2009 年 2 月 24 日（星期二）
見到呢個標題，唔知大家有冇睇到一頭霧水？首先我 recall 返大家嘅記憶先......
P.S. 又或者可返呢條 link 嘅「回應」
http://hk.myblog.yahoo.com/jenny-chiu/article?mid=664
*********************************************************************************
話說喺我初初選擇 mua 時，我好衝動地 confirm 咗一位叫做 Amy 嘅化妝師，當時仲已經落咗 $1,300 deposit hold 佢個期。拎返 d 試妝相後，當然 upload 咗上 blog 同大家分享一吓啦！但係我都極度榮幸地得到各位 blog 友狠評呢位 mua，令我放棄咗筆 deposit 而改選 Shirley Kam 成為我當日嘅 mua。當時我就諗，究竟有咩方法可以退返筆 deposit 呢？改婚期？唔得，萬一佢話可就我咁點算？屋企有事結唔到婚住？唔得，因為曾經聽佢講過佢都有個客係咁，結果佢可以幫佢個客 hold 住 d deposit 長達一年！最後同男友商議後，決定同佢講，我哋分咗手，唔結婚（大吉利是過你），呢個方法我一路以嚟都冇打上 blog，宜家一次過同你哋 share 埋啦！
我哋當時分開打電話，先係男友打比 Amy，話佢聽我哋散咗，想退錢！Amy 聽到都好詑異，但佢就有疑問，點解唔係女方打嚟，係男方打嚟要求退錢呢？所以 Amy 要求我親自打比佢同佢交代一下。OK，咁我都有責任打比佢講聲嘅，結果我就打比佢，用一把有史以來極度冷漠嘅聲線（做戲做全套嘛）同佢講：「無錯，我哋散咗！因為 d deposit 係由男方出錢，宜家分開咗，所以佢打比你要求退錢！」Amy 了解過後，首先當然係一輪安慰啦，後來同我講冇得退錢！OK，咁其實我都預咗，只係諗住一試無妨啫，結果，件事就此完結。
點知，24 號呢一晚，我食食吓飯又收到 Amy 嘅電話......
Amy：我係 Amy 呀，之前你搵過我試妝架。
Jenny：係，咩事呢？
Amy：哦，冇...... 啱啱嗰個婚紗展我有去呀，見到你，你當時同個男仔一齊，我睇你會唔會有轉機，要唔要我當日再幫你手化妝。
Jenny：......（心諗，今次真係大檸樂，唔通穿咗煲？）
Amy：我今次打嚟純粹想關心吓你，睇吓你情況點，因為我驚你可能係冇咗我電話，搵唔返我嘛...
Jenny：哦...... 嗰個男仔係朋友嚟架，我帶佢去睇 d 嘢之嘛，我唔需要呀（指化妝服務）！
Amy：哦，原來係咁，咁唔緊要啦，咁我都祝你快 d 搵返個好嘅男朋友啦！
～～～～ 收線 ～～～～
唉，其實，呃人原來真係唔好玩，仲要呃一個算叫做關心你嘅外人，真係覺得咁樣呃佢有 d 衰！不過希望佢唔好怪我，因為...... 佢化妝嘅手勢同我真係唔夾！So Sor~~~
另一方面好好彩，因為我諗返轉頭，喺婚紗展時由於太多人，我同男友好似真係冇咩親密接觸，連手都唔知有冇拖過添呀～
下次...... 真係要醒水啦！！！
hahahaha~~~~咁都得!!!真係大吉利是呀！
回覆刪除點解你唔用比嚟化媽咪粧or姊妹粧? 咁咪唔駛晒囉！
[版主回覆02/27/2009 15:26:00]haha....因為媽咪 & 奶奶個化妝 Shirley 已經包咗, 不過你又講得啱喎, 話唔定可以轉比姊妹喎~ 諗得過諗得過
嘩.....係好險就真!!
回覆刪除最後個mua 係未退返錢比你地呢???
[版主回覆02/27/2009 15:40:00]冇呀, 佢最終都沒收咗我 d deposit, 所以都冇咗 lu!
