2008 年 11 月 21 日（星期五）
之前都講過，呢日係我結婚倒數一周年，當晚就同男朋友去咗食 buffet，不過估唔到原來佢準備咗份小禮物送比我喎。
登、登、登、櫈...... 係我至愛品牌嘅 Agnes b. + 至愛零食朱古力呀！
（嘩，搞到個地下好污糟呀，好多糖粉跌晒出嚟....）
其實我有少少慚愧啦......（少少咋），我完全冇預備任何禮物送比男朋友，一心一意諗住食餐飯慶祝吓就算架啦，估唔到原來我有得收禮物添！
朱古力味道如何就仲未知，因為我未開始食，不過男朋友補充佢送呢份禮物比我係有原因喎！呢盒朱古力入面有苦嘅亦有甜嘅，就等於我哋嘅愛情咁，有苦嘅時候亦有甜嘅時候，佢仲話希望以後嘅日子都係甜甜嘅......（嘩，突然間好似溏心風暴 d 對白咁嘅？）
多謝老公！
好正嘅一首歌，歌詞好 sweet sweet，不過我只係打算用嚟席前／席間播放！
突然醒起原來我在座嘅賓客有好幾個都係陶喆 fans，實開心死佢哋啦，^^！
¯就是愛你¯ 主唱／作曲／填詞：陶喆
我 一直都想對你說
你給我想不到的快樂 像綠洲給了沙漠
說 你會永遠陪著我
做我的根我翅膀 讓我飛 也有回去的窩
我願意 我也可以 付出一切也不會可惜
就在一起 看時間流逝 要記得我們相愛的方式
就是愛你愛著你 有悲有喜 有你 平淡也有了意義
就是愛你愛著你 甜蜜又安心 那種感覺就是你
我 一直都想對你說
你給我想不到的快樂 像綠洲給了沙漠
說 你會永遠陪著我
做我的根我翅膀 讓我飛 也有回去的窩
我願意 真的願意 付出所有也要保護你
Oh 在一起 時間繼續流逝 請記得我有多麼的愛你
Oh 就是愛你愛著你 不棄不離 不在意 一路有多少風雨
就是愛你愛著你 放在你手心 燦爛的幸福全給你
Oh 就是愛你愛著你 不棄不離 不在意 一路有多少風雨
就是愛你愛著你 放在你手心 燦爛的幸福全給你
Oh 就是愛你愛著你 我都願意
就是愛你愛著你 要我們在一起 (Repeat to fade out)
2008 年 11 月 22 日（星期六）
由於呢個 post 涉及太多人啦，為咗尊重佢哋，所以不得不 private 一下！另外我整篇 blog 都會用返佢哋喺 esdlife 嘅網名稱呼佢哋，無謂佢哋比其他人認得出啦！
呢一日超開心呀，約咗好多位喺 esdlife 相識而同一日結婚嘅朋友仔出嚟 gathering！之前都講過，截至大家結婚一年前為止，喺 esdlife 已經有 42 pairs 人報到，今次雖然約唔齊咁多 pair，不過都有 11 位代表出現，成績都唔錯！再加埋冇上 esdlife 傾計嘅準新人，保守估計其實應該有 around 60 pairs 人係呢一日結婚！試想像吓 21-11-2009 呢一日，全香港有 60 pairs 人結婚，場面何其壯觀！
首先多謝阿闊太太啦，咁有心發起呢個 gathering，之後要多謝托爾及 TNS102 啦，因為佢哋諗咗 gathering 嘅地方出嚟，方便大家好嘈嘈閉咁過咗一個下午！
出嚟之前其實都驚會冇嘢講，話晒大家都係第一次見面，但係估唔到大家一坐低之後就七咀八舌，雞啄唔斷，由 2:00 開始嗲...... 嗲到 7:00 左右，咩都講一餐，又成日大笑喎，睇嚟成間 cafe 至嘈都係我哋啦！
P.S.：由於唔知相中各位介唔介意我 post 張相出嚟，所以部份未徵求同意嘅我都打咗格仔先！如果有任何一位想我收返埋張相，可以立即通知我，我識 do 架啦！後排左四就係小妹啦！
MLing - 我同佢一齊約埋上去 cafe 架，MLing 佢好搞笑，原來佢有少少怕醜架，不過佢好靚女，皮膚又靚又瘦喎，家吓呢個時勢人人嗌減肥去影婚紗相，佢竟然要增肥，恨死隔離咩！
Winky - 我同 Winky 私底下冇傾過計，因為佢又冇寫 blog，又冇 msn，esdlife 發言算係比較少嘅一個，不過見到佢之後比我嘅感覺一 d 都唔陌生！佢今年 3 月已經影咗婚紗相啦，所以佢當日佢都有 share 比大家睇，個個都覺得好靚，佢仲有一個好似張智霖／馬景濤嘅未來老公... 好 sweet 呀！
