終於買咗結婚介子啦! 話說今日復活節假無咩嘢做, 特登出去旺角 PN 分店睇多次對結婚介子, 因為自從上次喺 expo 睇完之後, 對隻介子真係有少少念念不忘嘅感覺! 其實都有睇過其他公司嘅婚介, 有 d 都唔錯, 不過唔知係咪先入為主, 硬係鐘意 PN 嗰對多少少..... 去到旺角 PN, 都唔知好彩定唔好彩, 竟然撞到上次 expo serve 我哋個女 sales, 佢一眼已經認得出我哋, 梗係啦, 上次 expo 我去足 3 日, 有 2 日都去咗 PN 個 booth, 盲嘅都認得我哋啦! 不過個女 sales 真係好勁, 連我當日考慮緊咩款都記得, 所以佢拎多一次出嚟比我哋睇......我試上手, 左睇右睇, 其實自己真係幾鐘意, 佢個款中間有粒主石, 但主石兩邊共有 24 粒碎石伴住, 喺燈光下真係好閃好靚, 但男朋友就話粒主石比側邊 d 碎石搶晒鏡, 粒主石幾閃幾大都好, 遠睇只會見到有一堆鑽石閃吓閃吓, 佢都講得啱嘅, 講真有邊個咁得閒咁近睇你隻結婚介子吖, 遠睇見到係咁就係咁嘅感覺, 不過佢個款....我真係幾鐘意, 而且男朋友自己都帶得好好睇, 後來唔知男朋友係咪見我咁鐘意定點解, 連金至尊都冇去睇就扑鎚買 PN 呢對啦! 喂, 未婚夫先生, 其實你係咪真係鐘意架? 唔知我有冇 feel 錯, 我覺得你自己都鐘意架喎, 唔好扮偉大喎......
我叫個 sales 計一計幾多錢, 女裝 $7,700, 男裝 $8,400, 頭 $3,000 冇折, 但會做咗會員, 尾數先有 9 折, 相比喺 expo 度買, 就係貴咗嗰 $3,000 嘅 9 折, 因為 expo 係全數 9 折! 好, total 係 $(7,700 + 8,400) - 3,000 (做會員, 冇折) x 0.9 + 3,000 (冇折, 要加返落去) = $14,790, SHIT!!!!!! 咁 Q 貴???? 
PN 戰利品一大袋....
絨面音樂盒, 嘻嘻.....紫色喎....
打開後, 左手邊可以插一對結婚介子, 右手邊係上鍊, 上面可以放一張合照, 幾好, 唔錯, 總好過要介子枕!
雖然對介子 out 咗 budget, 不過........d 錢都洗得好值得, 因為我係真心鐘意呢對介子, 要帶一世架嘛!
唉,,,我地咪又係,,,鐘意既野都out晒bud,,,所以之後想0慳都唔得啦~
回覆刪除不過點都好, 最緊要係自己鐘意~恭喜你呀~拎左記得share下wor~
[F回覆01/01/1970 08:00:00]F
我結婚時,都唔識有pn呢個牌子.
回覆刪除係你地班新娘介紹我至知.
如果唔係我都會失守呢!
我個對係j's買,都揀左成廿對至揀到佢.其實都要四千,out左我budget成兩千!
同你分享下我d嫁妝!
http://hk.myblog.yahoo.com/alt-ms818/article?mid=286
[版主回覆03/23/2008 01:07:00]thanks! 我其實一早 add 咗你做 blog 友啦 ~
你隻求婚介子真係好靚, 係咪你老公知你鐘意之後偷偷地買比你呢?
hihi你好呀，我同男朋友都睇中PN RING，有D似你形容個對，好靚架，不過真係超級貴囉~
回覆刪除[版主回覆03/24/2008 00:39:00]hello~ nice to meet you~ 真係? 其實嗰對真係幾靚架, 所以睇完嗰對之後一路都睇唔啱其他....唉....真係好好好貴! 咁你有冇買到?
哎呀.....我真係好鬼老土呀.....請問PN係咩牌子o黎架?等我都去look一look先，邊度有專門店呀?
