話說上一次個 DIY 花球，我同男朋友都覺得硬係好似爭緊 d 嘢咁，所以我就走咗去吉之島 $10 店逛吓，諗住望吓有 d 咩絲花可以買到。去到竟然比我遇到一款「疑似康乃馨」嘅絲花，而且，好難得地一向奄尖嘅男朋友都覺得呢一隻絲花像真度幾高（
之後再喺啱啱過去嘅星期六去咗繽紛買多一紮紫玫瑰，花材就買齊晒啦，好！係時候有要改造一吓個花球，今次我好有信心整得好好 ~ 哼 ~ 拭目以待啦！
呢紮就係我買咗嘅「疑似康乃馨絲花」啦，像真度都 OK 架！
另外，因為去美麗佳人影相時個攝影師一定會問我哋想要影 d 咩 style，所以我就去咗買一隻 USB 手指，打算將我哋想要嘅 mood 嘅相 save 入隻手指度，咁到時就可以 show 比個攝影師睇啦！
4 GB，5年保養，都只係買咗 HK$128 咋，平到暈！
突然間醒起........... 弊！人哋堂堂一間公司，會唔會唔肯插我隻手指落佢哋部電腦度呢？
算！最多 print d 相出嚟做 samples ~ Oh my god！
好 ~ 我係時候要再為我個紫玫瑰花球加工啦 ~ 我充滿信心......
加油﹗
回覆刪除[版主回覆06/03/2008 10:23:00]係！我已經初步做咗一個頗滿意嘅花球啦，不過仲有嘢要執，我會 post 上嚟架！
haha...等你好消息！
回覆刪除[版主回覆06/03/2008 10:23:00]冇問題，我同個花球影咗相，一兩日內會放上嚟，密切期待呀 ~
好叻呀你!!!! 你幾時去美麗佳人影呀~~??
回覆刪除[版主回覆06/03/2008 16:36:00]我 8 月去影呀 ~
睇過你喺費加洛影嗰 d 相, 好靚呀 ~ 羡慕中......
自己整埋花球, 真係犀利, 仲好有心思添!!
回覆刪除4 GB手指，有5年保養，只賣HK$128，真係好抵喎!!! 估唔到連手指都咁平架!!
[版主回覆06/04/2008 10:08:00]嘻, 多謝! 其實我都係想親手做返少少嘢, 令自己滿足 d 囉 ~
係呀, 嗰隻手指超平, 所以我吼咗佢好耐架啦!
Hello! 首先恭喜晒你地快將步入人生的新一頁.
回覆刪除你真係好叻, 識得DIY, 令路過的我十分羨慕, 亦想一試.
我一向都很鍾意康乃馨, 見到你札花, 唔知仲有無其他顏色呢?
同埋請問你係邊間吉之島 $10 店見到呢?
[版主回覆08/25/2008 10:11:00]我喺銅鑼灣嗰間吉之島買架, 印象中好似冇其他顏色啦, 不過佢哋 d 絲花都返得好快, 你隔幾日去望吓又有唔同款架啦~! 希望你搵到心水顏色啦!