阿闊太太 - 同呢個朋友仔之前一齊去影法國婚紗相，嗰時已經覺得佢又高又瘦（我知你一定唔認架啦，但你係一 d 都唔肥嗰種），皮膚又靚，未上妝之前已經夠搶鏡！睇咗佢少部份嘅法國婚紗相，靚人 + 靚景，阿闊仲得到各位嘅一致同意...... 佢好似湯盈盈架，不過係靚女版湯盈盈，^^！仲有呀，呢個係我私人感覺，你男朋友真人型過上鏡喎！hehe
Kass - 唔知點解我覺得呢個朋友仔同我嘅性格有 d 似！Gathering 前一晚佢打嚟 confirm 我知佢可以出席，嗰次係我第一次聽到佢把聲，係同我想像中完全一樣！可能因為睇得佢個 blog 多，知道佢係一個咩人！嗰日 gathering 佢講嘅嘢好多時同我心諗嘅一樣，不過佢轉數快過我，我諗到時佢已經講咗出口！
TNS102 - 呢個朋友仔比較遲先加入，佢都有寫 blog，我都有 keep 住幫襯架！佢都就快影法國婚紗啦，叻女呀...... 個個都識入我個 blog 取經！講開又講，個個朋友仔都話有睇我個 blog，當日仲話我做咗嗰張枱嘅 icon，基本上只要見到我個樣就知嗰枱就係 esdlife 網友們...... 有冇咁誇呀？我始終都覺得托爾先係 icon 喎！^^
托爾 - 一個令我有好深印象嘅男仔！佢係喺 esdlife 由頭帶到尾 keep 住發言嘅男仔之一！除咗我之外，其實好多女網友們對佢嘅印象都非常好，因為佢真係少有嘅男性去 in-charge 自己個婚禮，佢女朋友可以唔洗煩，真係幸福！我哋嗰 d 嘅另一半，踢一踢先郁一郁！
ar yee - 好溫文嘅一個女仔呀！之前我揀 mua 時佢比咗好多意見我，真係好多謝佢！佢好叻女，早於 07 年 11 月已經為自己嘅婚禮 book 酒席及當日攝影，足足早兩年去籌備，我係極度欣賞架！不過都好搞笑，我識佢嘅原因，係因為我揀第一輪酒席時比佢截咗我糊，之後再喺 esdlife 識返大家，哈！
popopolly - 呢位朋友仔我係比較遲先識佢，但係大家嘅話題就好似傾極都傾唔完咁！我同佢 join 埋同一間婚紗相公司，又喺同一間證婚公司行禮，所以好啱 key！嗰日 gathering 完之後仲一齊去咗行百利商場，又 keep 住成日 sms，唔識我哋嘅人都以為我哋識咗好耐添呀！
cin~ - 佢...... 我覺得係成班女仔中最幸福嗰個！雖然嗰日 gathering 個個都幸福，但係唔知點解佢比我嘅感覺係將「幸福」兩個字寫咗喺面上咁，我覺得當日佢連笑都笑得甜過人！可能因為睇過佢個 blog，又睇過佢部份嘅台灣婚紗相，佢同佢男朋友張張相都甜到漏，恨死隔離呀！
G-virus - 呢個男仔又係比我好深嘅印象！佢同托爾一樣完全 in-charge 自己個婚禮，不過佢有樣嘢唔同，佢本身係讀 IT 出身，佢會將自己個 wedding 搞得好獨一無二，又會有好多唔同嘅 ideas，讀 IT 真係唔同 d，試問有幾多個男仔會 in-charge 自己個婚禮不特止，仲會自己 design 自己個 backdrop，舞台，唔播成長片段，唔播即日剪片，唔播求婚片段，佢會自己錄一段片送比老婆仔，做佢女友真幸福！最衰同佢同一日結婚，否則我都好想參加佢個婚禮，一定好有心機，有好多驚喜！
總結呢一日真係極度開心，見到咁多唔同嘅網友仔，唔知有冇機會有一次可以約齊大家嘅 Mr. / Ms. Right 出嚟聚一聚呢？
托爾，我記得你講過話下年 3-4 月左右會搞多次 gathering 架，到時我再幫手配合！由於今次出嚟有大部份朋友都未開始影相，咁...... 下次出嚟你哋個個都記得要帶相出嚟一齊 share 啦！喂，未影相嗰 d 呀，我唔理你哋偷影又好，用埋 d 嗱喳手段（唔好話係我叫架）都好，我要睇相，我要睇相，我要睇相，哈哈！尤其是 cin~ 呀，下次唔准唔記得帶啦，^^！
Nice to meet you all!