回覆刪除我發覺可能唔係我地既問題，之前我朋友send過一個結婚既支出表俾我參考，都唔知點解我樣樣都好似out 哂budget咁，我覺得係因為而家物價上漲左好多先對呀~~~~(咁樣安慰自己應該會安樂d)
[版主回覆03/25/2008 10:27:00]你唔老土..... 其實我都係喺上個月 expo 時先識呢個牌子架! 以往我淨係識得去大嘅金舖或者 Ma Belle 嗰 d 地方睇介子, 宜家可以多多一個地方! PN 其實 d 款都好多架, 不過價錢屬於中上級, 好多都要接近一萬大元架! 但講真佢 d 款靚過出面 d 金舖多多聲! 專門店方面, 旺角新世紀廣場 (近火車站點晴品) 有一間, 紅磡時尚坊地下, 荷里活廣場, 荃錦中心及德福都有!
唉, budget 呢家嘢真係好難 control, 我會咁樣安慰自己, 結婚一生人一次, 樣樣嘢都買靚 d, 做足 d 囉!
我聽講PN係TIFFANY既另一個BRAND~~冇TIFFANY咁貴~~不過都係走高雅路線~~我係旺角新世紀返工~~睇住佢開PN鬼咁開心~~不過佢開幕時~~我己經忍唔住買左另外一對LU~~成11K~~亦都係OUT BUDGET~~算啦~~係WEDDING PARTPART來說~~RINGS係最LONGLASTING既一PART~~OUTBUDGET都值得既~~
回覆刪除[版主回覆03/29/2008 10:55:00]哦....唔講唔知原來 PN 係 Tiffany 另一個 brand ~ 唔怪之得咁貴啦!
嘻嘻, 其實我都覺得結婚介子好重要 ~ 所以呢項 item 係我最肯洗錢嘅一 part ~ 結婚介子, 帶一世架喎!
我估到你買左邊隻!
回覆刪除係咪一行方石架?
我都勁鍾意呀, 不過super super over budget.... 唔買得呢!
又咁岩, 見到百年有一隻, 都係一行方石, 當然個款唔同架啦, 冇PN個隻咁花巧, 最後就係百年買lu.
百年個隻都out左少少架, 不過都係幾百者, 就有佢囉.
我冇你set到呢個budget呀, 我係希望5千蚊內架咋!
[版主回覆03/29/2008 10:57:00]um.....我唔記得係咪方石, 不過佢好似一個 "=" 符號咁, 有一粒主石喺中間, 兩邊有碎石伴住, 我見到呢款都有好多人鐘意! 係就係花巧 d, 但我就係鐘意佢花巧, 因為結婚介子 d 款實在太普通啦! 我有興趣想睇睇你對介子, 有冇相睇先?
我對婚介呀! http://hk.myblog.yahoo.com/cwlingb/article?mid=895
回覆刪除咁我諗唔係我之前睇中個對PN介指啦, 我睇中個對, 就係第1張相個對呢! http://hk.myblog.yahoo.com/cwlingb/article?mid=630
[版主回覆03/30/2008 23:44:00]我睇咗你對婚介啦, ChaCha (唔好介意我咁叫佢) 帶得幾好睇, 不過我唔係買咗你 blog 入面嗰對~ 我嗰對男同女裝其實有少少分別, 男裝只得一粒石, 女裝有主石 + 碎石, 男朋友都講得啱嘅, 如果買 d 太 plain 嘅款, 其實等於喺旺角 / 街邊買嚟玩玩吓嗰 d 冇分別, 所以佢堅持買隻有鑽石嘅比自己帶喎~
嘩...好貴呀!你咁快買左結婚介子啦!好想睇下你對介子呀!我都未買呀!睇過周生生唔係好岩,我預算都係5-6千度,男友又話要石,而且細唔要,真係激死。
回覆刪除[版主回覆04/13/2008 14:54:00]係啦, 我原本都預咗$7-8000去買結婚介子咋, 不過喺 PN 睇完之後又真係睇唔上其他嗰 d, 況且我男朋友隻手大, 好難帶得靚, 咁啱 PN 呢隻佢真係帶得靚喎, 所以咪決定買囉!
如果你男友想要石, 而且要大粒 d 石的話, 其實你預真係要過萬架! 我男友同你男友一樣, 佢唔想買 d 普通款, 因為咁樣好似普通喺旺角買嗰 d 咁, 冇乜特別喎, 所以佢都鐘意 PN 呢款!
最衰要5月先有得攞呀, 我都好想快d攞對介子......
要快手買啦, 金價好有可能今年升穿一萬蚊呀....