佢咁都睇到，真係好驚險呀！
回覆刪除[版主回覆02/27/2009 17:02:00]係咯, 我都估唔到隔咗 n 年咁耐佢仲認得我....唔通佢成日拎返我 d 試妝相出嚟點我相???
咁多人 , 佢都認得妳 , 佢都幾好記性喎 ~~
回覆刪除[版主回覆02/28/2009 16:29:00]係咯, 我都唔明點解事隔咁耐都仲認得我, 好邪呀!
我覺得佢係feel到唔只咁簡單, 至專登打俾你索料?
回覆刪除其實你可以考慮用舊錢轉黎搵佢幫姊妹化妝? 浪費左千幾蚊又好似唔多抵, 講真, 轉mua呢d野好閒唶......
[版主回覆02/28/2009 16:30:00]係咯, 我諗諗吓又覺得好似冇必要咁緊張呢件事, 唔啱就唔啱架啦! 姊妹....其實我都有諗過吓, 但唔知會唔會害咗班姊妹喎~ 嘻
咪直接同佢講唔駛囉…
回覆刪除睇下有無得退或轉呀…
[版主回覆02/28/2009 16:31:00]佢啦, 佢係全職化妝師, 冇其他服務轉啦~ 唯一係諗吓轉比班姊妹用囉
好險呀！但很有趣......
回覆刪除不過，我都有疑問，知道你不想令她難受，寧願自己蝕錢另覓一位mua，但點解你唔用番呢筆錢當媽咪、伴娘化妝？或者送比姊妹都好過浪費呀！
[版主回覆02/28/2009 16:32:00]無錯, 的確係好有趣嘅一件事!
其實 Shirley 已經包咗媽咪奶奶及伴娘嘅化妝啦, 宜家諗緊好唔好比姊妹用囉~ 如果真係轉比姊妹用, 我仲蝕 $300 比佢添呀, 哈! (因為我有 5 個姊妹, 姊妹化妝 $200 each)
哈哈哈哈.... 超爆笑！好似電視劇咁！我一路睇一路笑到停唔到！你o地以後行街都要小心D啦！(唔係恐嚇你呀！ )
回覆刪除[版主回覆02/28/2009 16:33:00]係啦, 可能唔只限於喺婚紗展.....宜家好有明星比狗仔隊跟蹤 feel 呀, 哈!
哈~好攪野呀...比人篤爆左咁~~~
回覆刪除其實佢認得你...無理由唔認得你男友...佢打比你..可能都係扮野想睇下你點覆佢~不過呢個係我諗je~~~可能佢真係想關心下你既~~~
[版主回覆02/28/2009 16:34:00]係啦, 真係搞笑....佢打比我時我都打咗個突~
唔知呀, 可能因為佢幫我化妝, 所以特別記得我個樣啩? 但係男友嗰日帶咗頂帽, 唔知係咪因為咁而唔 sure 係佢呢?
哈哈~~好搞笑~! 忍唔住笑左....
回覆刪除我想問最後佢有冇退返比你?
[版主回覆02/28/2009 16:34:00]冇啦, 最後都蝕咗 $1300 比佢~
咁都俾人認得???不過都係一個好有趣既experience黎既,,,hehe
回覆刪除不過佢真係一個好人! 雖然化妝mama地..
[版主回覆02/28/2009 16:35:00]haha....right!
雖然真係同佢夾唔嚟, 但係佢真係一個好人嘅~
好似好攪笑喎...真係哂左d錢呀...叫佢幫你d姊妹化啦~~~~
回覆刪除[版主回覆02/28/2009 16:35:00]我都係咁諗, 希望唔會害咗班姊妹啦~ 而且咁樣一樣會穿煲!
嘩..真係好險呀~~ 唔知係佢想chuk你定係堅撞到你... 不過我唸你如果轉做姊妹既化妝..都要唸一唸點樣埋依個尾~~ 好似有d難度~~
回覆刪除[版主回覆02/28/2009 16:36:00]係啦....個故事結尾應該點作埋落去呢? 但係我諗如果最終真係搵佢幫姊妹化妝, 都要從實招來架啦!
呢個世界真係細呀,咁都比佢撞到你地呀!! 你依家係度公開左,小心都會比佢見到呀~
回覆刪除[版主回覆02/28/2009 16:37:00]我嗰一刻都有閃過呢個問題, 但係個 blog 大大話話都開咗年幾, 要發現應該一早都發現咗! 不過如果你心水清, 你會見到我今篇 blog "心虛" 地 set 咗 private! 哈!
