2009 年 2 月 27 日（星期五）
等咗 4 個月，我終於收到法國婚紗相嘅制成品啦！其實早於 23 日（星期一）佢哋已經打比我男朋友約定送貨時間。咁計落都算準時喎，張單話 24 號起貨，23 號就已經打嚟，good！但係最衰我呢日放工後要去學舞，所以我放學後拿拿聲飛奔去巴士站搭車返屋企，dancing centre d staff 仲問我做咩今日走得咁快，係咪趕住去紅館睇「飛落海」concert，傻啦，我唔係十八廿二啦！
一入門口，就見到呢兩箱嘢啦...... 等到我望穿秋水呢！
我當然好似收到聖誕老人派禮物咁係咁拆呀拆...... 拆呀拆......
先拆咗簽名布先...... 哈，好搞笑...... 包到成支牧童笛咁嘅？
20 x 30，唔算大，不過註冊時用就啱啱好！
左上角就放咗呢張相，個人認為好適合用嚟做簽名布呀（自大中......）
右下角就有我同男朋友嘅英文名及結婚日期
之後就係拆油畫啦......
好靚呀，好鐘意呢個 pose，而且個拖尾婚紗好靚呀，啱晒我呢 d 咁恨著拖尾嘅人！
素顏 Jenny + 油畫（加送《學警狙擊》電視畫面）
6 x 6 細相簿，個封面都係法國婚紗幫我揀。又 OK 喎，男朋友仲話我個樣夠冧添 -_-"
10 x 12 相架...... 擺咗一張我好鐘意嘅相，不過失策咗，因為佢呢個相架後面係冇 stand，即係好似人哋嗰 d 油畫咁，要自己加 d 嘢喺後面掛起佢架！
5 x 7 對相相架，男友好唔鐘意自己個樣，但我覺得 ok 喎，喺我嘅強權主義下強迫佢妥協放入對相相架，哈哈，唔知男朋友會唔會憎我一世呢？
相框係男朋友揀嘅，我其實都係到今日先知佢揀咗呢個框，因為揀相框時我去咗廁所，但係...... 其實我覺得個框麻麻地...... 算啦，一切已成定局，比男友做一次「強權主義」啦 >.<"
10 x 12 散相兩張，宜家越睇越鐘意左邊嗰張，下次返大陸的話一定要買個相架入起佢！
銀包相 4 張，左一同右一係我嘅，中間及打橫嗰張係男朋友嘅。睇嚟佢真係好鐘意我，因為佢揀嗰兩張銀包相一係冇佢個樣，一係得個背面，呵呵呵！
起初我收到 d 銀包相真係比佢嚇一跳！因為見到大大隻字寫住 "France Bridal"，驟眼睇仲以為印咗佢哋個公司名落張相到，當堂冇 mood 放喺銀包...... 好彩，只係幻覺啫！（張相影得冇咁似，我當時拆開時真係好似印咗落去架！）
壓軸出場當然係我嘅「喼神」水晶相簿啦！
打開個盒後，見到有一張保存相簿嘅「溫馨提示」，又真係夠晒細心喎！
封面有 4 張好細嘅相！記得揀相時我想指明用邊 4 張，但係 sales 話冇得揀，任由師父選擇！好在，出嚟嘅相我自己都好鐘意，其中一張仲係我嘅油畫相，另一張又係銀包相添，排版師父真係揀得啱我心意！
留意左上角嗰幅...... 我宜家睇返先知道原來師父幫我同後面 d 草轉咗紫色，好靚呀！
最後當然要嚟個大晒冷啦！雖然 package 所包嘅嘢少過美麗佳人嗰輯，但係我覺得法國呢一輯都唔輸蝕，起碼真係做到我要嘅嘢！而且攝影師阿 June 真係值得一讚，我 print 比佢嘅 sample 佢一一做到，要我大出血當然不成問題啦！^^
其實我想講，我真係好鐘意本大相簿呀！排版排得唔錯（起碼好過上一輯嘅美麗佳人好多好多！），而且個水晶面真係好靚！所以，我決定影幾頁上嚟比大家睇，但係因為相片太多，要等下一篇 blog 啦！
嘩..你真係好出血喎, 咁多野...