0的金咁貴都唔知點買,有日見到成萬蚊睇到眼都突埋。pn真係好靚,不好超出budget。
回覆刪除[版主回覆04/13/2008 23:49:00]係啦，d 金真係超貴，買都買唔落手！係呀，我今日又經過 PN，傻吓傻吓又走去睇介子，佢哋真係好多款，不過真係貴少少囉！聽人講原來 PN 係 Tiffany 其中一條 line 喎！
講開金，我今日經過 pinkbox，見到佢哋都有金賣，有一對鈪，每隻 $3,xxx，咁一對都係 $6-7,000啫，不過唔係龍鳳花紋，係其他花，不過我覺得冇所謂囉，帶咗上手都睇唔清楚，當日有邊個咁認真去睇啫！如果係 $6-7,000，咁又買得過喎，不過當然冇人哋嗰 d 咁粗啦！
我今日比老公睇wan ling post出黎既pn介子,佢話靚,鬼唔知咩,咁貴,ovre budget麻。如果6-7千唔係龍鳳就唔抵啦!上次金價8800,一對手指咁粗既龍鳳鈪都係9千幾,仲未平比我,又識人,而且老人家鍾意0的龍鳳麻。
回覆刪除[版主回覆04/14/2008 01:30:00]其實都真係架，好多人都覺得 PN 嘅介子好靚，不過嚴重 over budget 囉！如果你哋唔睇 PN 會揀咩牌子呀？定去大行金舖睇？
至於金價，我媽咪成日都話打算下年先買，但我又驚下年金價真係會過萬，我諗住睇吓奧運嗰段時間會唔會回落返 d 先，如果 $8,000 頭我都覺得 ok！
大行都睇唔岩,我可能去0的細行睇下啦!
回覆刪除[版主回覆04/14/2008 10:36:00]細行可能冇咩款喎, 尤其是你老公想要有粒石......因為我當初去搵嗰陣, 都冇咩公司有好多款 (我指男裝要石), 唯一真係 PN 有好多呢類款 (expo 嗰陣, 門市 d 款唔齊架), 或者你試吓同你老公講吓, 叫佢將就吓......哈, 一係提高 budget
個budget係我定架!0的錢都係晒我度,哈哈...有間細行都有人買過,不過我遲遲都未去睇,因為地方唔就腳,所以諗住遲0的先去睇。嗰度又平0的石又大。
回覆刪除[版主回覆04/15/2008 10:51:00]hehe, 我都係喎, d 錢喺晒我戶口架......budget 都係由我定架! 我諗好多男人都唔知市價, 所以都係由女仔定 budget 穩陣 d 啦!
既然你有 d shop 想去, 不妨去睇吓婚介啦! 如果遇著有 d 特別款式, 加上你又年尾結婚, 有時訂一對介子都要 5 個月架, 所以預鬆少少時間好 d! 我嗰對都要 1.5 個月先有得攞呀!
係呀,0的男人都唔知出面0的野既價錢,又唔知貴。
回覆刪除咁我得閒要去睇下介子啦!
[版主回覆04/15/2008 12:21:00]祝你成功搵到一款啱心水嘅介子! 帶一世架, 小心選擇呀....
一定啦!
回覆刪除我想問下刻名係刻２個人既名定男既刻女仔，女既刻男仔名呀？我個sales話男介刻女名,女介刻男名,你呢?
回覆刪除[版主回覆04/21/2008 10:26:00]我哋只會男介刻女仔名, 女介刻男仔名咋, 之後再刻埋結婚日期囉, 又或者你可以放棄結婚日期, 咁兩隻介子都可以同時刻晒兩個人嘅名, 始終介子空位有限, 唔可以刻太多字上去呀!
我問左老公佢話刻對方名+bd日期。我地刻中文名呀!
回覆刪除[版主回覆04/22/2008 10:23:00]係呀, 一般都係咁刻咋...
不過你刻中文名又幾特別喎, 如果六福肯接你 order 刻中文名, 即係代表佢哋技術上做到啦, 咁又幾勁喎....介子細細都可以刻到中文名 ~ 勁!
我地平時都係叫中文名,都唔叫英文名,個sales話中文都得,佢都比左人地嗰0的我地睇過(仲要係個雄字,唔洗用放大鏡都清潔),都幾好,所以咪刻中文囉!佢地話用電腦刻字架!仲要一星期就有。
回覆刪除[版主回覆04/23/2008 13:17:00]哈哈, 我都係叫中文名多過英文名架 ~
都幾勁喎, 個 "雄" 字都咁清楚, 效果一定唔錯啦! 期待你隻介子呀....
