2008 年 11 月 2 日（星期日）（續）
除咗婚紗有新款之外，今次晚裝有 d 我都鐘意架！
一出場嘅就有火紅色晚裝，呢件我覺得都 OK，用嚟敬酒都唔錯吖！不過腰位好似修得唔夠靚。
之後就係呢件，呢件我覺得幾靚呀，隻色都算特別，胸口位有 d details，用嚟迎賓應該唔錯。但係都係冇衝動要租出街～
之後係呢件，現場睇係勁閃架，由頭閃到落腳咁滯，不過我影得衰咗 d！
再嚟就係呢件，呢件其實係蝦肉色又帶少少粉紅色咁。閃光燈閃過不停～
冇閃光燈下條裙嘅真正顏色～ 印象中金色嗰 d 位全部都係閃架！
背面仲有個小拖尾～ 有少少似仙女嘅感覺
仲有就係呢件！一見到我雙眼 bling bling 發光，好靚呀！隻鮮黃色又夠 sharp，影起相上嚟一定好精神。宜家越嚟越多婚紗晚裝加入咗黑色元素，其實我好 buy 架，不過唔知媽咪比唔比～ 因為之前同佢提議過姊妹裙用黑色佢都唔比，更何況著喺我身上呢？
嘩，真係好靚...... 定係...... 個 model 著得靚呢？我又唔夠人高，又唔夠人瘦，著上身又未必有佢呢個效果！
著呢件迎賓都好吖～
最後就有呢件，我好鐘意！現場睇係超超超閃，因為成條裙嘅布都係閃架，而且好高貴！
不過男朋友話呢件同我影相嗰件差唔多喎！咁又係，其實我一見到呢件衫時已經諗到呢個 point 啦！不過又真係好鐘意喎，著嚟送客都好吖！
你哋呢？你哋又會唔會租一 d 影相時著過嘅顏色或款式出街？唉，內心真係好掙扎呀，人生最痛苦就係要作出選擇......（<--- 租衫啫，唔洗講到咁嚴重呀？）
我反而冇睇到FB 既CATWALK 喎~~~真係THANKS呀~~~有得睇~~~
回覆刪除紅色o個件都幾靚~~~但點解係入膊帶? 我覺得如果係普通吊帶應該會靚d 喎~~~
鮮黃夾黑色花都好sharp喎~不過你講得岩~老人家未必鍾意架~~~會覺得怪怪~~~
藍色 o 個件好靚呀 ~~~ 唔知係唔係剩係租出街 ? 有冇得影相用架呢 ???
[版主回覆11/09/2008 16:32:00]唔洗客氣, 我由宜家開始 fb d show 我都要去捧場架啦, 因為要 keep 住留意有咩新款吖嘛!
係啦, 紅色嗰件我覺得佢一係 low cut, 一係吊帶.....因為...我著入膊唔好睇! ^^
鮮黃色嗰件真係好靚, 宜家真係好多衫都加入黑色元素呀, 不過唔知長輩比唔比著 ~ 唉 ~
我嗰陣問過 fb, 如果你個影相 plan 包你任選晚裝的話 (即係可以揀埋外租嗰 d), 咁 fashion show 嗰 d 你可以著架啦!
我無去到今次expo呀！不過點都會BD前再去一次~hehe~
回覆刪除咁多件入面，自己鍾意銀色&黃色 呢兩件，銀色夠閃；黃色夠sharp；兩件都覺得好特別&靚！
[版主回覆11/09/2008 16:33:00]fb d 衫有時都會比到驚喜我, 不過都真係一時時.....
我暫時會 keep 住去 expo 架, 不過只會去一日算囉 ~
銀色嗰件現場睇真係好閃架!!!
我有朋友穿著橙色晚裝迎賓呀!
回覆刪除[版主回覆11/09/2008 16:34:00]橙色??? 即係邊件呀? 黃色 + 黑色嗰件??? 肯定好靚啦!
辛苦你喇~~ 我覺得藍色同黃色那件都好靚, 但唔知長老們俾唔俾我著呢...
回覆刪除[版主回覆11/09/2008 16:35:00]yeah yeah yeah, give me five! 我都係好鐘意呢兩件, 不過鐘意還鐘意, 硬係覺得自己著上身未必靚囉 ~
租衫都幾另一煩惱架 , 話曬一世人一次bor , 一定要簡到最鐘意為止 , 就係因為禁 , 我都遲遲未決定到bd 係邊租衫....haha
回覆刪除唔好煩啦 , 慢慢簡到自己鐘意為止....
