2009 年 3 月 15 日（星期日）
睇完婚紗就睇晚裝，其實都冇乜驚喜，只係睇中咗...... 1 件晚裝咁大把！
第一件：
咪就係睇中咗呢件之嘛...... 我覺得用嚟敬酒 OK，但係又好似之前心水嗰件靚 d～ 唔理咁多，到時兩件試晒上身！
第二件：
呢件我覺得幾正架，幾高貴！可惜又係嗰句，粉紅色者，唔揀得！
第三件：
開始留意到原來法國婚紗每次都有紅色、粉紅色、紫色及藍色晚裝！呢件雖然係紫色，但係好似唔多靚喎！點搞先？
第四件：
呢件用嚟襯金器都唔錯，不過 bell-shaped 款唔係咁啱我！
第五件：
又係法國婚紗不可缺少嘅顏色之一，可能因為藍色真係襯佢哋 d 室內景啦，鑊鑊都有藍色晚裝！
其實呢件都 OK，鐘意泡泡款的話我都會揀！
第六件：
哈哈，我睇 show 時個焦點唔係喺條裙度，係喺個 model 個頭飾到！我好想問佢：你搞咩呀？
第七件：
個設計師真係好大膽...... 唔好怪我咁講，我第一眼見到條裙，我心中暗叫：做咩著咗張龍鳳被上身呀？不過鐘意中式 style 嘅朋友，呢件的確係啱心水！
第八件：
對於我嚟講，呢件就係失敗之作！我第一個反應係：我唔想做孔雀！
Designer 哥哥，你想點呀？
********************************************************************
新款就睇晒啦，又係時候自己做吓總結，睇吓邊 d 啱邊 d 唔啱，兩個星期後輪到我去法國婚紗玩 fashion show 啦！
唉, 你都叫做有個決定會租邊間丫, 而家我仲十五十六咁.... ml / fb 一話名婚紗 名婚紗價錢平, ml /bf 有保障
回覆刪除[版主回覆03/16/2009 16:14:00]其實講到價錢, fb 及 ml 都唔係好貴! 好似我咁, $4188 for 6, 好 ok 呀, 拖尾唔洗加錢! 宜家都好似加咗少少價, $4888 for 6??? 唔知係咪呢? 但 ml / fb 真係有保障 d, 但好講啱唔啱心水嘅~
第一件：十個good
回覆刪除[版主回覆03/16/2009 17:47:00]hahaha, 10 個 good 咁高分呀? 不過我心目中又已經有一件紅色, 到時再搵你幫眼~
你睇中個件真係好靚，一於租呢件^^
回覆刪除[版主回覆03/17/2009 11:23:00]真的嗎? (要用國語讀)
但係我心目中嗰件敬酒晚裝都唔差架喎, ^^
下次 post 上嚟比你哋睇吓!
FB呢D EG都無唔夠CDL勁, 今期興中式EG? 第一件紅色應該好襯你 ^O^
回覆刪除[版主回覆03/17/2009 11:23:00]haha~ 今期 d 晚裝真係唔知佢想點!
cdl 我嗰日 miss 咗呀....不過都係冇用, 睇中都唔著得!
紅色aｌｉｎｅ敬酒真係一流呀!!!好高貴呀~~~
回覆刪除第5件~藍色泡泡真係好襯FB 既室內景~靚呀!!!
[版主回覆03/17/2009 11:24:00]係呀, 用 a-line 敬酒冇咁 "牙渣", 所以我都 prefer 著 a-line!
嗰件藍色泡泡我都覺得幾靚呀! 可惜都係影完相先比我遇到佢~
第1件同第4件都好靚~^^ 我鐘意4多d~ 呵呵~~~
回覆刪除[版主回覆03/17/2009 11:25:00]冇錯呀! 第 4 件其實個腰位好靚, 你個 style 絕對係襯呢 d 款!
THANKS! 啲款的確係一般
回覆刪除我估轉款機會唔大, 不過都會睇埋6月果啲先^^
[版主回覆03/17/2009 11:26:00]我宜家都驚自己揀咗會後悔, 好有可能我都會轉款呀! ^^ 有我陪你, 唔洗驚...haha
睇左咁多件...真係得第一件較鐘意...我諗你會著得唔錯添！昨晚我去租衫地方，有一件類似FB第一件的feel，飄逸感重d！
回覆刪除如果揀來敬酒簡直完美！
[版主回覆03/17/2009 11:27:00]係呀, 我都覺得當晚點都要揀件飄逸款, 當日唔扮高貴, 幾時先嚟扮喎, 哈哈!
我仲有另一件心水紅色晚裝架, 你 28 號要幫眼呀!
第一件真係幾正wor. 紅得來好時尚, 個膊位同埋個尾都好靚. 真係用來敬酒好ar!!
