冇甜得滯先??????
[版主回覆12/01/2008 10:54:00]我份人好鐘意食甜嘢, 甜少一日都會死架....哈! 如果我話某種食物好甜, 咁就真係好甜架啦! <-- 其實你明唔明我講乜呢? 哈!
好sweet呀！唔知我一周年倒數有無surprised呢??
回覆刪除[版主回覆12/01/2008 10:55:00]肯定有啦, 冇咪暗示比佢知囉, 或者你可以 refer 我呢條 link 比佢, 咁佢一定知啦, 安安定定等收 surprise 啦! 恭喜恭喜!
好sweet呀!你老公真係好有心思,連揀朱古力都有意思。
回覆刪除[版主回覆12/01/2008 10:56:00]唔知點解我覺得佢係用急才臨時諗出嚟架咋, 嘻!
你男友好細心...好甜哩！"有苦有甜"這個比喻真好，對...每一對愛侶總經歷苦和甜這兩個階段，"愛"才能永恆！祝幸福快樂！
回覆刪除agnes b 既朱古力不便宜哩，仲要咁大盒一定好貴，佢對你真好，替你開心！
[版主回覆12/01/2008 10:56:00]睇到你第一段咁講真係有 d 感動, 我都祝你幸福快樂!
好SWEET呀~~
回覆刪除[版主回覆12/01/2008 10:57:00]你都唔差啦, 下次要帶住副黑超去你度睇你 d 婚照 & 生活照!
嘩~~識左au yeung o甘多年都真係唔知佢原來o甘窩心! 但o甘又係o既, 對住自己心愛o既人又點同對住我地呢班豬朋9友呢?! wakakaka....你快d食o西d朱古力la, 如果唔係就浪費左au yeung對你呢番心意o勒! 肥左都底la老公你o甘錫你!
回覆刪除係wor! 我對排見到b仔有新毛巾套裝出ar. 係藍色o架. 同色仲有埋拖鞋tim ar. 好吸引. 我諗一得閒就走去cwb o個間b仔睇下.
[版主回覆12/01/2008 10:59:00]佢有時都會語出驚人架, 不過.....真係 "有時" 啦!
原來 b 仔有新貨出? 多謝你第一手消息!!!
真係有d頂唔順feel...... 結婚前就有苦有甜,
回覆刪除結左婚後, 就淨係要甜--即是$$$$$$$$$$
haha....純粹攪笑....但亦係認真.....
hahahahhahah
[版主回覆12/01/2008 17:30:00]你呢 d 久婚人士係頂唔順架啦!
你要密切留意呀, 我過幾日會出一篇, 你竟然有份上鏡!!!
好SWEET呀~~~~ 羡慕死人咩
回覆刪除[版主回覆12/01/2008 17:30:00]唔好咁講啦, 我.......怕醜架! 哈!
咁靚, 我真係唔捨得食!
回覆刪除[版主回覆12/01/2008 17:34:00]暫時我都唔會食住嘅, 不過遲 d 我可可癮起時就好難講啦, haha!
好sweet呀~睇黎最有心思既都係你老公仔啦~冇簡錯人啦~
回覆刪除[版主回覆12/02/2008 11:19:00]佢有時都真係幾有心思, 我就望塵莫及啦!
嘩~佢講果段野比我聽到的話一定LUM死啦
回覆刪除你好幸福呀~~~
[版主回覆12/02/2008 11:20:00]多謝! 一路以嚟同佢條路都算行得順暢, 幾好咁啦! ^^
呢份禮物好正呀,收到一定好開心!
回覆刪除[版主回覆12/02/2008 12:45:00]冇錯呀, 收到嗰陣幾開心架!