婚紗初選 @ 法國婚紗

有睇開我嘅 blog 都知道我 join 咗法國婚紗租衫。之前亦都講過要好早去揀衫，否則隨時結婚當日冇新衫、靚衫著。所以我已經約咗星期六去 confirm 款啦！所以就上咗法國婚紗嘅網站睇吓有咩衫啱我啦，今篇先講女人最鐘意嘅 --- 婚紗。

其實我著 bell-shaped／a-line 款都冇所謂，最最最緊要著得我靚就得啦，所以，一字記之曰：「靚」！不過我有一個條件，就係著鋼紗之餘我唔想個鋼紗現晒形，我覺得好唔靚，即係咁：

唔知係件婚紗問題定係個鋼紗嘅問題呢？

之後就重溫一下我之前著過咩款，因為我希望我件嫁衣盡量唔好撞咗之前 d 款，不過...... 唯一唔怕撞（而且係一定要有）就係個大拖尾啦！

緣美傳說（一件）

美麗佳人（兩件）

法國婚紗（兩件）

好，宜家就開始睇吓我喺法國婚紗睇中咗咩款式嘅婚紗啦，其實 d 衫全部都有一個共通點，就係大拖尾！

第一件：

拖尾就夠晒大，又係唔係落鋼紗嘅款式，啱我！不過最衰睇唔清楚上身 d pattern 係點，但 anyway，mark 咗呢件先！

第二件：

又係有大拖尾啦，又係唔洗落鋼紗啦，又係嗰句啦：睇唔清楚！

第三件：

呢件我自己幾鐘意！有好大個拖尾，而且佢唔 plain，有好多 lace 有 details，唯一只係掛頸款！記得我去影婚紗相時有個化妝師話我面型偏長，叫我盡量唔好揀掛頸款，否則只會越拉越長，最好揀返 d tube dress 會啱我多 d！不過如果呢件著上身真係 OK，我會要求收埋嗰條頸帶，扮係 tube dress！

第四件：

呢件...... 唔知點解我會 mark 咗要試呢件...... 應該都只係貪佢個拖尾 only，其餘好似麻麻地～ 是但啦，既然可以任試，試晒法國婚紗全個貨倉 d 婚紗都好吖，哈！

第五件：

呢件係典型嘅蛋糕裙，其實我最終係一定唔會揀呢件，純綷覺得呢件幾有 details，又有拖尾，試上身滿足吓自己！

第六件：

唔洗問阿貴，我 mark 得呢件都係睇中佢個通花大拖尾啦！不過條裙好 plain，not my cup of tea！

第七件：

呢件係比較新款，我覺得真係幾靚喎，但係男朋友就應該過於單調，似係伴娘裙多 d，不過等大家睇埋我最最最鐘意嗰件婚紗先再討論。

第八件：

呢件我覺得幾好睇，因為係 tube dress 之餘係有 d details 睇，冇咁 plain。但係有冇留意到 model 左邊膊頭有條帶，我諗係 design 之一，但我未必著得好睇！

第九件：

未出現我件最最最鐘意嘅婚紗之前我的確將呢件放做 My No.1 wedding gown，好鐘意佢一層層嘅 design，個拖尾又靚，所以後來影法國婚紗時忍唔住揀咗條類似嘅，但發覺自己原來幾鐘意呢個設計，雖然係撞咗少少款，但係鐘意嘅都冇計！

第十件：

呢件暫時係最新款，我之前有篇 blog 都介紹過。佢個蝴蝶結真係好 sharp，但係我真係驚著上身會好怪，而且，一路都擺脫唔開佢上身背心款嘅設計，無論如何，試上身先講！

第十一件：

mark 呢件都係因為鐘意佢嘅釘工，而且心型胸位，視覺上身材會惹火 d，呵呵！不過就可能同我喺美麗佳人著嗰件婚紗有 d 相似啦！

第十二件：

呢件就係我講嘅最最最鐘意婚紗啦！裙擺好似 d 雲咁一舊一舊，我覺得好靚呀！不過衰在睇唔清楚成條裙嘅設計...... 不過呢件無論如何我試衫當日一定會試著！

P.S. 有時真係好想鬧爆法國婚紗 d demo 相，睇怕冇乜邊幅相係真真正正睇得出成條裙嘅款！

其實宜家我最鐘意嘅有 No. 3 / 7 / 9 / 10 / 11 / 12，朋友，又係時候幫吓眼啦！

好，下次再講心儀嘅晚裝款！