有得睇啦，有得睇啦！上個星期終於去買咗本 Wedding More 返嚟慢慢煲。雖然雜誌社都話會寄一本比我哋，但係實在等唔切雜誌社呢 d 咁慢嘅作風，所以自己身痕去買咗本。最搞笑嘅係...... 未來老爺話難得我哋有機會接受訪問，佢都話想買返本留念喎。既然係咁，咁我收到雜誌社嗰本 copy 時就比一本老爺啦！
唔講咁多啦，大家睇書啦！（雜誌嘅編幅有限，大家都只有一至兩張相咋！全部都比緣美傳說放返佢哋 d model 相，搵笨...... 不過都好過無啦！）
Wedding More Magazine Issue #12 Cover Page
Page 1
為咗方便大家容易 d 睇入面嘅文字，我就將佢斬件咁放大啦！
真係唔健康，又食 KFC，又食 Pizza Hut！
左手邊最大份著住 deep V 嗰個咪係我成日提住嘅緣美傳說話事人 --- James！James：如果你有幸睇到我呢篇 blog，千祈唔好嬲我咁形容你呀，hahaha！
Page 2 (full page)
幸好已經得所有被訪者嘅同意，咁我就可以放佢哋 d 相上嚟！先嚟各人嘅訪問！
1st couple：Jenny & Au Yeung
（其實你哋睇唔睇到 d 字呢？）
2nd couple：Anna & Hei
備註：明明係 Anna 爛咀唔係阿晞面上生瘡，唔知點解咁都聽錯！報導失實呀！hahaha
3rd couple：阿恩（其實佢係呢個「恩」）& 阿肥
Page 3
攝影師阿 Sam 訪問，即係大合照入面企喺後排著白色衫最高嗰位靚仔。估唔到咁後生就做攝影師，仲原來做咗超過 8 年！
Page 4
Page 5
攝影師阿 Joe 訪問，即係大合照中企喺右手邊，懶 cute 咁單起隻眼，著住黑色 tee 嗰位哥哥仔！佢竟然同我同一間中學讀書，同一樣住喺屯門區（不過我宜家搬咗啦），仲要竟然係同一屆......（即係同年啦！）只不過係唔同班啫！
Page 6
大家睇還睇，唔好告我侵犯人哋版權呀......
P.S. 如果大家睇唔到訪問內容，可以去我個 blog 入面嘅相簿，搵返你想睇嗰版就可以放到雞乸咁大隻架啦！
影相可以影到咁大班人一齊咁開心... 好難得啊!
回覆刪除[版主回覆11/12/2008 12:28:00]係呀, 今次真係好開心! 我哋仲會相約一齊去飲大家嗰餐添呀!
原來仲有小恩子&阿肥喎!!
回覆刪除d字睇到既, 睇得辛苦d唶....
[版主回覆11/12/2008 12:29:00]係呀, 佢 2 個都係 join 咗緣美架! 所以當日一齊玩!
辛苦 d 呀....將就吓啦...我係電腦白痴....
做model都冇得送比你?
回覆刪除[版主回覆11/12/2008 12:29:00]有呀, 之前佢哋應承咗會送返一本比我哋留念架!
等我一陣去買本支持下你地先!!
回覆刪除[版主回覆11/12/2008 14:18:00]你去買一本係去支持 wedding more 唔係支持我哋喎, haha, 講笑咋! 梗係我 d 字細隻得滯你睇唔到啦!
d 細字睇唔到架......不過真係好開心 ,認識到一班朋友仔.....
回覆刪除[版主回覆11/12/2008 14:18:00]我都諗你哋未必睇得晒......d 字好似真係太細隻!
不過真係好開心架, 識到一班志同道共嘅朋友仔, 因為大家一齊籌備緊結婚嘅嘢!
我有買呢本野, 等我返屋企睇下先...
回覆刪除[版主回覆11/12/2008 16:45:00]haha.... 好呀, 呢度 d 字太細隻啦! 大家都睇得唔清楚!
真難得！影相影到咁開心！
回覆刪除你果篇睇得唔清楚哩．．．Jenny介意send給我睇嗎？ thanks!!!
[版主回覆11/12/2008 16:46:00]絕對冇問題! 你想要晒全部定係點? 你覆咗我之後我 send 去你 msn 個 email 吖!
嘩~有你地個樣架喎真係~一定要keep 起本書去~留為紀念呀~~~
回覆刪除[版主回覆11/12/2008 17:29:00]會呀，我暫時都儲咗一本留念呀！
我都有買哩本書。等我返去睇睇先。
回覆刪除[版主回覆11/12/2008 17:43:00]原來你都有買? 好似好多人都有買開 wedding magazine 嘅習慣喎!
哈哈...為左留底你地呢pair人呢個o甘特別同浪漫o既經歷, 洗小小錢比佢地賺都要o架o勒! 話o西你地上雜誌wor! 就係為左佢地有眼光就己經低比佢地賺la!!