查實呢件事都發生咗成半年咁耐......
2008 年 6 月 12 日（星期四）
幾個星期前，收到「永隆繡莊」負責人劉小姐嘅電話，佢通知我話我之前租裙褂嗰間「溢昇繡莊」嘅老闆因為有 d 私事，急於離開香港，所以佢間舖已經關門大吉。好在，佢都係一個負責任嘅老闆，佢將之前接到嘅訂單 pass 晒比隔幾個舖位嘅「永隆繡莊」。收到呢個電話後都覺得自己算好彩，好彩在溢昇個老闆冇走佬啫，而且永隆只係隔溢昇幾個舖位，影響都不算太大！
永隆負責人叫我放心，之前封咗嗰套褂會繼續同我封起佢，不過佢建議我落佢舖頭試一次身比佢睇，其實 ....... 我都唔係好明點解要試比佢睇呢？不過，既然繡莊嘅老闆轉咗手，保險起見去望一望套褂係咪我 hold 嗰套都好吖，所以我就落咗去啦！
舖頭嘅地址唔同咗，但都仲係嗰套褂！我租嗰套係中五福，重新再試多次上身，其實都已經好滿意！不過，心郁郁又想試埋大五福，因為我真係鐘意多金銀線架，但係又著唔起褂后，著咗之後感覺大老氣啦！劉小姐好樂意拎大五福比我試，其實大五福同中五福相差唔算太大，問過媽咪意見，佢話只要唔好太多紅色就 OK！我就 15/16，老闆話如果轉大五福，要加多 HK$100（即係 HK$680）。
中五福（呢件好似多金銀線得嚟有返少少紅色，感覺顏色均勻 d）
大五福（呢件的確好多金銀線，但好似金得滯，少少紅色都搵唔到咁）
男朋友就認為雖然大五福真係多 d 金銀線，不過我嗰套中五福已經好足夠。其實我都覺得係嘅，既然係咁，又發揮我師奶仔嘅本色 ---- 看錢向！裙褂只係著半日，需唔需要加多 HK$100 呢？自己租開嗰件又唔係唔見得人 ....... 但我真係鐘意多 d 金銀線喎（雖然係咁，但我絕對唔會租褂皇，成條金魚咁 .....）
所以最後都係維持原判，租返中五福就足夠啦！
終於踏入結婚一年倒數，多得好友提醒，原來我仲有 364 日 4 小時左右就成為歐陽太啦，呢一刻嘅心情變得「實在」得多！ 今晚...... 我哋將會有慶祝活動，就係去美麗華商場地庫間 Todai 食 buffet，而聽日仲約咗一班喺 esdlife 相識而同日結婚嘅朋友仔出嚟 gathering <-- 其實聽落有少少唐突，不過既然大家都同日結婚，都叫有種緣份吖，聽日大家唔好失約啦！
© Jenny & Oliver Wedding Ceremony ©
日期：2009 年 11 月 21 日 (星期六)
註冊時間及地點：尖沙咀諾士佛台 1 號 7 樓「白玫瑰禮堂」
下午 2:00 － 3:00（註冊儀式完成後有雞尾酒會）
設宴地點：銅鑼灣利舞台廣場 22 樓麒麟閣酒家（預計 20 圍）
_______________________________________________________________
過大禮時間 ： 未決定
過大禮物品 ： 未傾
上頭時間 ： 未決定
出門時間 ： 未決定
當日婚禮攝影攝錄 ： 海洋專業婚禮（1 p + 1 v + 1 snap shot）
婚紗相 (1) 緣美傳說 ： 28-7-2008 已影，已取，欠油畫一張
(2) 美麗佳人 ： 26-8-2008 已影，未取
(3) 法國婚紗 ： 20-10-2008 已影，未取
化妝師 ： Shirley Kam
婚紗晚裝及男禮 ： 法國婚紗，未揀款
媽咪及奶奶衫 ： 元朗雅麗，未揀款
