早兩日睇到同樣租咗古董車 MG blogger 嘅 blog，佢收到車主 e-mail，原來架英國 MG 已經噴完晒油，仲有相睇啦！
車主阿達今年 5 月由英國買咗一部 MG（型號 YA）到香港。據阿達消息：由於 YA 全球數量已經得返好少，大約淨返百多部 MG，分佈喺不同嘅國家！大部分車主多數以收藏為主，絕少出售，香港暫時都係只此一部咋！今次佢可以買到一部係用咗好多時間、心機去維修，進度尚算順利。
注意：由於拍攝時間受到太陽影響，所以顏色會有少許出入！
呢一張相好明顯見到有少少紫色！
內籠都整好咗啦，係絲絨嘅紅色座位！
聽其他 blogger 講，架車已經 pass 咗驗車嗰關，順利拎到行車證啦！好嘢，我架主花車終於落實可以行得啦！之前仲擔心唔知佢驗車 pass 唔 pass，宜家唔洗擔心 lu！不過，消息有好亦有壞，好似...... 好似咋，我都唔 sure，好似話裝唔到冷氣喎。但係對於 11 月結婚嘅我嚟講，有冇冷氣都問題不大！不過人就係咁，當然想佢裝得到冷氣啦，我開唔開一件事嘛！不過算啦，宜家我都已經好滿意架車啦，遲 d 仲可以去試車添呀！
唔知係咪因為我婚期唔趕，阿達一直以嚟都冇主動搵過我，呢 d 相我全部都係喺其他 blogger 度 copy 返嚟！但係唔緊要啦，阿達為咗呢部車都應該忙咗好耐架啦，我又唔趕住用，等佢抖抖先啦！遲 d 我實會打比佢向佢 confirm 所有嘢！
好正呀架車!
回覆刪除[版主回覆11/14/2008 12:40:00]係呀, 我都覺得唔錯!
你架花車好型喎!!
回覆刪除可唔可以send 個website比我睇下呀?
[版主回覆11/14/2008 12:40:00]佢冇 website 架! 個車主係私人性質咁接 order 架, 我就係 blog 友介紹嘅!
正！行o向街實成為全場焦點！ 咁你個車花一定要整到勁靚o黎襯返o架咁靚o既車喇！
回覆刪除[版主回覆11/14/2008 15:15:00]其實無論倫敦的士或者呢架 mg 都會做成焦點....今次睇車都有 d 期待, 阿達話會揸架車出嚟元朗區比我哋試車, 到時都會有好多人望...
不過我暫時都未諗到有咩佈置可以搞搞佢....
wow,架車真係正呀!坐上去真係好似公主王子咁呢!
回覆刪除[版主回覆11/14/2008 16:22:00]係呀係呀，好懷舊 feel，我都好期待坐上去試下！
我之前見到人哋用古董車/倫敦的士做花車好型，好特別，都曾經心動過想要搵呢D車做花車架！但係當我聽人講呢D車係裝唔到冷氣（定係話裝咗都同無裝無大分別....我唔記得咗），咁勁怕熱嘅我就即時打消咗個念頭喇！今年中秋節咁熱，都唔知到下年咩天氣架嘛，touchwood又係咁熱，我就實妝都溶哂啦！
回覆刪除[版主回覆11/15/2008 11:04:00]so far 個車主又冇話裝唔成冷氣, 我希望事事完美啦! 不過宜家天氣越越嚟反常, 雖然我係 21/11 bd, 但係就有可能未轉涼...
嘩！勁靚呀！你搵到呢間車做主花車真係好戥你開心呀！
回覆刪除[版主回覆11/15/2008 11:05:00]係呀, 我覺得係成個婚禮最特別嘅一個地方!
恭喜晒呀！ ~好開心見到架MG 噴好晒油，真係好正呀！ 仲順利PASS埋驗車，唔駛再擔心安樂晒喇！~ ~ 下年11月個天氣如果好似依家咁涼涼地就Good喇~ ~試車時再影多D相啦~ ~
回覆刪除[版主回覆11/15/2008 11:05:00]yes!!! 唔洗再擔心啦! 宜家同你一人一架....haha!
真係好靚好型呀~~~^^
回覆刪除貴唔貴架?
