MC 真係咁難搵？唔係啩？

自從決定搵 MC 之後，我就搵返之前搵落嘅資料，睇吓幫唔幫到手。無意中發現有一個 MC 原來表現都唔錯，佢係我嘅第一選擇，所以我立即 send email 問佢有冇期，服務細節等等！由於呢個 MC 喺 esdlife 冇乜人讚／彈，諗住今次應該 OK 啦 .......點知收到佢個 reply email 後，真係當堂嚇親！

佢 ....... 都係冇期！仲講咗個好恐佈嘅消息比我知 ......... 佢話佢嘅 order 接到 2011 年年尾.............................................嘩，唔係啩？2011 年喎，洗唔洗咁早搵 MC 呀？？？

宜家真係超驚 ~~~~~~~~~

不過驚還驚，佢提議咗一個幾好嘅辦法比我！由於我之前講話想搵一 pair MC，但係請兩位專業 MC 的話，好多都要接近 HK$3,000，我又唔洗喺呢個 item 洗咁多錢！所以佢建議可以請一位專業 MC，之後搵多位兄弟／姊妹做佢 partner，咁當然依然由專業 MC 做主力啦 ...... 如果係咁都唔錯！大家諗諗吖 ~