爸爸及老爺西裝 ： 爸爸已買西裝，老爺尚未表態
裙褂 ： 永隆繡莊，已 hold 中五福
婚紗及晚裝鞋 ： 已買
褂鞋 ： 未買
黑／白禮服鞋 ： 已買
首飾 ： 未買
伴郎及伴娘 ： Both confirmed
兄弟團 ： 5 個（其中 4 人 confirmed）
姊妹團 ： 5 個（all confirmed - 成團啦！）
兄弟呔 ： 未決定
姊妹裙 ： 未決定
婚禮司儀 ： bf's friend 一男一女，both confirmed
結婚戒指 ： PN（已取）
結婚公仔 ： Snoopy（已取）
花球 ： 未決定
手花襟花 ： 打算 DIY，但毫無頭緒
簽名布 ： 美麗佳人（擺酒用），法國婚紗（註冊用）
餅咭 ： 美心（已買 200 張）+ 奇華（未買）
花車 ： 白色 MG（下星期 confirm）
花車佈置 ： 打算 DIY
旅遊大巴及 24 座 ： 未 book
婚前檢查 ： 未 book
酒樓佈置 ： 酒樓包
請帖 ： Joy's Card（酒樓包）
婚宴音樂 ： 有少許頭緒
成長片段 ： 海洋專業婚禮已包
回禮小禮物 ： 有少許頭緒
結婚證書套 ： DIY？買現成？未決定
簽名筆 ： DIY，未做
枱號咭及 Menu ： DIY，未做
紅酒 ： 未買
敬酒杯 ： 已買，$5 一隻，超抵
Wedding logo ： 男朋友努力設計中
Wedding theme color： 紫 + 白（唔知做唔做到）
賓客名單 ： 有初步 idea
座位表 ： 有初步 idea
當日 rundown ： 有初步 idea
2008 年 11 月 14 日（星期五）
早喺幾星期前緣美傳說大阿哥 James 已經通知我 d 相簿搞掂晒，叫我隨時上去拎啦！本來好歡天喜地諗住早 d 拎相簿返嚟日對夜對，不過撞正自己搞緊法國婚紗 d 相，之後又到婚紗展，緣美傳說所有職員要為 expo 準備，都唔敢上去煩住人，結果一拖再拖，到上星期五先捨得殺上去。
講開又講，我今年 7 月 28 日先去影相，到真係執好晒相、confirm 晒 d 相係 9 月尾嘅事，點知轉頭 10 月尾 James 就通知我 d 相簿 ok 晒，前前後後正式做相簿時間只係用咗 1 個月左右，點解美麗佳人同埋法國婚紗要等 3-4 個月咁耐嘅？究竟係緣美傳說有效率，定係美麗佳人同法國婚紗多 order 得滯？無論如何，其實要等 3-4 個月都係預料中事！
上到緣美傳說後都見到有人揀緊相，有人嚟睇場，so far 佢哋都好似 keep 住日日有人上去睇場。阿 Joe 見我哋到咗就拎個環保袋出嚟，入面有晒我哋嘅相簿啦！好似都好重吓喎，而且本大相簿嘅 packing 係超抵讚！個盒有晒挑花咁款，又「聚」手，淨係個盒已經夠重！又有好多布包完一層又一層，驚死會整花本相簿咁，佢哋好似重緊張過我哋呀！今晚本來男朋友撩我去食韓國燒烤，因為自從影完相放縱後都未試過食韓燒，不過我就 ban 咗！拎住咁多相簿，我驚食完韓燒之後 d 相簿會一陣味！我唔要韓燒相簿呀！！！！！
由於本大相簿個盒都有返咁上下重量，驚揹死男朋友，所以都係分兩袋啦！個袋貫徹佢哋公司嘅 theme color，拎出街其實都幾 sharp 架！
開始拆啦...... 好似拆禮物咁！
一本大相簿（都唔記得咩 size 啦，好似係 8x12），兩本細相簿（5x7）
