法國婚紗新款 (婚紗) @ Mar Wedding Expo

2009 年 3 月 15 日（星期日）

嘩！喺我人生最後一次留意 France Bridal 婚紗 show 前，終於令我有 d 喜出望外啦！因為其中都有 2-3 件衫我都係有興趣想租架！唔講咁多，先睇 A-line 款，去相～

第一件：

我好鐘意呢件呀，好有驚喜！我覺得後面個紅色蝴蝶結好靚！不過就稍嫌佢上身背心款唔係咁好！睇嚟揀呢件的話，個 nu bra 要出動啦！

第二件：

呢件係第二件我有衝動想試上身，不過同第一件相比，呢件就較為失色少少啦！而且個款同上次二月嗰件差唔多。

A-line 只得兩件，之後就係 bell-shaped 啦！

第三件：

冇乜驚喜，影相就或者 OK 嘅，租出街就冇興趣啦！

（影得差少少，因為呢個 model 行得好 Q 快，好難捕捉佢！！！）

第四件：

呢件我覺得個賣點係腰位嗰個「放射性拉褶」，因為可以令我突然間擁有 22" 小蠻腰，幾得意架！

第五件：

呢件都係影相先會揀啦，冇乜特別！

第六件：

一字膊...... no way，唔啱我，我著咗好橫架！

第七件：

呢件幾得意喎，加咗 d 一層層嘅紗上去！心口位設計得幾靚呀！

第八件：

我就稍嫌呢件 plain 咗少少，不過佢胸口嗰 d detail 位其實現場睇都唔錯！

第九件：

唔鐘意佢下身嗰 pat 紗，太多，太 heavy 啦！

但係後面睇散開咗就 OK 嘅～

第十件：

呢件真係好好好好好好鐘意呀！個 model 一行出嚟，我就覺得好似係城中名媛結婚時，搵名設計師度身訂造嘅婚紗咁，好有嗰 d feel 呀！

而佢最最最 sexy 係...... 前短後長款，個司儀介紹呢條裙時話可以有兩種著法喎！不過我就聽得唔係好清楚係邊兩種著法，因為我嘅視線已經去咗 model 隻腳度啦！嘩，如果我有 42" 長腿，我一定扑鎚租呢件出街！

其實今次批新衫最鐘意都係第一件紅色蝴蝶結，不過你哋覺得白雪雪一件婚紗，無情情加個紅色蝴蝶結上去，有冇怪怪地嘅感覺呀？