送客晚裝初選 @ 法國婚紗

送客方面，其實我冇乜特別喜好，a-line 又得，bell-shaped 又得，因為唔洗周圍走，bell-shaped 都冇太大問題。但係自從影完法國婚紗相之後，就愛上咗藍色晚裝，幸好四大長老都唔介意我著藍色，所以我都想 target 返件藍色送客時著。講藍色晚裝前，其實有兩件金色（或者叫淺黃色）晚裝我自己都幾鐘意，不過男朋友又話冇藍色嗰 d 咁好睇，但係我都想到時試一試比較下！

第一件：

其實用嚟送客都唔係差啫？

第二件：

款式同上面嗰件好似，不過上面嗰件就金 d，到時可能就唔突出 lu！

***********************************************************************

藍色晚裝候選名單

第一件：

租呢件嘅機會率好低，因為我同男朋友都覺得側邊嗰兩條繩唔知想點，係咪要變身做甲蟲呢？不過本住試吓唔洗死嘅信念，到時都會試一試上身玩吓。

第二件：

隻色同上面嗰件好似，不過係掛頸款，唔知會唔會拉長咗自己面型呢？不過件衫好飄逸，好靚呀！

第三件：

呢件我覺得有少少中式 style，好修身，葫蘆身形出晒嚟，如果真係 confirm 呢件的話，婚前一定要嚟個地獄式減肥計劃，但係講到尾，男朋友都係覺得呢件唔係十分之好睇！

第四件：

未出現下面嗰件之前，我已經直情 confirm 租呢件出街，因為鐘意佢絲絹質地，望落又高貴又靚，希望著咗喺我身上之後唔會貶低咗條裙嘅感覺啦。

第五件：

呢件就係近排嘅新款，我知道有好多 blog 友仔都有試過著呢件影婚紗相。本來都擔心如果我外租又揀呢件的話，就會變得冇乜驚喜。不過男朋友話唔緊要，最重要係自己著得開心，況且當晚出席嘅賓客應該都冇乜人知道多唔多人著呢個問題，除非嗰位賓客又係搞緊結婚，又係喺法國婚紗影相啦！諗諗吓...... 佢又講得幾啱喎！

我宜家最掙扎就係究竟揀第四件定第五件，雖然都係要試咗上身先知結果......

***********************************************************************

後記

雖然老豆媽咪冇話限制我揀咩顏色晚裝，不過其實我覺得都係問聲好 d，所以尋晚把握最後機會開晒 d 相比佢兩個睇，得出以下結果：

席前晚裝類 --- 老豆激讚黃色 + 黑色嗰件，夠 sharp，媽咪都認同。

敬酒晚裝類 --- 不幸地兩位都冇意見，可能真係冇一件好好好靚。最後我迫佢哋要揀一件，老豆揀咗第三及第四件，媽咪揀咗第二件，而各位 blog 友都好鐘意嘅第一件，被佢兩位 foul 咗 lu，一個話唔係大紅（又話唔介意？好在問一問先），一個話太 deep V，驚我走光（呢個竟然係老豆嘅諗法）！

送客晚裝類 --- 老豆及媽咪均一致揀咗第四件，好高貴喎！到時送客再戴埋金器就襯到絕一絕喎！未睇到第四件前，老豆已經好鐘意第三件，但第四件一出，真係誰與爭峰！