一本相簿可以有咁多個袋入住，我真係覺得佢哋仲緊張 d 相簿多過我！
呢本大相簿個盒好鬼死冠冕堂皇 feel...... 成本古代嗰 d 書咁（唔識點形容！）
3 本相簿正面（全部有晒 uv coating 啦！）
背面
講到尾，最最最鐘意都係呢張相，簡直係無敵呀，剎那間覺得自己好似做咗 model！曾經有諗過晒呢張做大相，不過好似自私咗 d，話晒呢輯係婚紗相！
總括嚟講，我會比 d 相簿 99 分！雖然佢哋唔係大公司，相簿款式一定唔夠人靚，但係我認為只要唔係太醜樣，又可以清清楚楚睇到 d 相已經滿意，況且咁嘅價錢仲想點呀大佬？
不過，我點都要扣少少分！唔知各位 bloggers 仲記唔記得我影相當日男朋友係爛咀架！結果要靠後期執相先可以整得靚靚！但係當我收到本相簿時，我發覺有兩張相執漏咗男朋友個爛咀。本來想叫緣美傳說重做，但係諗住開聲前先問一問男朋友意見，男朋友就話唔好重做，佢話反正張相咁啱排咗喺最後一頁，都應該唔會有太大影響，而且人哋重做一本相簿成本都唔平，無謂為咗一兩張相令人難做（緣美傳說有你呢個客真係好！），仲有，佢話佢當日真係爛咀，宜家張相執漏咗，咪當係一個回憶，一個證明囉！咁其實我都 ok 嘅，都只係一張兩張，如果我係十分介意的話當初寧願改期影相啦，所以到最後我哋都冇重做（雖然如果我哋開聲佢哋一定會重做）！
就係以下呢兩張相啦！
左面嗰張，zoom 近 d 近 d（唔好嘔！）呢張係最嚴重！
右邊嗰張，zoom 近 d 近 d（唔好再嘔！）呢張可能因為角度問題，感覺上好似係陰影多過似爛咀（雖然咁講都有 d 勉強），但我認為可以接受！
不過，緣美傳說 d 人都好醒，即刻幫我執返張相嘅 softcopy，唔洗我哋自己返屋企執！臨走時我醒起 package 入面包咗一張 8x10 大相，佢哋漏咗晒比我，加上佢自知本相簿有兩張相漏執咗個爛咀我哋都冇出聲，所以 James 自動自覺話補返一張 16x20 油畫比我喎，唔......... 其實我都唔係太介意執漏爛咀呢件事，一張半張都冇乜所謂，而且我已經有 2 張油畫，不過見係佢哋送，當然唔執輸話好啦，呵呵！
日頭唔好講人，夜晚唔好講「X」！
出咗 MG 個 post 當晚就即刻收到阿達嘅電話，佢通知我架車已經 check 咗，pass 埋，仲攞埋行車證，可以落地行得，仲約我同男朋友一齊出嚟試車添。聽到呢個消息當然係覺得正啦！但係之前有 d 問題都想向佢 confirm 返，MoLee，你要留心啦，問咗好多你都想知嘅問題呀：
(1) 冷氣
之前阿達話有 50% 機會裝唔到冷氣。我問咗佢，現階段真係未有冷氣，不過主要原因唔係裝唔到，只係佢未得閒裝上去啫！有 8 成機會係裝得到，不過可能等遲少少佢先得閒裝！
(2) 車籠窄
呢個問題真係冇得搞，架車本身係咁就係咁！阿達之前都講過呢架車嘅乘客坐位只有司機 + 前座一位 + 後座兩位，咁結婚當日伴郎伴娘都坐唔到啦！但係如果租咗倫敦的士的話，其實係可以坐埋伴娘跟頭跟尾都得。Anyway，呢個問題都不算太大嘅，而且宜家未正式見過架車，都唔敢講得太肯定住，等我睇完車再返嚟報告。
(3) 租金
