2008 年 11 月 2 日（星期日）
[題外話：頭先望望月曆先知，原來呢日係農曆十月初五，明年今日就係我出閣之日。hohoho ~]
一連三日嘅婚紗展又到，今次多得 blogger（唔開名啦）送我兩張 free tickets，我又入咗去搞搞震啦！多謝你呀！！！
其實我係絕對冇必要再入 expo，不過之前都講過自己 join 咗法國婚紗租衫，早排去揀相時 Christine 已經提我今次及下次 expo 都有新衫返，叫我可以留意吓。雖然法國婚紗喺 expo 完咗之後都會將 d 相 upload 上佢哋個揀衫 system，不過我心急想睇款，又見自己有 free tickets 喺手，梗係心思思想入去啦！
今次入去嘅目的除咗係睇 France Bridal Fashion Show 之外，另一個目的就係入去探班。探緣美傳說、探美麗佳人、探法國婚紗 Christine，仲走去探埋麒麟閣嘅陳經理（可惜最後佢唔喺個 booth 度），入去之前仲特登走去「美心西餅」攞咗一盒凍餅比緣美傳說 d 人食，之前見佢哋都係食麪包醫肚咋，Joe & Doris 收到我盒餅都話：「真係人間有情呀！」，James 你真係刻薄你 d 員工。
5:00 France Bridal fashion show 開始，我就同 d 攝友一齊霸頭位等影相。雖然今次佢哋都返咗好多新衫，不過就唔係全部啱我嘅口味，所以我淨係影咗 d 自己會考慮嘅款式，先嚟婚紗部份。
其實婚紗方面佢哋都返咗好多新款，不過 not my cup of tea，所以都冇件件影晒相。最鐘意都係呢件，但係未至於鐘意到要租出街囉。
第二件婚紗...... um...... 我覺得有 d 似睡裙......
第三件婚紗......... 令我諗起蘑菇亭......
突然之間覺得...... 除非我個身型好似 d models 咁靚，否則婚紗好似都係 bell shape 靚 d；但係我又矛盾地覺得晚裝係 a-line 靚 d 噃。
第三套見過類似既款,都有jm著過黎行禮,不過硬係怪怪地咁~
回覆刪除[版主回覆11/06/2008 14:01:00]即係蘑菇亭? 我都覺得怪怪地, 不過可能我哋嘅口味同其他 jm 唔同啫 ~
其實第一, 二件, 用黎影相就好靚, 但用黎行禮或用係婚宴上就好似唔夠 GRAND 啦!!
回覆刪除[版主回覆11/07/2008 10:19:00]係啦, 我都係咁諗, 所以我先覺得 bd 當日要著件 bell shape 型婚紗先夠堅 ~
第一件好靚呀~~
回覆刪除[版主回覆11/07/2008 10:19:00]第一件幾特別架! 心口位有少少 detail
hilo~
回覆刪除我都好中意呢三件婚紗呢～
而且同你一樣 其實著 bell gown 好睇ｄ，不過自己又中意 Aline^^
[版主回覆11/07/2008 10:20:00]係啦, 心情真係極度矛盾, a-line 又鐘意, 但又覺得好似唔夠隆重
我都係11月2號去wo~ 點解見唔到你ga><
回覆刪除[版主回覆11/07/2008 10:21:00]咦, 係咩? 但係我成 4:00 先入到會場喎, 你幾點喺嗰樹呀?
着緍紗 (做新娘) 不可太瘦, 否則會不好看還有件緍紗個胸口位會 "朗" 唔起的, 便會不太靚...因我有d朋友結婚前給我的邀請函入面張相和見到真人樣是兩個樣, 因為她減肥過度走晒樣, 好醜怪...肥肥地仲靚...知冇!! 恭喜晒!!
回覆刪除[版主回覆11/07/2008 10:23:00]肥肥地呀? 咁我宜家已經係啦喎.....kekekeee
不過邊有女人嫌自己瘦架? 個個都係咁減肥, 不過我兩隻手臂又真係要減減佢, 最好可以減埋塊包包面.....唉 ~
我自己都覺得婚紗要有鋼紗先靚，晚裝A-Line先高貴。所以我都會循住呢個方向揀衫。唔只你，我都好希望我可以好似model咁，唔駛高丫，瘦啲就好喇。
回覆刪除法國其實都好多靚衫，而且佢每次都返好多款，到時你咪蝕，試夠佢7-80件先決定。
[版主回覆11/07/2008 10:25:00]haha....都好喎, 試佢 7-80 件, 我一定會試到好 high, 但係個 sales 就一定可以好瘦囉.....哈!
係吖, d 婚紗硬係覺得 bell shape 先靚, 不過.....我 bf 好似依然想我著 a-line.....宜家唯有睇吓到時遇著咩衫啦 ~
my bd is 1 Nov, 2009 which is one day before you a, HE!
回覆刪除[版主回覆11/07/2008 10:27:00]恭喜晒! 你 1 號, 我 21 號吖 ~ 咁要記得多 d 交流情報啦!
別擔心太多啦....點都要試過先知好唔好睇既，係咪？
回覆刪除[版主回覆11/07/2008 10:30:00]唔......你都講得好啱, 衫....真係要試過先知 ~
回覆刪除呢個感覺幾靚呀!!
[版主回覆11/07/2008 18:16:00]係呀, 咁多件裡面我都最鐘意呢件, 不過其實佢哋仲有其他款, 只不過我冇影低咋 ~
第3果件好誇張.....睇人地著好喇......
回覆刪除呢期似乎興d好似cocoon婚紗果d款(第1,2件), 可惜不合我心水
我都認為阿嫂你著a line好睇d~~~
[版主回覆11/08/2008 13:22:00]真係著 a-line 好睇? 其實我暫時都係 15/16 中..... a-line 有 a-line 靚, 但係 bell shape 又好似 grand d, 真係好難揀! 唯有到時遇到邊件著得好睇就扑鎚邊件囉, 你要去幫眼架!
呢件應該係la mer新衫喎~~~幾靚哦~~~
回覆刪除[版主回覆11/09/2008 16:39:00]係呀, 呢件幾靚呀, 但係點解你會話係 la mer 嘅? 點分架?
哈哈~我呢日考bf農曆十月初五係咩日子，竟然話"艾冬老" 下年就實記得喇！ 今次無去 (同樣都無太需要) 不過自己就鍾意去行下睇下，都會再去多次架~hehe~
回覆刪除WG三件覺得第1件最好睇，而第三件我諗起係蛋糕~ ~ 到時試衫既時候，試齊鋼紗 & A-Line款再比較，始終著上去感覺唔同嘛！慢慢試到啱心水~ ~
[版主回覆11/09/2008 16:40:00]哈, 我問 bf 佢都唔知呢一日係咩日子架! d 男人係咁架啦, 我懷疑宜家再問我 bf 出年自己幾時結婚佢都唔記得!!!
我諗我試衫都會試齊晒 bell shape & a-line 款式, 一生一次, 梗係試到啱心水啦! 我先唔會執輸呀, 哈!