終於踏入結婚一年倒數，多得好友提醒，原來我仲有 364 日 4 小時左右就成為歐陽太啦，呢一刻嘅心情變得「實在」得多！ 今晚...... 我哋將會有慶祝活動，就係去美麗華商場地庫間 Todai 食 buffet，而聽日仲約咗一班喺 esdlife 相識而同日結婚嘅朋友仔出嚟 gathering <-- 其實聽落有少少唐突，不過既然大家都同日結婚，都叫有種緣份吖，聽日大家唔好失約啦！
© Jenny & Oliver Wedding Ceremony ©
日期：2009 年 11 月 21 日 (星期六)
註冊時間及地點：尖沙咀諾士佛台 1 號 7 樓「白玫瑰禮堂」
下午 2:00 － 3:00（註冊儀式完成後有雞尾酒會）
設宴地點：銅鑼灣利舞台廣場 22 樓麒麟閣酒家（預計 20 圍）
_______________________________________________________________
過大禮時間 ： 未決定
過大禮物品 ： 未傾
上頭時間 ： 未決定
出門時間 ： 未決定
當日婚禮攝影攝錄 ： 海洋專業婚禮（1 p + 1 v + 1 snap shot）
婚紗相 (1) 緣美傳說 ： 28-7-2008 已影，已取，欠油畫一張
(2) 美麗佳人 ： 26-8-2008 已影，未取
(3) 法國婚紗 ： 20-10-2008 已影，未取
化妝師 ： Shirley Kam
婚紗晚裝及男禮 ： 法國婚紗，未揀款
媽咪及奶奶衫 ： 元朗雅麗，未揀款
爸爸及老爺西裝 ： 爸爸已買西裝，老爺尚未表態
裙褂 ： 永隆繡莊，已 hold 中五福
婚紗及晚裝鞋 ： 已買
褂鞋 ： 未買
黑／白禮服鞋 ： 已買
首飾 ： 未買
伴郎及伴娘 ： Both confirmed
兄弟團 ： 5 個（其中 4 人 confirmed）
姊妹團 ： 5 個（all confirmed - 成團啦！）
兄弟呔 ： 未決定
姊妹裙 ： 未決定
婚禮司儀 ： bf's friend 一男一女，both confirmed
結婚戒指 ： PN（已取）
結婚公仔 ： Snoopy（已取）
花球 ： 未決定
手花襟花 ： 打算 DIY，但毫無頭緒
簽名布 ： 美麗佳人（擺酒用），法國婚紗（註冊用）
餅咭 ： 美心（已買 200 張）+ 奇華（未買）
花車 ： 白色 MG（下星期 confirm）
花車佈置 ： 打算 DIY
旅遊大巴及 24 座 ： 未 book
婚前檢查 ： 未 book
酒樓佈置 ： 酒樓包
請帖 ： Joy's Card（酒樓包）
婚宴音樂 ： 有少許頭緒
成長片段 ： 海洋專業婚禮已包
回禮小禮物 ： 有少許頭緒
結婚證書套 ： DIY？買現成？未決定
簽名筆 ： DIY，未做
枱號咭及 Menu ： DIY，未做
紅酒 ： 未買
敬酒杯 ： 已買，$5 一隻，超抵
Wedding logo ： 男朋友努力設計中
Wedding theme color： 紫 + 白（唔知做唔做到）
賓客名單 ： 有初步 idea
座位表 ： 有初步 idea
當日 rundown ： 有初步 idea
Jenny, 看來你們真係準備得8899喎！厲害！替你開心咁快準備左咁多個項目。我也打算大約o係仲有365日的時候，總結手頭上安排好的項目，好讓自己知道仲有什麼項目要急去準備。
回覆刪除[版主回覆11/21/2008 12:45:00]係呀, 要一早準備嘅都準備好晒, outstanding 嗰 d 大部份都係未需要咁快去 prepare, 所以呢排全力 enjoy 於 d 婚紗相中, haha...
jenny, congratulation....
回覆刪除祝你們新婚非常愉怏.....
怏d好似samsam咁啤番幾個bb出嚟....
[版主回覆11/21/2008 14:31:00]喂喂......多謝晒呀, 完全冇諗過你會嚟喎!
預早一年恭祝我新婚愉快??? 咁多謝你先啦喎!
