席前晚裝初選 @ 法國婚紗

煩完婚紗，開始煩當晚晚裝啦。可能因為我有比較清晰嘅目標（例如顏色，款式），所以揀晚裝方面我就冇揀婚紗咁頭痛。

先決定席前晚裝。作為一個紫色 fans，當然希望租到一件紫色晚裝啦，不過都明白法國婚紗冇乜紫色晚裝可供選擇，所以如果揀唔到的話，要著其他顏色我都冇問題！以下就係我嘅心水席前晚裝啦：

好抱歉，我只係睇中兩件咁大把...

第一件：

由於男朋友下旨，逢親粉紅色都唔揀得，所以我嘅選擇相對地少咗，不過咁都好，因為粉紅色最容易撞酒樓嘅 backdrop。另外，我一向有個諗法，席前晚裝通常都係影得最多相，所以要搵件 sharp d，爆 d 嘅晚裝先得，所以下面呢件就成為我其中一件心水啦！唔知...... 我著得好唔好睇呢？

第二件：

之前都講過，我有一件心水紫色晚裝，其實就係呢件啦。見佢個款清清地，但係當有燈光打落去時又有 d 閃，好似都唔錯，暫時就當呢件係第一選擇啦！