回覆刪除我好鐘意你散相訓係到果張..我CDL果輯相, 都係返大陸買相架入起左, $20有2個啦~
[版主回覆03/02/2009 11:39:00]今次都冇上次美麗佳人嗰輯出得咁多血, 但反而呢輯我自己幾鐘意!
我都諗住上大陸物色 d 相架呀, 就係睇咗你個 blog 先知有好嘢!
好野~ 一起身就有野睇 ^O^ 大曬冷耶!!! 簽名布好靚, 個日期又一樣, 好想拎左佢添, WAKAKA 我都想揀大拖尾相, 但我係FB揀個D, 好似都唔係大拖尾, 對2次WG無咩印象添 其實 5 X 7個相框都幾襯張相既FEEL~~~ 我好鍾意紫色草既效果, 喼神水晶相簿實在太華麗啦!!!! 期待下一篇可以睇入面D相.....
回覆刪除[版主回覆03/02/2009 12:26:00]希望今次呢個大晒冷冇令你失望啦!
冇錯, 簽名布好靚, 不過個質地有少少 "扇" 水 feel, 唔知用普通嗰 d 筆簽名會唔會化開呢?
我係好好好鐘意大拖尾嘅人, 所以我著任何一件婚紗都有個拖尾架! 真係超鐘意! 油畫當然走唔出我手指罅啦.....哈!
係呀, 嗰本水晶相簿真係冇得彈, 個質地係 very very good! 唔同一般相簿....我唔識點形容, 或者下次 1121 gathering 時帶出嚟比你哋睇吖!
本大相簿都design得幾好丫~
回覆刪除大油畫真係超得呀，靚靚~~~
[版主回覆03/02/2009 12:53:00]多謝, 我揀相時個 sales 話本相簿係佢哋公司最貴嘅相簿之一, 佢話淨要呢本相簿要 $7xxx 喎, 唔知真定假!
yeah yeah yeah! 油畫相超鐘意, 因為係我本身睇中人哋 d 相 (非由 fb 影), 再 print 出嚟叫 cam man 幫我影, cam man 初時話有 d 難度, 因為 fb 冇呢類背景, 但佢後來唔知喺邊度搵到呢個角度, 影完後再比我睇問我係咪我要嘅嘢, 所以我就特別記得呢張相啦!
大曬冷一D都無失望, 有大大油畫加水晶相簿耶!!! 簽名布用油性筆就應該OK的 我一直都未見過本水晶相簿實物, 係EXPO都見唔到 我估我唔會咁有錢買水晶相簿啦, 主力買FILES算了 希望4月時有機會睇到 ^O^
回覆刪除[版主回覆03/02/2009 13:50:00]哈哈...你咁講我會唔知醜架....
水晶相簿的確冇乜機會見到, 但當你去揀相時就會見到架啦! 嗰本水晶相簿根本都唔係咩有錢人先買得起, 個價話 $7xxx 都唔知係咪老作架啫~
真係好靚WOR,張張油畫都揀得好好呀!!!恭喜你又收到輯咁靚相, 到時一定要SHOW 晒出黎
回覆刪除[版主回覆03/02/2009 13:51:00]冇錯呀, 呢張油畫我自己幾鐘意, 周圍都係樹, 感覺好好~
bd 當日我一定唔會吝嗇嘅~
琴日我揀完相~而家返到黎就見到你D 相真係好心急呢~攪到我~我又要等4個月啦...>_<" 真係有排等...
回覆刪除水間相簿靚呀~仲好貴添...我無要到lu >_<"
[版主回覆03/02/2009 15:21:00]你尋日揀完相啦? 有冇大出血先? 係呀, 等相時真係好辛苦! 所以我選擇唔上 esdlife FB 條 thread, 日日諗住 d 相就覺得時間過得好慢架啦!
