哈哈哈! 我終於開竅啦! 終於知道自己想喺結婚嗰日著件咩款嘅婚紗啦! 其實之前已經見過呢張相, 不過嗰陣只係覺得好靚, 冇諗過用嗰張相做指標搵自己嘅嫁衣 ~ 不過最近攞返張相出嚟睇, 越睇越鐘意, 加上我己經睇過第一輪嘅租衫舖頭, 更加覺得自己完完全全要搵嘅就係呢件 ~ 我仲打算下次出去租衫時帶埋呢張相, 叫個 Sales 搵呢類婚紗比我添呀!
燈 ~ 燈 ~ 燈 ~ 凳 ~ ~ ~就係呢張啦........
最攞命嘅係我連個頭紗嘅款式, 長度都鐘意, 我想 exactly 著上呢件婚紗, 不過個拖尾最好可以長多少少, 再加埋對手套, 咁就 perfect 啦! 簡單得嚟又唔係太搶, 真係好靚!!!
我諗.....市面都應該好多呢 d 款啩? 就咁睇, 我覺得呢件婚紗係可以落綱紗, 亦可以唔落嗰 d, 咁我緊係揀唔落啦.....靚咁多!!! 唔知呢款算唔算 A-line 呢? 如果唔算, 咁可以得出嘅結果係我唔著 A-line 而要著呢 d...... 嘩! 真係好靚!
其實呢張相係 Charmant Wedding 嘅宣傳相嚟架, 我諗佢間公司一定有呢款婚紗出租, 不過呢間嘢喺中環, 而且佢個 package 超貴, 千幾 2 千蚊先租到一件婚紗, 好貴啫, 我喺第二 d 公司搵件差唔多款就 ok 啦! 好, 一於向呢個款出發! 今個星期先去咗婚紗展 book 咗緣美傳說先, 之後就開始約化妝師試妝, book 完化妝師先開始租衫! 好期待呢 ~~~
講開化妝師, 唉! 我都唔知點先為之係好, 通常係咪唔會一試就 ok 架? 係咪要試起碼兩個化妝師先比較到佢哋嘅手勢架? 最衰又要人試完妝即時 confirm package 先可以扣返試妝費, 都唔比人考慮.....不過我諗我 d 試妝費都唔慳得架啦!
呢件靚喎,,o岩晒我地d "高人",,既然你自己有左心目中個款,,你就真係索性去d 租衫地方問佢地有冇啦!! 不過我覺得呢d 款如果加鋼紗會怪怪的,,所以唔加好,,
回覆刪除嘩,,如果租都要2千,,不如搵人做啦!!
最緊要你搵佢試左第一個妝+set 頭,,而你覺得靚咪ok 囉,,你預個budget 囉,,而家$300-400試一個ok or not??最多試幾個好了,,,你到時試既時候搵埋d 姊妹幫你睇啦! 有d 意見比下你,,好過你一個人去決定,,,我個陣睇d 結婚書見到d 頭set 得好靚,,我都有剪底,,比個化妝師睇,,叫佢跟住整架!!
[版主回覆03/10/2008 10:48:00]係呀, 我都覺得呢件好靚, 所以結婚當日一定要著!
試妝方面, 我諗我起碼會試兩個先, 不過我 d 姊妹唔係好識化妝, 我打算搵我男朋友陪我去, 比意見我咋! 如果試妝費, 我諗 under $350 我絕對可以接受! 我宜家都開始留意有冇 d 髮型自己好鐘意, 然後剪低, 到時叫個 mua 整囉! 不過我男朋友話鐘意我放 d 頭髮落嚟, 唔好束起晒喎 ~
真係幾靚喎!你上次咪問我元朗有邊間租衫好既,有間叫雅麗10套，價錢$3988，包哂首飾及手套/披肩,拖尾要加幾百蚊架,不過依家加左價。你可以去睇睇。
回覆刪除[版主回覆03/10/2008 10:50:00]元朗雅麗......上次我都有去過呢間睇衫呀, 不過佢哋實在太多客啦, 入到去都冇人得閒理我, 我攞咗張單張就走咗 lu! 佢哋的確幾多衫嘅, 不過因為冇相睇, 就咁逐件逐件睇又好麻煩! 後來上 esdlife, 發覺原來好多元朗準新娘都租呢間架, 所以應該係好嘢嚟架!
係呀,我都係係blog度見到有人租,所以話你知囉!
回覆刪除[版主回覆03/10/2008 14:38:00]anyway, 都要唔該你!
多數著褂都紮起佢架喎!! 而且set 頭可以有幾款襯番d 晚裝!! 咁你鍾意放落黎定紮起佢呢??
回覆刪除[版主回覆03/10/2008 14:39:00]其實我放唔放頭髮落嚟都冇咩所謂, 真係要 set 咗頭先知! 不過我塊面有少少 baby fat, 可能放落嚟會遮一遮, 靚 d , hehe
著褂就冇辦法啦! 一定要紮起, 不過人一世物一世, 梗係紮同唔紮都試吓啦! 啱唔啱先? haha
唔洗客氣
回覆刪除我都好鐘意呢件，最後你找到近似的嗎?大家share下麻~
回覆刪除[版主回覆05/25/2008 17:03:00]尚未呀....因為我都未洗咁快試衫! 但係呢類婚紗係我嘅 target 囉! 嘻