之前喺 Yahoo! 拍賣見到有個 mua 登廣告幫人化新娘妝，睇過佢 d 相之後, 發覺佢都幾 ok, 原來佢成日接 order 喺 wedding expo 幫羅浮宮及新天地嘅 catwalk model 化妝 + set 頭，再睇埋佢嘅價錢，跟足全日 $3,288，ok 吖，唔算太貴，我心目中嘅 budget 係 under $4,000，男朋友極力推薦 book 佢，因為喺 expo 爭分奪秒，同結婚當日一樣，呢個 mua 應該夠晒經驗！不過..... 究竟住天水圍係咪要被人歧視呢? 我唔洗佢晨咁早 7:30 前到, 都硬要收多我 $200.......算!!! 因為宜家好多 mua 都要收天水圍居民附加費! $200 算係公價啦!
尋晚 7:00 上到佢返工嘅 studio，嘩，原來佢來頭都唔小喎，喺銅鑼灣一間頗著名嘅化妝學校教化妝 (不過間化妝學校我唔識，反而男朋友識喎）~ 去到呢個 level，收 $3,288 跟全日真係唔貴，package 中包咗兩個媽咪及伴娘化妝 + set 頭，包埋頭飾及首飾.....算叫做齊全！坐低之後，原本講好試 2 妝 2 頭，但佢自己 "渣" 主意同我試婚紗妝 + 晚裝妝......我唔想，因為之前聽朋友講試 mua 手勢最緊要試褂妝，因為褂妝通常偏紅，好蝦人化，唔係個個化得靚架！所以我要求試褂妝及晚裝妝，佢都好樂意同我試。
先講褂妝，未 set 起頭之前真係嫌佢將我對眼化得太濃，嗰對眼好似娃娃眼咁大到冇論～ 加埋假眼睫毛之後我真係唔認得自己！同佢反映返，但佢話咁係正常，set 完頭先再評論都未遲，好！姑且信佢，話晒係化妝師嘛～ 搞完一輪，個頭終於 set 好，咦，妝 + 頭原來幾靚喎，佢同我 set 咗朵花出嚟，再加埋頭花總共有兩朵花喺個頭度，唔錯唔錯！我同男朋友都好滿意，化妝師講嘅嘢真係啱！之後轉妝試晚裝妝容，我話佢知我一定有一套紫色晚妝，所以佢就同我試咗一個以紫色做眼影嘅晚裝妝容！化完之後個樣好 ok，男朋友及化妝師都話我嘅膚色其實幾襯紫色！到個頭啦，mua 同我 set 咗一個頭，男朋友唔鐘意，因為紮起晒 d 頭髮，條友仔鐘意我放頭髮落嚟，但 mua 話我個樣唔襯嗰種 style，不過佢都 set 咗一次比我睇（試咗兩個頭，有賺），發覺佢講嘅嘢又一次係正確嘅，我個樣真係唔襯咁 set 囉，佢見我哋都好似唔知想點，即席再 set 多一個（試咗三個頭，再賺），今次呢個好有中國古典 feel，但襯晚裝有點兒格格不入，不過不得不讚佢嘅手勢，的確唔錯！試咗三個晚裝頭，始終鐘意第一個，專業真係專業，佢幫我諗嗰個係最好嘅！
但最後我哋都未有 confirm 佢，因為嚟緊星期日我會試多一個 mua，呢個平好多，只係 $2,588，包兩個媽咪及伴娘化妝 + set 頭 + 補妝，首飾頭飾任借，天水圍或晨咁早到都唔洗加錢（因為佢自己都住元朗呢～）其實試兩個 mua 都夠晒皮啦，試咁多只會 side 錢，試一個 mua 都唔平架～ 不過呢 d 錢唔慳得，試兩個以上先有得比較，唔怕做錯決定嘛！尋晚嗰個 mua 唔比我影相，只可以用佢部相機影，我都明白，因為每個髮型都係佢即席諗出嚟，或者驚人偷 idea 啦！體諒佢！星期日嗰個應該有得影，有機會（化得靚）的話，post 上嚟比你哋睇！但......唔准笑！
見你咁滿意, 都好大機會搵佢啦. 第1個就已經咁滿意, 都幾好喎!
回覆刪除都係架, 要試至少2個, 會好d, 有得比較下, 除非你識化妝啦~
但唔俾影相, 就爭左dd, 因為此終即場睇, 同睇相, 係唔同架.
你上我個blog, 就睇到我結婚d相, 當場睇, 我自己都覺得有d濃架, eye shadow既color, 都幾深下, 不過我ok既, 我接受到濃妝, 但影起相黎, 你就睇到, 唔係太誇lu.
你試下, 問下MUA, 睇下佢可唔可以send1-2張相你睇下啦! 睇左你又會再安心d!
[版主回覆03/30/2008 23:22:00]其實試埋第二個 mua 之後, 又係要做決定嘅時候.....唉, 好煩呀, 我開咗另一篇講講, 你可以睇睇!
^o^Hello Jenny,
回覆刪除有沒有化妝介紹,我想要聯絡呢^^
yuzipc@hotmail.com
小玉子
[版主回覆03/30/2008 23:22:00]好, 我聽日先 send 比你, 因為我仲有一個 master file, 係我搵咗好多好多個 mua 嘅資料~
請問呢位mua係邊個呀? 好抵咁bor tks~
回覆刪除[版主回覆03/30/2008 23:23:00]呢個的確唔錯嘅, 但我試第二個 mua 都唔弱架!
都幾平喎!
回覆刪除[版主回覆03/31/2008 01:05:00]係呀, 我覺得以佢呢個 level , 收得呢個價錢, 算叫平架啦! 你嗰個呢?
我係租衫度book埋化妝架,嗰時心急所以book左!我自己對化妝都有要求,真係大意。不過佢地話有好多個mua揀,見其他人都用過,我諗ok既,我嗰個早一次,午一次,全晚要$4千幾架,我4月14日試妝啦。所以你嗰個平架啦!
回覆刪除[版主回覆03/31/2008 11:20:00]哦，即係你喺顯卓度 book 埋化妝...咁你最終揀咗邊個 plan？跟全日？其實跟全日好似好 d，有咩嘢佢都可以即刻幫到你嘛！其實 mua 最緊要真係試手勢，遇著 d 好嘅 mua，可以互相傾吓點整先係最好！呢個貴 mua 其實都幾堅持架！有時我想點點點，佢會彈少少，先再幫你整.....藝術家真係藝術家！
我個plan係早一次,午一次,全晚,4千幾。揀mua真係要揀0的nice既,你知啦嗰日對住佢成日架麻,如果佢木口木面,又唔多講野,咁就死啦!而且又唔接受你意見,到時大家都唔開心就唔好啦!
回覆刪除[版主回覆03/31/2008 12:09:00]咁即係唔算揀全日? 不過照咁睇你呢個 plan 都已經足夠應付啦! 況且你自己又識化妝, 我就差少少.......我乜都唔識! 平時嗰 d 都係玩玩吓咋!
我租衫既sales話bd唔好自己化妝呀,嗰日咩都叫人做就得架啦!要人服侍，如果唔係辛苦一世,咁又岩喎!不過我0的姊妹個個都識化妝。
回覆刪除[版主回覆04/01/2008 00:06:00]係呀，我都聽過！所以我嗰日都應該唔會自己郁手！
你好，我2011年11月結婚，而家搵緊MUA啲資料，可唔可以MAIL資料俾我呀?? toyfireman@yahoo.com.hk
回覆刪除