回覆刪除[版主回覆11/12/2008 18:01:00]欣欣你咁講真係抵錫!
你真係要好好收藏呀....令你呢一個wedding增加左一個回憶呀~~~
回覆刪除[版主回覆11/13/2008 11:12:00]^^ 係呀, 一個頗特別嘅回憶!
勁呀~~~~上雜誌~~~~~~好好keep起佢呀~
回覆刪除[版主回覆11/13/2008 11:13:00]一定會!!
占士好似成日都deep v wor, 佢胸肌勁呀!! 真係估吾到靚仔sam 做咗咁多年, 後生可畏 , 謝謝你的分享
回覆刪除[版主回覆11/13/2008 11:14:00]haha... 我都發覺占士成日都 deep v, 或者佢好滿意自己個身材啩?
其實靚仔 sam 同靚仔 joe 各自都做咗好多年啦! 真係估佢哋唔到, 初時一見到仲諗咁後生....都唔知信唔信得過!
勁!! 記住keep 起去喇~~ 我都好想可以上雜誌呀
回覆刪除[版主回覆11/13/2008 11:14:00]你 join 緣美啦咁.....下次有機會搵埋你上去咪得囉, 哈!
緊係要買黎留念LA...太有紀念價值LA
回覆刪除[版主回覆11/13/2008 14:02:00]haha, 係呀, 本身雜誌社話會寄返本比我哋, 結果都係等唔切!
嘩, 好開心呀, 有得上magazine... 真係一個好好既禮物呀, 為你地既婚禮增加多一個回憶呀
回覆刪除[版主回覆11/13/2008 14:03:00]無錯呀, 所以自己拿拿淋去買咗本返嚟先囉!
好犀利呀！上雜誌！ 呢個婚禮又多樣難忘事喇！
回覆刪除[版主回覆11/13/2008 14:04:00]yes! 係超級難忘呀!
你就好喇～～有得上雜誌！綠美係幫人影ｐｒｅｗｅｄｄｉｎｇ 嗎？
回覆刪除[版主回覆11/13/2008 14:05:00]傻啦, 有咩好羡慕呀...又唔係咩馨香嘢!
有呀, 緣美有做證婚, 租衫, 化妝, 外借司儀, pre-wedding photo, 當日攝影, 瓣瓣都有撈!
Jenny, 我已經去左你的相簿啦！可以放大d去睇，謝謝你的分享呀！
回覆刪除[版主回覆11/13/2008 14:06:00]唔洗客氣, 之前你哋睇唔到 d 字咪仲辛苦!
本書仲有無得賣丫..等我去買先
回覆刪除[版主回覆11/13/2008 16:52:00]我喺便利店都仲見到有!
其實今次嘅內容都 ok, 因為除咗呢篇訪問之外, 仲有我完全唔識嘅中式過大禮 / 禮儀資料, 算係買得值囉 ~
我都覺得佢地成班人都好Nice....第一次上去已經覺得佢地親切~而且佢地影D相真係有別於其他公司!!好有feel呢...所以宜家去唔到緣美影相真係有D可惜!!
回覆刪除Jenny....有得上雜誌真係一次難忘的經歷~
[版主回覆11/14/2008 10:34:00]係呀, 我 join 咗咁多間公司真係覺得緣美 d 人同其他唔同, 佢哋係似朋友多過似員工, 唔知怕唔怕佢哋老闆鬧呢?
我今日去ok便利..唔見有得賣丫
回覆刪除[版主回覆11/14/2008 10:34:00]係呀??? 應該唔會咁快賣晒 bor ~ 去 7-11 望望吖 ~
睇得唔係咁清楚, 等我買返本睇下先~
回覆刪除[版主回覆11/14/2008 10:34:00]再唔係可以去我個 album 入面放大嚟睇吖!
上左鏡=.=
回覆刪除[版主回覆11/14/2008 10:35:00]係呀, 你都走唔甩, haha!
因為你我即刻買左本
回覆刪除我仲叫埋我媽咪睇
[版主回覆11/14/2008 10:35:00]^^....咁 wedding more 今期銷量一定唔錯啦 ~ 多謝!
haha~好開心睇到你呢篇專訪，真係好難得可以打成一片~ ~
回覆刪除我記得上去睇場時見過james，果陣裝修緊大果邊禮堂，印象中佢地個個都好Nice架！~ ~
[版主回覆11/15/2008 11:13:00]係呀, 佢哋真係個個都好 nice, 每次見到佢哋都好似舊朋友相聚咁, 都幾 warm 架! 最衰你唔喺度行禮啦...
好正呀真係~成大斑人好開心呀
回覆刪除我來緊呢個星期都會去緣美到映相, 雖然之前都映過相, 但都有d緊張
我想問你d相係呀sam映定呀joe映家?
[版主回覆11/17/2008 16:36:00]恭喜晒喎，緣美嘅水準唔錯架！
我 d 相 sam & joe 都有一齊影架！