我都想快0的拿介子呀,不過拿左之後有得睇無得帶。要等到bd先可以帶,但係我諗有時都會偷偷地拿出黎睇下帶下,哈哈
回覆刪除[版主回覆04/24/2008 10:33:00]嘻嘻, 我諗我都會呀....因為真係好鐘意對介子, haha
你09年先big day, why not等下一個expo? 任何discount都差好遠價錢喎. 機刻名係唔係好d?
回覆刪除[版主回覆04/24/2008 21:23:00]因為我怕佢會加價呀! 我有一個網友同我同年同月同日結婚, 佢哋買咗結婚介子之後只係短短三個月, 同款介子已經貴咗 $3,000 ~ 加上金價不斷升, 雖則只係買白金介子, 但都有少少影響, 所以咪買定先囉!
hi~我尋日又係同bf去jor pn 睇band ring~ 覺得佢d 款真係唔錯~比較young!!! 不過都係覺得貴jor d 哦~唉~但又好似你當咁~好似成日掛住隻介子咁!!! 仲未搵到又抵又合心意ge band ring 哦~
回覆刪除[版主回覆06/16/2008 10:48:00]係呀....我上次睇完 PN 都有少少後悔, 因為睇完之後直情愛上咗.....唉, 所以 out budget! 不過 out budget 去買一對自己真正鐘意嘅介子, 總好過用一個平嘅價錢買一對麻麻地 / 一般鐘意嘅介子, 始終係帶一世架嘛....
從妳blog看妳說妳對結婚介指價錢不輕呢!我同男朋友也買了介指,我地現在多一對介指呢!因奶奶買了一對鑽介結婚介指送給我地呢!所以我地之前買個對介指轉了做訂婚介指呢!我同男朋友對介指同奶奶送給我地個對結婚介指在同一間大的珠寶店,奶奶好彩識人,如果不是她送給我地個對鑽介介指要成9千多元一對呢!識人關係便宜少許給我們呢!
回覆刪除[版主回覆07/07/2008 10:36:00]係呀, 朝中有人好辦事 ~ 你奶奶對你哋真好!
我都係係旺角PN買婚戒, 反而之前係EXPO無睇過珠寶攤位 個紫色絨面音樂盒好靚耶~ 我買個時(08年11月)係送黑色首飾盒咋
回覆刪除[版主回覆01/17/2009 10:20:00]係? 其實我比較奸茅...先喺 expo 睇中咗 d 款, 之後因為未睇其他金舖又唔敢落訂住, 決定咗 pn 時再走去旺角比錢買, 諗住可以有返 expo d 優惠, 點知都係冇..... 不過個 sales 就認得我哋..哈!
黑色首飾盒都唔錯吖...我都覺得呢個盒比較大個咗 d~
我都想奸茅架~ 係2008年都去左3次EXPO, 3月, 7月, 11月 去到11月個次都只係BOOK影結紗相, 個時都未知幾時結婚架 見12月去影相就要買定道具, 咁睇岩PN個對, 個SALES又查到可以12月尾起貨, 咁就買左了 到影埋結婚相都未知自己結婚日期, 影完當晚, 攝錄師問我地名字同結婚日期, 我地話: 唔知架! 去到平安夜先知自己有3個日期揀: 09年5月10日, 09年11月21日, 09年12月6日 咁FINAL因為註冊場地而選了11月21日啦 後來去到ESDLIFE先知11月21日係好日子 D野都唔敢等到2,3月EXPO先BOOK, 所以大部分都係今個1月訂了 :)
回覆刪除[版主回覆01/17/2009 12:00:00]哦....原來你都係同我同一日 bd....恭喜晒! 不過真係好旺場, 樣樣都要快手呀!
係啊~ 我地同一天結婚架 我係ESDLIFE HEI & YEE啊~ ^o^
回覆刪除[版主回覆01/17/2009 12:46:00]哦....原來你就係 hei & yee...
pn介指幾好架，我都係訂佢地，仲訂左兩對添呢，你果個音樂盒都1見過呀，好靚呀
回覆刪除[版主回覆05/29/2009 15:27:00]嘩, 訂咗兩對戒指添呀? 係咪一對 for 求婚呢?
請問要訂PN 介子要比幾多成訂?
回覆刪除thanks
[版主回覆07/11/2009 10:31:00]戒子我係 full paid 架!
請問係咪一定要Full Payment? 因為我諗住7月去EXPO訂。
回覆刪除[版主回覆07/11/2009 12:31:00]咁又唔知喎~ 不過我估都要一次過比~ (純粹估估吓, ^^)
thanks
回覆刪除[版主回覆07/13/2009 11:49:00]唔洗客氣~