睇完影婚紗相嘅晚裝, 我都急不及待睇一睇外租晚裝, 今次多好多款, 簡直花多眼亂添呀! 之後諗好咗租一套紅色嘅晚裝 for 席前影相, 斟茶 + 帶金器時著嘅, 不過法國婚紗紅色嘅晚裝唔多, 我只搵到呢 3 件自己比較鐘意.... 由於佢紅色晚裝選擇比較少, 不如唔好搵紅色晚裝, 唔理帶金器襯唔襯, 搵件自己鐘意就算...好唔好呢?
頭兩件係我自己比較鐘意嘅款, 呢件.......幾好吖, 不過唔知佢個裙腳係點, 男朋友唔係咁鐘意呢件 ~
呢條裙下身個設計係我一路以嚟都想搵嘅款, 中間嗰幅圖影到個 model 好似好高咁, 不過考慮到如果斟茶時跪嚟跪去, 著件咁牙渣嘅係咪唔方便呢? 但調返轉頭諗, 席前唔著 "牙渣" 款, 成晚都冇機會著啦喎 ~ 敬酒唔著得, 阻住晒人哋, 行嚟行去又麻煩, 至於送客....我已經有一件心水啦, 係 a-line 款架
男朋友最鐘意呢件, 因為夠 sharp 喎, 講真呢件我都 ok 嘅, 不過都係嗰句, 席前著 a-line, 敬酒因為迫夾問題又著 a-line, 送客又著我件心水 a-line, 咁咪冇機會著 "牙渣" 晚裝囉?
如果最後都揀唔啱, 或者真係唔理件衫襯唔襯到金器, 租件自己最鐘意嘅算數! 好煩呀..........
(個人意見,唔好介意)第1件我就覺得麻麻,好似西班牙0的裙,唔夠"牙渣",而且你係席前會唔會著褂呢,如果會就唔好再揀紅色啦!影黎影去都係紅色。第2件下半身好靚,好似公主呀!可以考慮下,第3件如果你男朋友鍾意都可以考慮送客或敬酒者,又方面又sharp。
回覆刪除[版主回覆03/22/2008 20:05:00]傻啦, 我邊會介意, 我就係想你哋比意見我...
其實席前我唔會再著褂架啦, 因為人哋話裙褂只可以著一次, 除咗之後唔可以再著, 有返頭嫁嘅意思, 所以 d 前輩通常都建議租多件大紅嘅晚裝, 可以當褂著, 故此我先想租件紅色咋...
其實我都諗緊第二件, 因為有我鐘意嘅下身款, 不過我驚斟茶時跪嚟跪去好唔方便咋!
我聽過褂唔好著第2次,不過依家好多人都無咩所謂,我都係酒樓著多次。如果你唔著,咁著件紅色都ok,襯金都幾好睇。第2件如果要跪低都有0的唔方便架!不過要靚唔緊要啦!
回覆刪除[版主回覆03/22/2008 21:10:00]係呀, 我應該唔會著兩次褂架啦! 你都講得啱, 如果真係靚, 話知佢方唔方便, 鬼叫嗰日我大晒咩, 哈!
係呀,要靚就要附出代價架啦!哈哈
回覆刪除我喜歡你既第一件.
回覆刪除敬酒著呢件,無人夠你搶!
[版主回覆03/23/2008 01:32:00]我唔係打算敬酒著架, 我打算席前著一件大紅嘅 eg, 可以帶金器嘛, 敬酒可能著紫色 eg, 送客再有另一件 dream eg, haha! 所以既然席前先著, 唯一一個機會可以著 "牙渣" eg, 我都諗緊點好!