睇嚟佢真係好鐘意我，因為佢揀嗰兩張銀包相一係冇佢個樣，一係得個背面，呵呵呵！
回覆刪除wakakakaka~~~ 我都覺得你講得好啱呀！ 佢真係好鐘意你呀！話晒放响銀包常日會比人睇到架嘛！足以表現出佢十分不吝嗇show你依個靚靚老婆比人睇呀！你睇佢幾重視你！
[版主回覆03/02/2009 17:49:00]haha.......或者其實係佢自己覺得自己影相唔好睇, 擺我上枱啫....wakakaka
張油畫真係好靚呀^^同埋我想講﹕真係好多野呀﹗你屋企仲有位擺嗎？哈哈哈哈哈
回覆刪除[版主回覆03/03/2009 10:56:00]多謝! 我都好鐘意張油畫, 簡直深深愛上咗呀...哈
屋企....其實都冇咩位擺, 所有相都已經佔據晒我間屋....-_-"
你好呀,我都係阿Jun影存,我揀咗71張,不過你個offer好似抵我好多wor
回覆刪除[版主回覆03/03/2009 10:57:00]阿 june 影相確係唔錯, 之前佢都已經有人讚架啦! 所以當日知道安排咗阿 june 比我我都好開心!
差唔多咋? 我揀咗 69 張
張對相你男朋友個相真係幾怪~ 但你就好靚~ 你男朋友真係好好呀!!! 好就得你~^^
回覆刪除[版主回覆03/03/2009 11:04:00]哈....嗰張對相宜家睇返都好似怪怪地, 但係揀相嗰一刻覺得冇乜問題喎....^^
有時唔輪到佢唔就我...哈哈...否則佢就會 "知味道"!!!
收相依一下真係令人好振奮!!!會禁係睇呀睇..好開心呢~~
回覆刪除[版主回覆03/03/2009 11:23:00]係呀, 仲開心過中六合彩咁呀~
Jenny, 我影完相返來啦！好開心，一切都很順利，造型也很滿意！見到你d相就勾起我今天的回憶，好有歸屬感，好想繼續影 ！
回覆刪除我太興奮了，講返你果度先，多謝你的分享，替你開心，影得好靚 ，難怪要大出血啦！
[版主回覆03/03/2009 11:24:00]終於影完相啦? 你仲有台灣嗰輯呀, 努力!!!
d 相我自己都好滿意~ 多謝晒!
Jenny ..........你又曬相啦 , 真係好鬼羨慕你拎完一間又一間呀 , 真係引C人啦.........
回覆刪除講真 , 我睇左禁多JM 嘅相 , 真係覺得FB 影得唔差呀.......美麗佳人都好靚呀 , 禁你自己又鐘意邊輯多 ?
[版主回覆03/03/2009 11:25:00]冇啦, 今次係最後一輯啦, 宜家只係差緣美傳說一張油畫未拎咋, 冇得再曬相啦....^^ 下次輪到我睇你 d 相~
我自己最鐘意都係 fb 呢輯, 覺得造型多 d, 景又靚 d!
期待睇下你的相簿.我覺得有公仔的那張最sweet!:)
回覆刪除[版主回覆03/03/2009 11:26:00]係呀, 所以諗都唔諗就晒做銀包相, 諗住放入銀包日對夜對~ ^^
咁多輯我就覺得fb呢輯最靚~~~
回覆刪除[版主回覆03/03/2009 11:26:00]同你同一個感覺啦~ yeah!!!
相比之下, 更覺美麗佳人嗰輯可以再好 d!
回覆刪除你呢個徹夜不眠個樣,我都話我買你一千蚊都你唔會早訓架啦,haha,我有錢食餐好啦,yeah
[版主回覆03/03/2009 11:27:00]呢個樣真係殘到不堪..... 要勤力 d 做返好個樣....^^
講真,如果你咁多輯,我都覺得fb今次影得幾好,同埋整體送既禮物,包裝,排版都係抵,
回覆刪除我終於明白點解咁成為最多香港人幫襯既婚紗公司
咦咦咦...我咁講,唔知fb可唔可優惠下我呢..哇哈哈
[版主回覆03/03/2009 11:28:00]係呢, 我都話 fb 呢輯係最好, 我自己都好鐘意! 又唔洗我拎, 又唔洗我勞氣, 送貨又準時, 所以咁多人幫襯佢都係應該!