但係要啤 "幾個" bb 出嚟呀??? 好辛苦架喎! 我宜家仲猶疑緊究竟生一個定兩個......雖然你話生兩個好過一個....
嘩．．．好多item 都搞掂law bor ,婚紗相都影曬tim , 我一輯都未影．．．haha．．．
回覆刪除同埋有好多item , 你都已經有曬idea , 亦都有曬頭緒，黎緊呢年，你真係可以慢慢搞啦 ， 仲有一年，一年時間好快過，真係好期待大家嘅bd．．．加油加油．．．
[版主回覆11/21/2008 14:33:00]^^, 係呀, 今年有好多嘢都預備好, 婚紗相方面因為我哋比較鐘意 8-11 月呢段時間去影, 但係如果出年嘅 8-11 月的話就一定唔夠時間, 所以索性今年影晒佢 lu!
雖然好多 items 我都有 idea, 不過未落手落腳去做都唔知成唔成功, 到時我一定會問吓你哋架! 你都就快可以一周年倒數啦! ^^
恭喜晒呀！仲有一年就成為人妻，心情一定既興奮又緊張。
回覆刪除[版主回覆11/21/2008 17:22:00]其實都係架, 而且唔知點解今日嘅心情有一種莫名奇妙嘅感覺, 成日諗住呢一分鐘自己做緊乜...
下年今日呢個 moment...... 應該喺酒樓同兄弟姊妹影緊相及切蛋糕!
wah...你真係快我好多步呀!
回覆刪除我忘記左今日係倒數"正正"一年之日....所以冇約到男友慶祝呀 =.=
[版主回覆11/21/2008 17:23:00]喂喂, 你咁唔得架噃! 咁重要嘅日子都唔記得? ^^, 不過你 bf 可以掉返轉頭, 一陣你收工時佢可已經喺門口等緊同你慶祝啦! 呵呵!
身為你地呢對甜到流o既新人o既mc都係冇比緊張. 好想出盡我o既技能去為你地做一場令到你地婚諗返都會好深刻好滿意好完美o既mc. 今年仲有一餐未飲, 下年有6餐飲都係o向你地bd之前, 所以我決定留心每個mc o既表現, mark底佢地o既優/ 缺點去留意令自己可以盡量o向你地o既bd做得好d! 昨天去了朋友的婚宴, o向灣仔逸東軒, 全晚對mc只係講左不到12句說話而且又冇對準個mic搞到冇人知佢地做緊乜, 再者o個2個mc著到黑mama o甘, 好有貴麗感覺. 雖然呢種mc真係好易做, 但o向你地bd o個晚我唔想做呢d easy mc. 所以唯有寄望下一次飲再偷師la!
回覆刪除[版主回覆11/22/2008 10:41:00]欣欣....見到你原來咁用心去留意每位專業 mc 嘅表現從而想喺我婚禮中做到最好, 我好感動呀! 其實我諗我同歐陽都衰, 又冇話過比你聽我哋想要乜, 要你盲中中咁, 真係唔好意思! 不過我哋兩條友又未開始去諗呢 d, 要你辛苦一段日子啦! 之後我哋會好好咁慰勞你同阿豪架!!! ^^
著衫方面, 其實我同歐陽唔會有限制比你, 不過我哋兩個都絕對相信你嘅 taste, 一定唔會差得去邊, 你知嘛, 我同歐陽講我 3 月要去 confirm 婚紗晚裝, 佢第一時間提議我搵埋你去幫眼架! 所以我哋交晒比你話事架啦! 唔好太緊張啦! ^^
sorry...打錯字. 係好冇貴麗感覺先o岩!!
回覆刪除[版主回覆11/22/2008 10:41:00]haha, 唔緊要!
哈哈，我o岩o岩 update 個 blog，又係 cap o左個倒數器上去呀！好橋呀！
回覆刪除[版主回覆11/22/2008 10:42:00]係呀, 因為我覺得好有紀念價值!
嘩, 你都好快手喎, 我仲有好多野都未攪, 連婚紗相都未影呀~
回覆刪除[版主回覆11/22/2008 10:43:00]快手呀....少少啦, 唔想同人爭, 又唔想 book 唔到心水嘛! 婚紗相因為我哋驚下年會比較忙, 而且又想喺 8-11 月呢 d 時間影, 咪唯有今年影晒佢囉! 你都要加油呀!
加油呀....終於轉入直路啦......時間好快就過架啦.....
