敬酒晚裝初選 @ 法國婚紗

嚟到另外一件同樣會影好多相嘅敬酒晚裝啦。

其實四大長老都冇規定我要著咩顏色晚裝敬酒，本來我都屬意金色或者紅色，貪佢襯金器時夠突出。但係之前影 pre-wedding 時，試過好多顏色嘅晚裝，大部份試衫姐姐都話我膚色夠白，著紅色會好睇過著金色，既然係咁，我就聽佢哋嘅意見，決定著紅色晚裝敬酒啦，而且辦囍事嘛，紅一次又點話呢！

紅色晚裝，其實我都有四件心水，我嘅宗旨係一定要 a-line，最好冇拖尾（淨係敬酒晚裝先捨得放棄拖尾），因為敬酒時要通場飛，唔想比人踩爛條裙尾！而且驚個綱紗 "牙" 住其他人之餘，亦唔想到時被夾咗喺櫈與櫈之間，要伴娘全晚幫我抆返個裙尾出嚟，哇哈哈...

第一件：

簡直係對自己嘅身材一大挑戰，deep V！！！完全唔知點算！

第二件：

哈哈，好有跳西班牙舞 feel，come on baby，要唔要鬥返場牛？

第三件：

呢件係上次 expo 新款，見佢 d 質地好似幾好，又幾飄逸，敬酒都唔錯！

第四件：

呢件亦係我之前心水嘅一件，本來諗住如果睇唔啱其他的話就會 confirm 呢件啦！貪佢有 d pattern，冇上面嗰件咁 plain，好睇 d 嘛！不過...... 又係 tube dress，好似冇乜變化。