阿達話比倫敦的士貴 $1,000，如果之前有問我過攞資料嘅網友應該心中有數！雖然佢係貴 d，不過相比市面上同 grade 嘅車（e.g. 勞斯萊斯）已經算平架啦！冇計啦...... 鬼叫男朋友指定要租呢架車，否則我寧願租紫色倫敦的士囉...... 紫色喎！！！！！！！！！今次再一次 out budget，不過我唔係罪魁禍首喎，hohoho！
(4) 車內 setting
第一次見呢架車時只係得個空殼，雖然 d 相都影到內籠係點樣，不過未正式坐過入去都唔知終究係咩環境，但係都係嗰句，阿達咁有 taste 買呢架車返嚟，我絕對信得過佢！
(5) 旗仔
之前有睇過我個 blog 嘅朋友都知道呢架 MG 有一個特別之處，因為佢係古董車，所以有一個佢獨有嘅特色。當架車要轉線／轉彎時佢唔係同普通車一樣打燈架。車身兩邊各有一支旗仔，當要轉左時，司機打一打掣，左邊旗仔會升起，要轉右就右邊旗仔會升起（唔知你哋明唔明我講咩）。架 MG 咁難得有呢個特色，我當然問埋阿達呢個搞掂未啦！阿達話已經裝咗旗仔上去，性能都冇問題！不過由於要過驗車嗰關，運輸署規定一定要裝埋燈，所以宜家旗仔 + 燈兩樣都有齊晒啦！
6) 顏色
驟眼望落去係白色，不過其實係薰衣草白，白得嚟又有少少帶薰衣草色（即係紫色），呢張相可能會明顯少少...
宜家樣樣嘢都搞得 8899，我嘅 concern 都已經解決晒，好嘢！
最後就係等阿達打嚟同我 confirm 邊日去試車，到時佢會揸出嚟元朗，好期待呀！
有得睇啦，有得睇啦！上個星期終於去買咗本 Wedding More 返嚟慢慢煲。雖然雜誌社都話會寄一本比我哋，但係實在等唔切雜誌社呢 d 咁慢嘅作風，所以自己身痕去買咗本。最搞笑嘅係...... 未來老爺話難得我哋有機會接受訪問，佢都話想買返本留念喎。既然係咁，咁我收到雜誌社嗰本 copy 時就比一本老爺啦！
唔講咁多啦，大家睇書啦！（雜誌嘅編幅有限，大家都只有一至兩張相咋！全部都比緣美傳說放返佢哋 d model 相，搵笨...... 不過都好過無啦！）
Wedding More Magazine Issue #12 Cover Page
Page 1
為咗方便大家容易 d 睇入面嘅文字，我就將佢斬件咁放大啦！
真係唔健康，又食 KFC，又食 Pizza Hut！
左手邊最大份著住 deep V 嗰個咪係我成日提住嘅緣美傳說話事人 --- James！James：如果你有幸睇到我呢篇 blog，千祈唔好嬲我咁形容你呀，hahaha！
Page 2 (full page)
幸好已經得所有被訪者嘅同意，咁我就可以放佢哋 d 相上嚟！先嚟各人嘅訪問！
1st couple：Jenny & Au Yeung
（其實你哋睇唔睇到 d 字呢？）
2nd couple：Anna & Hei
備註：明明係 Anna 爛咀唔係阿晞面上生瘡，唔知點解咁都聽錯！報導失實呀！hahaha
3rd couple：阿恩（其實佢係呢個「恩」）& 阿肥
Page 3
攝影師阿 Sam 訪問，即係大合照入面企喺後排著白色衫最高嗰位靚仔。估唔到咁後生就做攝影師，仲原來做咗超過 8 年！
Page 4
Page 5
攝影師阿 Joe 訪問，即係大合照中企喺右手邊，懶 cute 咁單起隻眼，著住黑色 tee 嗰位哥哥仔！佢竟然同我同一間中學讀書，同一樣住喺屯門區（不過我宜家搬咗啦），仲要竟然係同一屆......（即係同年啦！）只不過係唔同班啫！
Page 6
大家睇還睇，唔好告我侵犯人哋版權呀......