回覆刪除我地倒數一年個一晚都去左慶祝......不過只係去左食壽司咋......不過就同男朋友講左以後每一年既個日都要大大慶祝呀~
[版主回覆11/22/2008 10:44:00]好驚呀, 我唔想咁快轉入直路, 有時見到 d 準新娘忙到一頭煙我就怕怕!
倒數一年就脆脆地食少少嘢慶祝先, 不過每年嘅結婚周年當然唔可以放過大少啦....呵呵!
恭喜恭喜~~~等我又整返個list 先~
回覆刪除[版主回覆11/22/2008 10:44:00]整啦, 咁樣可以知道自己有咩未做嘛!
我男友都係歐陽先生喎,
回覆刪除咁我地都係歐陽太太 ~~~
將來個名成五個字架 ~~~
[版主回覆11/22/2008 10:46:00]嘩.....咁啱嘅? 歐陽太太, 我都恭喜你先!!!
男朋友係我由出世到宜家第一個, 亦係唯一一個我識嘅複姓人....誇張嗎? 其實.....係咪我人緣有限呢?
你個check list幾好~~借比我用丫~~hehehe
回覆刪除[版主回覆11/22/2008 10:47:00]當然冇問題啦, 大家都係左抄抄右抄抄之嘛, 不過我仲嫌佢唔夠詳細, 想搞搞佢!
喂喂....今日輪到你倒數一年啦喎!!! 加油呀!
我尋晚都update過黎......只得半年時間,,,,,愈諗愈緊張...
回覆刪除[版主回覆11/22/2008 10:47:00]係啦, d 時間真係過得好鬼快, 你 bd 完之後我就得返半年啦! 講時講, d 花炮我仲未比你添, 你要唔要架? 你哋幾時再有飯局?
褂店冇記錯, 唔係溢星嗎? 原來係另一間....
回覆刪除[版主回覆11/22/2008 10:48:00]hehe... 其實係溢昇架, 不過因為佢做唔住執鬼咗, 好在佢都好有良心, 將 d 訂單 pass 晒比隔離店嘅永隆, 所以我家吓變咗係永隆嘅客仔 lu!
嘩... 好詳盡呀! 加油加油!!! 唔好漏呀!!!
回覆刪除[版主回覆11/22/2008 10:49:00]um....應該有嘢漏架, 但我又諗唔到! 你都要加油呀, 你快過我 bd 架嘛!
好勁呀jenny oliver~~~我輸左成條街呀!!!
回覆刪除[版主回覆11/22/2008 10:49:00]hohoho, 咁你仲唔快 d 追返條街返嚟???
heehee~唔洗話O甘感動O既, 我都係想做個稱職MC O者...(面紅ing~)
回覆刪除我地mc o既事都唔係話急, 所以你地可以慢慢諗下你地有o羊idea law!我平時都係留意下人地d mc有乜不足自己提點下自己o者.
見到au yeung揾到你呢個o甘好o既老婆仔, 我當然替佢開心la. 所以你地o既事要幫忙的話我係2不容遲o既!
我d taste?? 唔好玩la! 係au yeung抬舉我o者. 你d taste仲好過我la, 睇你影婚沙相o個d晚裝就知la! 你同廸廸d眼光都好, 反而我覺得自己好多時都太過主觀, 而且結婚呢d我又唔係在行. 如果你唔介意有人手多多的話, 我係好樂意去八下o架! (再者我可以先睹為快). 到時仲可以約埋廸廸去比下恴見, 話o西佢都係準新娘經驗比我好!!
真係好期待你地o既bd........
[版主回覆11/23/2008 16:25:00]其實感動真係有架, 因為暫時身邊都未有朋友咁肯仆心仆命去為我哋好, 所以真係多謝你!
其實你 d taste 真係唔錯架, 歐陽成日都話你有眼光, 我當然唔介意你哋陪我去睇衫啦, 而且我一早都諗住約埋迪迪架啦!
仲有一年咋~好快呀~
回覆刪除時間真係過得好快~我都登你心急呀~~~^^
[版主回覆11/23/2008 16:26:00]一年.....話長唔長, 話短唔短....有時都好矛盾, 想嗰日早 d 到, 但係又會唔想咁快到......
你都加油呀, 大家都指日可待!
