奇華唐餅咭

2009 年 3 月 15 日（星期日）

今次嘅 wedding expo 真係收穫豐富，因為我已經買埋奇華唐餅咭添啦！

其實我都唔係 d 咩大堆頭，只係買咗 8 張咁大把，因為媽咪唔打算要唐餅，至親都係派兩張西餅咭算數，所以唐餅都係象徵式買少少，用嚟過大禮、換龍鳳餅上頭用等等。

所以上次去婚紗展見奇華有擺 booth 就買埋啦！呀，又幾好喎，我 7:25 左右去到 Hall 2，奇華個 booth 冇人買嘢咁滯，有 3-4 個 counter 都好得閒，見我哋行去好似爭住招呼我哋咁....唔洗 10 分鐘就買完！

哈哈，但係樣衰衰地買漏咗兩張。唔記得預返幾張過大禮當日回比男家，因為未來奶奶話佢哋都要拜祖先，而且男仔上頭都要龍鳳餅，唯有再去買過啦。但係我會選擇等母親節時喺門市買，廢事為咗嗰幾張餅咭又入過去 expo 排餐死。