講真喎, 如果你要 join, fb & ml 我都可以幫到你架~ join 個 package 去台灣影啦....魔鬼
好多, 好開心呀!!
回覆刪除[版主回覆03/03/2009 11:29:00]講 "量", fb 呢輯都唔叫多, 美麗佳人嗰輯先多呀~
嘩...好多野 wor...婚紗拖尾好靚呢...........GOOD GOOD ！
回覆刪除[版主回覆03/03/2009 11:30:00]係呀, 我當初都係睇中個拖尾先揀呢件, 而且影相時仲叫 cam man 多 d 影個尾....因為我真係愛死拖尾婚紗!!!
素顏 Jenny + 油畫（加送《學警狙擊》電視畫面） 張油畫個size係幾大啊? 我聽日揀想啦, 好緊張, 但係我知影得唔係咁好...... 不過我淨係想要佢張大油畫同本大相薄 其他果d俾file我, 我自己出去搞好啦哈哈!
回覆刪除[版主回覆03/03/2009 11:34:00]油畫 size 係 20x30!
唔好咁啦, 或者你 d 相超出預期咁靚呢? 再唔係就重影, 你一張都唔揀, 咁佢哋要向公司解釋嘛, 到時就會比你重影!
d相好靚呀!!!
回覆刪除呢張油畫揀得好好喎
[版主回覆03/03/2009 11:35:00]哈...多謝! 當初未揀相之前已經諗住呢個 pose 好的話就晒呢張做油畫架啦! 所以當 sales 叫我哋揀油畫時都唔算困難!
又幾好服務bow
回覆刪除[版主回覆03/03/2009 14:12:00]係呀, join 時都唔知原來有得送貨, 而且包 d 禮品時都包得好小心, good ar!
見到D相張張都好SWEET AR. 真係恨死人AR!!
回覆刪除[版主回覆03/03/2009 14:15:00]唔洗 sweet, 到你影嘅時候咪一樣咁恨死我!
最慘係我男友唔係咁冇mood影呢, 而且重影又好waste time...... 所以真係唔靚架話咪揀少d lor, 哈哈
回覆刪除[版主回覆03/03/2009 14:17:00]如果你只係當呢輯係 rehearsal 的話揀少 d 都冇問題, 唔好太擔心啦!
好靚呀...
回覆刪除[版主回覆03/03/2009 15:06:00]多謝呀!
冇架啦, 我地影一輯架咋, 若果monalisa平到1999架話, 我會考慮下呢個road show price.
回覆刪除又或者有朋友們唔要coupon的話, 睇下佢地會唔會俾我, 再影過lor>
[版主回覆03/03/2009 15:24:00]我幫你留意吓睇吓有冇吖~
thx ar!
回覆刪除[版主回覆03/03/2009 16:02:00]唔洗客氣!
啲相好靚呀~ 油畫果張一流!!
回覆刪除[版主回覆03/04/2009 10:22:00]^^, 多謝! 油畫嗰張我都覺得好正!
好靚呀!
回覆刪除[版主回覆03/04/2009 10:22:00]thanks!
係咪因為你用水晶面,我都冇溫馨提示架,咁我都提下男 友平放d相簿先..我依家打楝企咁放.
回覆刪除[版主回覆05/29/2009 15:24:00]唔知呢, 可能因為相簿問題啦, 所以有溫馨提示, 不過我估打平放實冇死啦!
我都係阿jun 影架，佢影得好好呢，唔怪得你出血既
回覆刪除[版主回覆05/29/2009 15:25:00]原來你都係阿 june 影架? 係呀, 所以差 d 流血不止呀! 相信你都應該係啦!