[版主回覆11/09/2008 16:35:00]係啦, 租衫呢家嘢都幾煩, 又花多眼亂, 又唔想租錯, 但係又有限制, 唉 ~
係啦, 應該要好slim 同高啲先好睇 我咁矮, 多數都著得唔好睇 不過呢, 到時都一定要個sales 俾我試下先, 影張相都好嘛
回覆刪除[版主回覆11/10/2008 11:14:00]講到 slim & 高, 我諗我兩樣都冇份, 最麻煩係我有個大 pat pat, 夠擺 8 圍酒添啦!!! (你個場夠唔夠擺呀? 唔夠我可以借埋個 pat pat 比你, 哈!)
我覺得黃色晚裝有黑色花好特別, 個感覺好有東方美. 另外我就仲意最尾o個條深藍色晚裝, 好高貴. 你post出來o個d婚沙相之中都有一件同呢件好類似, 見到o個件都己經覺得好靚. 可能因為你皮膚白滑所以著起呢隻色特別靚!!!
回覆刪除[版主回覆11/10/2008 11:15:00]haha, 又搵到個人同我一樣鐘意呢兩件! 係呀, 藍色嗰件同我影相件晚裝好相似, 所以都要考慮一吓到時租唔租好! 我白淨呀??? 黑咗好多 lu~
黃+黑個件影相一定超sharp!! 雖然我影相都係用黃色晚裝, 但係肯定加左黑色花會更靚囉~~~!!!
回覆刪除我擺酒d衫既顏色會揀d影相時冇著過個d~ 一生人一次, 最好乜色都著晒啦~~ 可惜我搵左另外一間租衫, 唔係我都想係fb租, 佢個package比我而家租緊個個抵好多呢~!
1,2,4同6呢幾件都好靚,.我都好鐘意呀,又唔同款,不過你咁快HOLD,可能到時再出好多新款,而家唔HOLD又驚比人HOLD左,都好矛盾
回覆刪除[版主回覆11/10/2008 17:24:00]唉, 我都唔想咁快 hold 架, 咁早要人 firm 衫款都幾無奈! 不過你講得啱, 唔 hold 又驚冇期...到時又係死...
回覆刪除呢套真係唔錯喎,放o係迎賓時著影相勁靚呀,佢夠多details丫嗎!
[版主回覆11/10/2008 17:25:00]係呀, 呢件如果要我揀我都會放喺迎賓環節著, 不過 fb 仲有好多選擇, 真係花多眼亂!
我都鐘意最後果件，老是覺得這種深藍顏色很高貴、大方，所以一定會揀呢種顏色的裙！
回覆刪除明白你的苦況....確係幾頭痛....如果影多幾輯相，就好難避免撞色或撞款(始終每個人都有特定的顏色或款式，係最o岩自己).....所以都幾難諗，當場避到就避....等大日子那天更有新鮮感，但如果著得自己好睇，自己又鐘意的話....都唔理得咁多，大日子那天當然要著得最靚啦！係咪？
[版主回覆11/11/2008 10:30:00]^^, 絕對同意, 有時真係理唔到太多, 總之著上身覺得好靚就會決定架啦!
我都好鍾意深藍色個件,不過呢件同你係法國影相個件有d相似,
回覆刪除你想唔想repeat呢?
[版主回覆11/19/2008 10:34:00]其實 repeat 對我嚟講問題不大嘅, 因為我之前心目中都有一件係類似嘅顏色, 不過最終可唔可以租佢出街都要媽咪批准, most important point 係我一定要著得好睇!
jenny,我想問你會幾時係"法國"試衫,聽人說男禮唔ok,可能要加$500-800,所以可能同出面租一樣,你幾時去講我知. 我都好想係呢間攪掂,但係又心思思想去"囍couple"試!
回覆刪除[版主回覆12/18/2008 11:08:00]如無意外我應該會喺 3 月時去 confirm 款式架啦! 男禮方面老實講, 睇佢個揀衫 system 真係唔係幾得, 不過我之前又聽人講過只係 fb 冇 upload d 新款上去, 始終男禮唔係咁多人留意!
相信你都有喺 fb 影相嘅經驗, 我記得我哋預選衫 for pre-wedding photos 時 d 男禮都係唔掂, 但結果親身去到之後, 原來佢哋有好多款式個揀衫 system 冇 show 出嚟, 結果我 bf 都揀到 2 套佢滿意嘅 (佢份人都算奄尖), 所以我暫時都信 fb 先嘅 ~
不過如果你要等我嘅 comments, 恐怕你再 join fb 時已經冇款比你揀喎, 因為我有 d 有經驗嘅朋友講要早幾個月去 confirm 架啦!