呢本相簿係我收到所有婚照相簿中最鐘意嘅一本，排版好靚，連一向奄尖嘅男朋友都覺得靚，一味喺度話自己當時冇揀錯喎 -_-"
宜家就放幾頁出嚟比大家睇，其他嘅就要保持神秘，等大婚當天先睇實物啦！
P.S. 鏡頭有好多塵都唔發覺，所以影出嚟 d 相會有少少一點點，請見諒！
左邊嗰張有少少失敗，因為嗰張相 cut 咗少少，本身可以睇埋隻豬腳架！
男朋友一定好開心啦，因為佢鐘意嗰張（右邊）放大咗呀！
我自己就好鐘意右邊嗰張！
師父又幫我 tune 咗另一隻色，又有另一番感覺，最正係右邊嗰幅油畫相又被放大咗呀，排版師父真係知我心意，呵呵！
好多公仔嘅一版，嘻！
唔知排版師父係咪我肚裡面條蟲呢？另一張我好鐘意嘅又放大咗呀！！！
師父仲幫我 tune 咗紫色，超超超鐘意！而且呢兩張相都好正呀（流口水中...）
睇住咁多好啦，之後我會 post d softcopy 出嚟，咁大家都唔洗睇得咁辛苦啦！^^
法國婚紗水晶相簿...... 一個字，讚！
今次個排版真係幾好, 幾有味道 (浪漫版) ~~
回覆刪除妳而家有三本相薄, 有三個唔同風格~~~ 呢個安排唔錯呀~~~
[版主回覆03/05/2009 11:57:00]係呀，今次個排版靚好多，而且個質地係同其他相簿唔同，我諗呢個就係呢本相簿嘅賣點啦！但係我唔識得點形容個質地...
真係好靚呀....靚過佢俾我睇既sample呀...我之前就係睇左佢既sample先唔揀呢隻design相簿呀...原來都幾靚呀.....我只係揀左普通一頁頁個隻...因為我想d相可以大張d同清楚d呀...唔知會唔會冇咁靚呢~
回覆刪除[版主回覆03/05/2009 12:42:00]唔洗擔心, 其實各有各好處, 宜家諗諗吓 full page 相簿都唔錯, 可以 show 晒 d 相出嚟, 唔怕睇唔清楚嘛!
見你對上一篇blog o個張簽名布己經覺得佢地做得好有美感.
回覆刪除今次見埋個相簿排版真係冇話可說! 整體個feel好好, 望落去好c服, 冇怪異. 而最重要一點係, 佢排得d相好好, 應大o個d大, 我尤其仲意呢2張.......好有feel......
[版主回覆03/05/2009 12:59:00]係啦, 或者因為咁歐陽先決定要呢本相簿!
所以我懷疑排版師父係咪我肚入面條蟲, 好似完全知道我想點排咁!
輯相好令wor!! ^0^
回覆刪除[版主回覆03/05/2009 12:59:00]冇錯呀, 我自己都好鐘意!
法國婚紗... 真係唔需要擔心呢!
回覆刪除[版主回覆03/05/2009 14:20:00]haha, 你幫法國婚紗做廣告口號???
個排版真係好靚呀..同埋d 相都好正呀..
回覆刪除[版主回覆03/05/2009 14:20:00]係呀, 今次真係一 d 都冇令我失望呀!
本相簿真係好靚喎~ o個時我o向蒙娜麗莎我都係要左水晶相簿架 kaka, o個晚晚拎左黎係咁睇添呀 kaka
回覆刪除[版主回覆03/05/2009 14:21:00]^^, 新娘子通病啦.....相簿係真係一樣好美麗嘅嘢, 會睇完又睇架!
D相好 靚呀
回覆刪除[版主回覆03/05/2009 14:21:00]多謝! 遲 d 再會 post 多 d 出嚟添!
真係好靚呀....排版都好好添！
回覆刪除[版主回覆03/05/2009 14:22:00]^^, 多謝! 你 d 相都一定唔會輸蝕! 咁你會考慮呢本相簿嘛?
第1張同尾2 o個張都好靚呀!!! 我唔係好識點睇排板靚定唔靚! 覺得順眼就ok! 你o個d都好靚呀排得! 因為師傅都覺得你鐘意o個d靚^^
回覆刪除[版主回覆03/05/2009 15:43:00]多謝呀, 其實我都唔係好識睇排得靚定唔靚, 不過同你嘅宗旨一樣, 只要順眼, 唔好太多留白就 OK!
排得好靚, 攪到我都想整返本添~ 但有d相係咪會出現2次架? 呢2張係1樣的嗎? 左面 右面
回覆刪除[版主回覆03/05/2009 15:49:00]冇錯呀, 我收相嗰晚好無聊地數過, 呢本相簿入面有大約 5x 張相, 我發覺有幾張係重覆咗嘅, 不過就唔會太覺眼, 因為例如之前嗰版做咗細張, 下一版重覆的話會做返大相, 又或者會裁剪過先重覆 (見下圖)
(左邊黑白嗰張)
右邊
真係排得好靚wo...等我都學下你既排版...台灣個d排版始終都係差d...