我同你同一日結婚架。不過論籌備，我真係輸你九條街。另外，我借咗你個check LIst 表呀，希望你唔好介意。
回覆刪除[版主回覆11/23/2008 16:27:00]咁你有冇上 esdlife 召集區呀? 嗰度已經有 41 pairs 人報到啦, 尋日我哋仲約咗其中 1x pairs 出嚟搞咗個 gathering, 暫定 3-4 月左右又再搞一次, 不如到時你都出席交流吓吖!
準歐陽太！＾＾ 希望我都可以快ｄ做黃太＾＾
回覆刪除[版主回覆11/23/2008 16:27:00]^^, 你都要加油, 快 d 儲錢買咗樓, 咁你咪可以做黃太囉!
好開心今日聚會傾計呀！(你係 icon 黎架 ) 你既List 好詳盡呀！ ~ 大家努力倒數我地既Big Day~ ~ 期待
回覆刪除[版主回覆11/23/2008 16:28:00]^^, 係呀, 其實之前都有擔心過傾唔到 d 咩, 但係估唔到大家一坐低就雞啄唔斷, 成間 cafe 睇怕最嘈都係我哋咯, haha!
我停頓左好耐了...因為最近家人身體出現毛病，我將精神都放在家人身上，無暇攪結婚野。我知你地都有攪gathering見面，不過我miss左lu...我諗要到出年我先再攪埋其他野lu...都有少少慶幸之前hold左大部份野...
回覆刪除anyway，大家一齊加油啦﹗
[版主回覆11/23/2008 16:30:00]哦....原來係咁, 唔怪之得你好耐都唔出現啦! 你屋企人身體好嘛? 距離婚期仲有一年左右, 都仲有時間籌備, 你就照顧屋企人先啦! ^^
錯過咗尋日嘅 gathering 唔緊要, 托爾話下年 3-4 月左右會再搞多次, 我相信到時你都收咗相, 咁你到時就記得出嚟啦! ^^ 加油呀!
琴日個gathering 好正呀！唔覺唔覺竟然傾o左咁耐！
回覆刪除[版主回覆11/23/2008 16:35:00]係呀, 真係唔經唔覺由 2:00 傾到 6 點幾, 我哋最尾仲留到 7:00 先走呀! 但係都好似唔願走咁.....下次, 下次一定要玩耐 d!!!!!
我要睇湯盈盈 (靚女版) 澳門 & fb d 相架!!!! ^^
好好既一個checklist呀, 我真係咩都未做呀！ 尤其係gathering之後，更覺得自己勁落後呀!
回覆刪除我之後嗰晚同我bf講個個都book晒野啦, 好多都full左啦, 但佢依然堅持過埋年先攪都未遲......my god ar...我就嚟激死啦!
[版主回覆11/24/2008 16:50:00]原來你係 bf 堅持??? 怕唔怕佢會後悔呀? 或者咁啦, 你呢段時間可以睇吓 d freelance, 因為 shop 嗰 d 可能真係 fully booked 啦! 加油啦, 有咩問題問我哋啦, 成班人都咁有經驗, 一出聲就可以忙到你架啦!
Todai 幾好味架~~ hahahah~~~
回覆刪除你好叻呀~~~ 我好多野都未 ready ~~~ hahahah~~ 仲走鬼左去玩~ 而家好累未會搞住... hahah
[版主回覆11/26/2008 10:29:00]yeah! 我都男友都覺得 Todai 好正架, 一年都會食 2 次左右啦! 不過佢又加咗價啦, 越加越貴.....
你得返 4 個月左右渣喎, 咁你要快手 d 啦!
你仲有大把時間啦...放心!
回覆刪除[版主回覆12/02/2008 11:25:00]話快唔快, 話慢唔慢囉, 不過幾個月後我會全力衝刺架啦!
呀，你早我一日，但已經搞好晒咁多o野，睇來我都要加把勁！
回覆刪除[版主回覆12/06/2008 22:53:00]其實因為我實在太有興趣去搞呢壇嘢啦, 所以都放咗好多心機去諗 d idea 出嚟, 咪好似好多都有頭緒囉 ~ ^^ 大家一齊加油啦!
http://hk.myblog.yahoo.com/em_bookshop
回覆刪除我好鍾意睇這本 e magazine, 又唔駛錢, 可以揾到好多造型同花款
[版主回覆12/12/2008 10:35:00]咦? 有正嘢? 立即去睇睇先, 多謝你嘅介紹呀!