回覆刪除[版主回覆03/17/2009 11:27:00]咁多件, 唯一係呢件好 d 啦~ 我都覺得算係時尚, 所以都會考慮架!
第一 件好靚呀~i like it! 其他好似都麻麻地咁bor
回覆刪除[版主回覆03/17/2009 11:28:00]係呀, 所以咪話越嚟越唔係我杯茶, 明明 join 嗰時好多都 ok!
4,888 for 6, u r right! 但係好似今次佢地個show咁丫, 真係一件都睇唔上眼呢.......!
回覆刪除[版主回覆03/17/2009 11:29:00]唉, 我懷疑佢哋換咗個 designer, 唔好話今次, 之前幾次都睇唔上眼! 明明 join 時又好多都鐘意, 仲慌死自己三心兩意咁~ 不過好在佢 d 舊款我有好多心水!
唔知係咪呢排忙得濟，搞到無晒搞結婚o既 mood，睇晒妳2篇 blog 我都揀唔到一條合心水o架，點算好，我租衫間o既仲要無咁多選擇添！下個月要揀衫喇！都唔知點揀好呀！
回覆刪除[版主回覆03/17/2009 12:02:00]唔好比工作影響到自己心情啦! relax d, 長命功夫長命做, 最緊要唔好比咁多壓力自己呀! 知冇?
揀衫嗰度, 其實我都唔係話有好多心水咋~ 又唔想著 d 自己唔鐘意嘅款~ 不過點都要試吓嘅~ 你如果有困難, 不如叫 d 朋友一齊陪你揀, 但係最終你真係鐘意嗰件先好 confirm 喎!
第三件的紫色其實影相出來的色ok,不過現場就不是太好,但我都會試,因為我一定要穿紫色, 哈哈.......不過我同你一樣,4188 for 6,以大公司來說又真係好抵. 後路係唔岩可以退回500訂金.
回覆刪除[版主回覆03/17/2009 12:39:00]呵呵...我同你一樣呀, 我都有一件心水紫色晚裝, 希望著上身冇問題後, 可以成功租佢出街啦!
你就好啦, 有得退回 $500 訂金, 我唔知係咪因為太早 join, 冇呢個 offer 呀!
你地幾時join架, 點解可以4188架. 我對上一次睇都係4888 / 6 bor
回覆刪除[版主回覆03/17/2009 15:03:00]我呀? 冇記錯好似上年 7 月左右啦~ 我記得好似係我最後一水 join 舊價, 之後就加價啦!
你就好啦...
回覆刪除[版主回覆03/17/2009 15:52:00]我覺得 agape.cherry 好 d, 起碼佢試唔啱有得退錢, 我就要硬食 lu! 係呢, 咁你最後有冇 join fb 租衫?
冇啦當然, 仲未決定到啊, 我唸可能都係名婚紗多, 因為我上過esdlife, d人都話名婚紗ok, d衫都新, 但係掛架話, 就真係要上去睇睇先決定到
回覆刪除[版主回覆03/18/2009 10:53:00]唔緊要, 慢慢考慮先 join, 總好過 join 錯公司令自己後悔, 最多早 d hold 衫啫!
褂我都覺得去返上海街度租會好 d, 多 d 選擇嘛, 又唔洗吓吓加錢, 租一套褂要幾舊水, 喺婚紗公司租的話, 要我開多一件 package 多幾舊水之餘, 如果睇中 d 高級少少嘅褂又加幾舊水, 前前後後加咗 d 錢可能仲貴過去繡莊租!
我鐘意第五件呀~~~~不過fb最近呢幾次expo既衫款真係冇以前咁靚呀~
回覆刪除[版主回覆03/18/2009 10:54:00]係呀, 我都覺得第五件幾靚! 係喎, 你都 join 咗 fb 租衫喎, 幾時去試?
我仲未約呀...都唔知應該咩時候去試先好...我又怕早得滯~~其實我暑假去試會唔會太遲呢?
回覆刪除[版主回覆03/18/2009 12:16:00]暑假呀? 會唔會遲咗 d 呀? 你 123 都幾旺架喎~
即係早D揀好D呀??我驚到時揀唔到...揀唔夠6套咁點算呀?
回覆刪除[版主回覆03/18/2009 14:42:00]我就覺得早 d 揀好 d! 睇佢呢個 trend, 應該都冇乜邊件會令我有衝動轉款啦!
冰公主上年 11 月結婚, 佢 5 月先去揀衫都比 sales 話佢遲, 我 book 嗰陣 sales 叫我今年 1 月去揀, 我都係拖到今個月咋~
你另外一件心水紅色敬酒係點架? 因為我都頭痛緊揀邊件做敬酒.
回覆刪除[版主回覆03/20/2009 10:37:00]嗰件係閃閃地, tube dress, 有個小拖尾.....唔知你明唔明呢?
我下個星期會出 post, 到時你可以考慮吓吖~