回覆刪除[版主回覆03/05/2009 15:45:00]係呀, 你快 D 搞掂你個排版添呀, 下次出嚟要有嘢比我哋睇架!
排版係咪師父佢自己決定點排架?! 其實我都book左4月尾影，有點緊張呀!! 好驚影得唔靚，妳係邊個攝影師? 影得好靚靚啊!!!
回覆刪除[版主回覆03/06/2009 10:30:00]冇錯呀, 個排版係冇得自己揀, 不過你可以睇吓個 sample, 離唔開都係嗰 d 字, 嗰 d 款, 不過個排版師父揀 d 相都 ok, 我見另一個 blog 友嗰本排出嚟好浪漫架!
FB d cam man 係有 d 好有 d 唔好, 我嗰個叫阿 june, 而最 hit 嘅有 dicky, frankie, 其次就係我呢個阿 june 囉!
真係好靚呀^^
回覆刪除[版主回覆03/06/2009 10:33:00]多謝 ^^
好靚呀. 咁好個師夫知道你的心意.
回覆刪除[版主回覆03/06/2009 10:34:00]haha, 我都出乎意料之外!
d相好靚呀...
回覆刪除[版主回覆03/06/2009 10:34:00]Thanks!
so sweet
回覆刪除[版主回覆03/06/2009 10:38:00]多謝呀, 你喺美國生活好嘛?
真係見好多jm 影fb 出黎都唔差架 , 而且講真 , 佢嘅wg/eg 都有好多選擇.........
回覆刪除[版主回覆03/06/2009 16:36:00]係呀, 我見人哋嗰 d 都唔會太差, 應該係話差極有個譜~
唔錯啦，不過日日做自閉主婦，冇得出去見識……嗚嗚……
回覆刪除[版主回覆03/07/2009 10:13:00]咁應該要多 d 出去見識, 識多 d 人, 咁會開朗 d, 開心 d!
d排版好靚呀!
回覆刪除阿嫂你呢兩張都好鬼誘惑呢!
美腿誘惑
[版主回覆03/07/2009 10:13:00]哈哈, 第一張我都覺得有點兒........
長腿???? 豬腿就有份!
法國既排版真係好好,有特色
回覆刪除而且就係最好就係將你鐘意個d既相放大同埋做d特別效果..
其實諗下諗下
第一輯緣美個輯純玩性質...
第二輯美麗佳人就外景
第三輯就法國就影樓
愈影愈好,哈哈,你同歐陽已經好專業啦.....
咁幾影影輯海外版丫...呵~我實支持你去影架...
[版主回覆03/07/2009 10:15:00]嘩, 又有魔鬼出現啦~~~~ 海外??? 都係等遲 d 先再作打算啦, 如果有錢, 我諗我會儲入去 bb 基金多 d, 因為都幾想生返個 bb!
係呀, 上星期有朋友上去屋企睇晒我 3 輯相, 佢哋都講得出 3 種嘅感覺....咁證明....應該唔會浪費咗我呢 4 萬幾蚊啩???
FB D 水晶相簿真係好靚呀~d 排版真係好得~得過出面好多間~抵佢咁貴既~
回覆刪除你d 相排得真係好靚~真係好正呀!!!
[版主回覆03/07/2009 10:16:00]唔洗咁羡慕啦.....你係 frankie 幫你影, 都唔會差得去邊, 睇過你偷影返嚟嘅相, 咪又係引死我....嘻~
法國o既排版果然好正，真係有諗過先排，抵讚！ 睇落都覺得排得幾自然。同埋相比之下，法國個妝又真係靚 D喎....
回覆刪除我都收o左澳門的相喇，但應該都唔得閒 post 出來，我覺得OK啦，算係物有所值(即係... 唔算係物超所值... 哈哈哈！)
[版主回覆03/10/2009 10:49:00]係呀, 我都覺得算係排得唔錯!
嘩, 你收咗澳門 d 相啦? 最衰你唔得閒 post 上 blog 啦~ 我想睇湯盈盈呀!!! ^^
咁你法國嗰 d 係咪都收埋啦? 咦.......下次 gathering 會拎出嚟嘛?
好靚呀...真係唔會同人地果D一模一樣各有特色~
回覆刪除黎本相簿真係貴D都值得架!!
睇極都唔"嚴"wakakaka.....
[版主回覆03/10/2009 10:50:00]你講得好啱, 因為我前前後後都拎咗 4-5 次出嚟翻睇又翻睇, 有時都覺得自己痴痴地線!
好靚呀!
回覆刪除[版主回覆03/13/2009 10:18:00]多謝, ^^
我想看看個cover, 一定都好靚了
回覆刪除[版主回覆03/16/2009 14:13:00]如果你想睇 cover, 你可以去前一個 post, 有埋相啦!
嘩...咁你算排得好啦 佢真係排得好差 幾張相唔同景都癡埋一齊, 真係有參切!!
回覆刪除[版主回覆04/06/2009 10:24:00]係? 咁我諗我都算好彩啦! 你個朋友都唔好唔開心啦, 好在佢有得收到實物前睇吓排版, 否則收到相簿仲嘔血!