[版主回覆11/15/2008 11:08:00]除咗型....都係型...hohoho
其實佢分兩種價錢, 5-8 小時就 $3,888, 3 小時就唔知 $3,xxx, 因為我一定係用車超過 5 小時, 所以我都冇特別記住 3 小時嘅價錢!
真係好靚!
回覆刪除[版主回覆11/15/2008 11:07:00]係呀, yeah!
真係好靚~~~好靚呀~~
回覆刪除要幾錢呀?
[版主回覆11/15/2008 11:09:00]其實佢分兩種價錢, 5-8 小時就 $3,888, 3 小時就唔知幾錢, 因為我一定係用車超過 5 小時, 所以我都冇特別記住 3 小時嘅價錢呀, sorry!
果日我同老公係中環行街~~~有個古董車展架~~我都見到呢個MG~~因之前已經有BLOG友提及呢個車`~~所以我見到都即時睇下個款~~~~其實個款都幾好架~~但講真後排個內籠真係好迫呀!睇落2個已經岩岩好~~~到時個伴娘坐邊呀?
回覆刪除[版主回覆11/15/2008 23:45:00]係呀? 原來呢架車已經曝咗光呀? 後排個內籠可能真係迫到唔出奇, 如果租倫敦的士的話伴娘可以跟車, 不過呢架 mg 就唔得啦! 唯有安排佢坐返工作人員車囉, 我諗問題都不算太大嘅!
架車真係好靚喎...我諗你都係花左好多心機去搵呢架車既呢~
回覆刪除咁你記得到時要影多d靚相啦~
[版主回覆11/15/2008 23:46:00]^^, ok 啦! 其實過程唔算太辛苦, 因為都係 blog 友介紹架咋! 到 bd 當日我一定唔會放過呢架車.....狂影相啦梗係!!!
部車好特別呀
回覆刪除[版主回覆11/15/2008 23:46:00]係呀, 暫時全香港只得一部, 真係算矜貴!
好型呀架車~ 係邊度租ga?
回覆刪除[版主回覆11/15/2008 23:47:00]我係透過 blogger 介紹直接搵車主租架!
恭喜你呀!! 你部dream car 面世喇! 可唔可以俾個車主個contact 我呀?
回覆刪除[版主回覆11/17/2008 10:49:00]絕對冇問題! 留低 email 後我再 send 比你呀!
阿達打比我架車ok左啦!3小時貴一千蚊呀!無記錯。佢話約埋你同我一齊睇,(無記錯應該係你）因為佢話上次約個女仔係元朗,婚期你09年11月。佢話你要平日夜晚喎!我緊係想日頭睇車啦,不過你唔得都唔緊要,你黎緊呢星期邊日得呀?你話我知我約阿達。
回覆刪除[版主回覆11/17/2008 10:50:00]好嘢, 又可以出嚟見到你啦!!!!
今個星期六我唔得閒呀, 所以其實除咗星期六之外我暫時日日都 ok, 如果平日日頭我要返工呀, bf 都未放工...所以如果想約日頭, 只有星期日咋! 唔知阿達 ok 唔 ok 呢?
3 hrs ...$2288, 4 hrs....$3088, 再上就book全日8小時...$3888, 如果多30mins就加$400,多一個鐘$800。
回覆刪除[版主回覆11/17/2008 10:51:00]thanks! 呢個係咪 MG 價?
好正bow.....真浪漫
回覆刪除[版主回覆11/17/2008 10:51:00]我都覺得好正呀!
好鐘意你架車呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
回覆刪除[版主回覆11/17/2008 10:51:00]多謝呀!!! 雖然我哋同一日 bd, 不過如果 bd 當日你見到我的話, 可以過嚟影相吖!
星期日都ok,仲係日頭更加好啦!你呢個星期曰得唔得呀?如果得我約阿達。你係咪係元朗睇車呀?呢個係mg價黎架。
回覆刪除[版主回覆11/19/2008 10:35:00]星期日應該都冇問題, 阿達啱啱打比我, 我宜家打比你再傾吖!
好特別既花車呀, 不過價錢好似貴左D喎!
回覆刪除[版主回覆12/02/2008 11:24:00]呢間車真係好特別架! 價錢方面雖然係比一般花車貴, 不過佢相比同級嘅車款就算平啦!