你真係好大謄呀@@
回覆刪除[版主回覆02/28/2009 16:37:00]hahahaaaa, 真係大吉利是!!!
我覺得佢唔會唔認得囉!! 可能探口風~ 不過你POST出來怕唔怕佢見到?
回覆刪除[版主回覆02/28/2009 16:37:00]hehe....所以今次呢篇嘢我 set 咗 private 呀!
佢會唔會有你個blog ga? 如果佢睇到咪會好傷心law><
回覆刪除[版主回覆02/28/2009 22:24:00]我自己就冇比過佢, 不過我唔排除佢自己會上網 search 到呀~
真係咁啱個mua又行婚紗展，仲要俾佢見到妳~
回覆刪除呢次真係好險丫...
[版主回覆02/28/2009 23:52:00]佢唔係行婚紗展呀, 佢去擺 booth 搵生意呀~ 不過真係好險, 下次要睇清楚呀~
haha...我無睇上集, 岩岩先睇返
回覆刪除[版主回覆03/01/2009 00:03:00]唔緊要, 其實之前嗰個我都冇交代太多, 但係你一睇我 d 試妝相就知咩事.....記得拎定嘔吐袋先呀!
我有睇....感覺太白, 放棄deposit都係正確 我到而家都未去試妝...真係no idea >o<
回覆刪除[版主回覆03/01/2009 16:50:00]一來太白, 二來唔知點解好似直接變咗樣咁, 所以真係唔到我唔放棄!
試妝通常搞好耐架 (我指係要考慮), 又要做資料搜集, 好在你唔係多圍數, 不過都係快 d 去搵啦~
哈哈......呢個世界上d野真係好Q 架..........不過你其實可以將AMY 轉左做幫姐姐化妝架 , 禁米唔使SIDE 左個千幾蚊law , 而且又唔使講大話.....haha........不過事到如今 , 又好似好難返到轉頭禁......
回覆刪除[版主回覆03/02/2009 10:55:00]我都有問過 bf 好唔好轉比姊妹化, 不過佢又好似唔係太想咁, 唔知點解呢?
冇嘢嘅... 如果真係搵佢幫姊妹化, 咪話我哋復合囉, wakakak!
打錯左一粒字tim ,係幫姐妹化先岩 , 唔係姐姐.......haha
回覆刪除[版主回覆03/02/2009 10:56:00]唔緊要, 明架啦!
又會咁都俾佢撞見，仲要俾佢認得你，真係好險喎！
回覆刪除不過點解會俾你哋諗到個咁大吉利是嘅藉口架？
[版主回覆03/02/2009 10:57:00]其實個藉口係 bf 諗架, 百無禁忌...哈哈!
=.= 佢咁都認得你...好彩你腦根轉得快咋...其實個D訂...唔可以轉做姐妹化妝/媽媽化妝咩? (定係怕佢幫你D姐妹/媽媽化得唔靚呀??) 好彩俾訂都唔係俾左好多咋....
回覆刪除[版主回覆03/02/2009 10:57:00]媽咪 99 化妝新嗰個 mua 已經包咗啦, 姊妹嗰度仲諗緊好唔好...
唉吔. 真係大吉利事AR!!
回覆刪除[版主回覆03/03/2009 14:17:00]哈哈......唔緊要啦, 年輕人....百無禁忌!!
其實係佢唔認得你男友, 定係 你真係朋友去 ?
回覆刪除[版主回覆03/04/2009 10:24:00]我估佢唔認得我男朋友啫, 當日我真係同男朋友去架....冇帶第二個男人去...哇哈哈!
我之前都想轉 MUA , 不過果 MUA 連我轉俾 姐妹都唔制 !
回覆刪除唔肯轉黎做租頭飾 !
[版主回覆03/04/2009 10:25:00]咁衰嘅 mua 都有嘅? 咁你宜家局住要搵佢?
依家 OK SETTLE 到了 !
回覆刪除[版主回覆03/04/2009 15:31:00]搞掂咗就最好啦!