我是路過的, 介唔介意問你少少嘢, 你有冇畀錢睇佢執相之後o既效果??係咪要1000鈫, 佢而家只係免費畀我睇兩張, 謝謝你解答下我~
回覆刪除[版主回覆06/06/2009 11:34:00]呢層又唔知喎, 因為我揀相時 sales 冇提過呢樣嘢呀!
hi!我都揀咗呢本相簿,我都唔明点解佢會揀,不過其實我都唔識睇排板靘唔靚,但佢叫我2個月多度叫我去睇佢整到点先起貨喎!
回覆刪除[版主回覆07/07/2009 15:17:00]咁都幾好喎, 我初時都有得睇排版添! 其實唔需要刻意留意佢個排版, 只要合你啱緣, 合心水就得!
好令呀~ 我想問你影左幾多錢呀?我諗住要佢package包個d就算~$10000下夠唔夠影呢?
回覆刪除[版主回覆05/16/2011 15:49:00]我成輯相連埋 upgrade coupon, upgrade 晚裝, 加相等等, 用咗 $13,510!
如果你諗住只係要佢 package 包嗰D, 咁你唔洗限住限住啦, 你個 package 包咩咪有咩囉, 你 join 個 $10,000 以下嘅 package, 揀相時企硬乜都唔加, 咁就可以 within budget 架啦!
如果唔想出海,,佢多唔多園林景呢,,,?聽講宜家冇左水池同天使月亮,,,, 變左好似冇咩景好影,,,,,係呀!~我只想要佢package入面d野唔知佢會唔會黑面呢~ 我見有d有帶頭紗~有d就冇~係咪可以自己選擇帶唔帶?
回覆刪除[版主回覆05/17/2011 11:14:00]其實你係自己JOIN定訂酒席時送coupon? 如果你唔出海, 你都有園林景嘅! 如果你係特別鐘意園林景, 你可以同 photop 講聲, 等佢幫你大部份時間影園林! 不過我太耐冇再留意佢哋嘅消息啦, 都唔肯定係咪冇咗水池同天使... 冇咗水池可惜D, 天使... 我覺得冇咩所謂, 太唔現實啦.... hahaha
係架, 你可以同佢要求帶定唔帶頭紗, 你化妝/換衫時同個 staff 講聲就得架啦!
唔係coupon~就咁join佢個package~我見佢個網站有5~6xxx的 package,,or加多幾張相就算~佢好似唔包uv...?其實需唔需要呢?
回覆刪除[版主回覆05/17/2011 14:46:00]你小心D喎, 就算你揀好 package 去門市 join, 佢都可能會 sell 你 upgrade 呢樣嗰樣, 所以你記得堅守自己嘅 budget 呀! 要幾多張相就視乎你啦, 現階段你只係 join package, 可以唔洗諗 d 太多數量嘅 package, 因為到你揀相時, 佢一定會再 sell 你買 file. 到時先同佢搏過都未遲, 不過當然啦, 如果你牙力夠好, join package 時已經可以說服佢送多 d files 比你, 咁就最 perfect 啦!
至於做唔做 UV, 個人嚟講我比較贊成做, 因為油畫呀, 相架呀, 嗰D都會擺喺屋企, 有時都怕太陽晒到幅油畫甩色, 所以我D相全部做晒 UV coating 架, 如果你都係會擺喺屋企, 好似做咗好D!
我想去婚展join呀~多野d ma~覺得係婚展join好d,,,
回覆刪除[版主回覆05/19/2011 18:12:00]係架, 喺 expo join 點都會比門市 join 抵 D
我太多問題問喇~真係唔好意恩~^^ 想問下mtr九龍塘 可唔可以直接去到fb 呢,,,
回覆刪除[版主回覆05/20/2011 11:08:00]唔緊要, 你問啦, 我識答都會答你, 唔洗怕喎, ^^ 我之前新手一名咪又係周圍問 bloggers~
係呀, 九龍塘MTR上咗地面後可以直接行去FB, 幾分鐘腳程架咋, 唔遠!
係咪九龍塘站有寫住 窩打老道個出口就係la~?如果有地圖就好了~^^" 到時問下人點行~因為好少去個邊~失禮~
回覆刪除[版主回覆05/20/2011 16:19:00]
我都唔係太記得邊個出口, 好似係 C (?) <-- 只係憑記憶...
不過我記得個出口係有 OK 店架, 嗰個出口就係啦! 上到地面直行去街口轉左, 一直行 (我諗只係行10秒左右) 過晒 D 地產公司就見到好大張 FB 婚紗廣告 (我嗰陣去係 Angelababy), 嗰度就係啦~
我搵到地圖~知道點行了~唔該哂~
回覆刪除[版主回覆05/25/2011 10:55:00]知道就好了, 唔洗客氣, ^^
你用coupon upgrade個陣係咪要睇單>?我見上網有人賣$400
回覆刪除[版主回覆05/26/2011 15:12:00]我估係一DD sales 做法, 我嗰陣真係有睇單, 佢係咪易對下個名我就可以收埋張單, 不過我亦有朋友試過完全冇對單