P.S. 如果大家睇唔到訪問內容，可以去我個 blog 入面嘅相簿，搵返你想睇嗰版就可以放到雞乸咁大隻架啦！
2008 年 10 月 17 日（星期五）
今日又去咗美麗佳人睇第二次執相。
入到去，熱情嘅阿 Mag 好 nice 咁招呼咗我哋坐低，原來...... 我哋之前要再執嘅相只得 10 張咋！
先睇「一串魚蛋」嗰張...... 今次格肋底兩舊鬼祟肉明顯執得自然咗好多，起碼一望到張相時唔會有「好假」、「核突」或者「接受唔到」嘅感覺，所以我同男朋友都滿意執完後個效果，佢哋仲自動幫我減咗少少手臂添，唉，喺電腦世界瘦身真係好容易。
其餘嗰 9 張都係圍繞住「潔白牙齒」、執走男朋友爛咀後 d 紅印等等。唔洗 10 分鐘已經 OK 晒啦，d 相全部滿意！所以就撩返隻龜 confirm d 相，3 個月後（即係 2009 年 1 月 17 日）就可以收相啦，好嘢！我粗略計過，拎相時應該只有一個大環保袋（入面裝晒所有相簿），一碌卷起咗嘅海報同埋一張有大半個人咁高嘅油畫。兩條友唔 Call 車拎返入元朗應該都冇乜問題，不過拎住咁大件嘢都上唔到巴士，或者到時請半日假去收相，到時搭巴士又好，搭地鐵轉西鐵（-_-" 宜家叫港鐵）又好，都可以避開繁忙時間啦！
Join 咗美麗佳人嘅朋友，你哋 check 執相時記得睇 d 真先好簽名 confirm d 相，因為當佢做好晒相簿之後你先話有某一張要再執的話，係需要加 $1,500 架！
又到評論美麗佳人服務嘅時候啦...
暫時都仲係好滿意，由 join package 到今日 confirm 晒 d 相 so far 都好好，冇不滿嘅情況出現。美麗佳人，keep 住呀！奸巴爹呀！我唔希望最後要 black list 你哋架！
2008 年 11 月 2 日（星期日）（續）
除咗婚紗有新款之外，今次晚裝有 d 我都鐘意架！
一出場嘅就有火紅色晚裝，呢件我覺得都 OK，用嚟敬酒都唔錯吖！不過腰位好似修得唔夠靚。
之後就係呢件，呢件我覺得幾靚呀，隻色都算特別，胸口位有 d details，用嚟迎賓應該唔錯。但係都係冇衝動要租出街～
之後係呢件，現場睇係勁閃架，由頭閃到落腳咁滯，不過我影得衰咗 d！
再嚟就係呢件，呢件其實係蝦肉色又帶少少粉紅色咁。閃光燈閃過不停～
冇閃光燈下條裙嘅真正顏色～ 印象中金色嗰 d 位全部都係閃架！
背面仲有個小拖尾～ 有少少似仙女嘅感覺
仲有就係呢件！一見到我雙眼 bling bling 發光，好靚呀！隻鮮黃色又夠 sharp，影起相上嚟一定好精神。宜家越嚟越多婚紗晚裝加入咗黑色元素，其實我好 buy 架，不過唔知媽咪比唔比～ 因為之前同佢提議過姊妹裙用黑色佢都唔比，更何況著喺我身上呢？
嘩，真係好靚...... 定係...... 個 model 著得靚呢？我又唔夠人高，又唔夠人瘦，著上身又未必有佢呢個效果！
著呢件迎賓都好吖～
最後就有呢件，我好鐘意！現場睇係超超超閃，因為成條裙嘅布都係閃架，而且好高貴！
不過男朋友話呢件同我影相嗰件差唔多喎！咁又係，其實我一見到呢件衫時已經諗到呢個 point 啦！不過又真係好鐘意喎，著嚟送客都好吖！
你哋呢？你哋又會唔會租一 d 影相時著過嘅顏色或款式出街？唉，內心真係好掙扎呀，人生最痛苦就係要作出選擇......（<--- 租衫啫，唔洗講到咁嚴重呀？）
