join 咗法國婚紗之後, 我宜家就可以隨時隨地上網睇衫, 影婚紗相嗰度, 我係有 2 個婚紗造型, 一個晚裝造型, 晚裝造型嗰度只有 50 套晚裝揀一套, 起初好驚, 因為 50 款裡面我睇到第 37 款先再始有興趣, 仲以為 50 件裡面冇一件我會睇得上眼添.....宜家先 show 一 show 出嚟, 不過我未有咁快可以試衫住, 約咗........9月5日先試
其實我最鐘意呢件, 不過有少少帶粉紅色, 好似唔係咁好意頭 (因為通常二奶先著粉紅色)
之後呢件其實都 ok 鐘意, 因為..................佢係紫色, 但個款一般啦
之後就係呢件, 幾靚, 不過我覺得影婚紗相租件 "牙渣" 少少嘅都冇所謂啦
以下嗰兩件都 ok 鐘意
呢件近睇好似一般, 但嗰幅細圖好似幾靚....
呢件都係 a-line 款, 不過 pat pat 嗰度好似有個豬尾咁...
呢幾件都係一般鐘意, 不過 post 一 post 出嚟睇睇, 租嘅可能性唔大
p.s. d 相我係法國婚紗度 copy 出嚟, 唔知有冇犯法呢???
其實著粉紅色都無咩所謂既,只要鍾意就得啦!(2722)粉紅色都ok,(2721)紫色個款普通,(2733)金色幾高貴,(2752)遠睇都幾靚,好似公主,都幾特別,跟住嗰件a-line款就麻麻。之後嗰幾件就普通啦!依家睇相可能好靚,又或者普通,要到你試上身襯唔襯你先知架,到時試真0的呀。
回覆刪除[版主回覆03/22/2008 20:08:00]哈哈, 我發覺我同你嘅 taste 都幾相似....
今朝同男朋友仔細睇多次, 我諗我會租 2752 囉, 因為呢件真係幾似公主, 不過始終學你咁講, 要試真 d 先!!
到時試完話我知呀!
回覆刪除[版主回覆03/22/2008 21:11:00]得! 冇問題, 一定唔會少咗你嗰份!
個人喜歡2733個件
回覆刪除[版主回覆03/23/2008 01:33:00]2733 我本身都好鐘意, 但男朋友話個腰位好似好緊咁, 驚著出嚟唔靚喎, 我諗要試上身先知!
我已經拍完FB婚照...同埋..拍左3輯了...我發覺...晚裝如果深色會好一點...我係ML.是用淺紫....效果不太好 如果你選法黃...金...個D......拍出黎會同婚紗冇咩分別咁 如果可以的話....搵隻深色既衫最好^^ (我SUGGESTION)
回覆刪除[版主回覆04/06/2008 13:48:00]好開心呀, 有個過來人比意見我! 衷心感激你!
係呢, 點解影咗3輯咁多嘅? 佢哋影得唔好?
你都講得好道理, 反正晚裝款來來去去都係淺色為主, 著返 d 深色應該會搶 d ~ 不過我都諗定大婚當日一定會著 d 深色晚裝 (婚紗除外), 咁樣好似特別 d 嘛!
我覺得p2721同FP2793靚，其他都....我都有試過p2721(我都係法國影呀，你幾時影?係咪法國影呀?)，但我著得好肥，所以冇揀呀
回覆刪除[版主回覆05/01/2008 13:44:00]係咩? 原來你都喺法國影相.....我未有咁快, 今年10月先影