喺呢度真係要真真切切多謝其中一位 blogger！佢同我一樣 join 咗美麗佳人影結婚相，但佢同佢男朋友好叻呀，bargain 到好多好嘢返嚟，其中一樣就係我最關心嘅 ---- 相嘅數量！blogger join 嘅 package 大致上同我一樣，不過大家都知啦，喺 expo 度 join package，尤其是係結婚相，end up 幾多錢埋單根本就係海鮮價，基本上係視乎你本身夠唔夠牙力，又要睇吓個 sales 做唔做好人 free 呢樣 free 嗰樣比你！Blogger 最終 bargain 到有 40 張相（個 package 只包 32 張架咋），另有其他相簿／offer 等等，承惠 HK$10,000！而我，一樣有其他相簿／offer，承惠 HK$9,480，但就只有 36 款相！鑑於呢排又多咗上去 esdlife 睇留言，發覺大部份 join 咗美麗佳人嘅朋友最起碼都有 38 款相，不過佢哋全部埋單起碼 HK$10,000！
見我個 blogger 可以咁成功有 40 款相，我突然靈機一觸，打落去美麗佳人，扮做咗介紹人，攞返少少優惠返嚟都好吖！其實我目標只係想同普羅大眾一樣加到有 38 張相，其他可以照舊。講真，我個 package 平過人，少人兩張相都好應該啫！所以就問咗 blogger 嘅同意，攞埋佢張單 no. 及個人資料就打落去啦！勁好彩，係個店長接我電話，我當然打蛇隨棍上講明目的，話我介紹咗個朋友 join 你哋，但佢 d 相竟然多過我喎，所以我要加相！店長問我攞晒我同 blogger 嘅資料之後就同我哋對單，再好例牌咁講一輪公司政策比我知話冇可能將我個 package 嘅 offer 改到同我個 blogger 一模一樣，咁我都明白，而且我都好有耐性聽佢 up 嘅 ~ 當我想講話我要加相之際，我都未講出聲，店長已經好識做咁話將 d 相加到同我個朋友一樣！嘩，咁我咪有 40 張囉？比我預期多咗兩張添呀！CD-file 及娘家本照樣由原本嘅 36 張相加到去 40 張相！超開心呢！店長仲話，由於我做咗介紹人，佢哋會再送多一張 8x10 相比我，不過呢張相要唔要都冇所謂，又唔包 UV，又唔包相框.....不過算啦，free 咪要咗佢囉！
過兩日就要去美麗佳人門市改單，真係好彩！呢位 blogger，多謝你呀！
又叻又好彩呀
回覆刪除[版主回覆06/04/2008 22:36:00]係呀, 我都覺得好好彩, 我都係諗住摶吓架咋!
你好叻呀﹗我同你一樣都係38張架﹗不過因為我book個時已經有阿妹做介紹人囉﹗
回覆刪除[版主回覆06/04/2008 23:20:00]其實我都係試吓架咋! 我宜家有 40 張啦! 不過一日未改單, 一日都未 confirm, 都唔知佢記唔記得咁樣應承過我, 所以我會趁佢未扮失憶之前, 盡快去改咗張單先!
醒目~~good~~
回覆刪除[版主回覆06/05/2008 10:45:00]多謝! 真係好彩!
hahahaha...加油呀..等你美麗佳人既靚相呀
回覆刪除^^
[版主回覆06/05/2008 10:45:00]冇問題, 我都希望佢幫我影得靚靚地!
影婚紗相真係要r多d野,唔係"蝕卓"呀~!!! 你地都叻女啦~ 幾時影??
回覆刪除[版主回覆06/06/2008 10:34:00]係呀, 好彩我個 blogger 真係 join 咗美麗佳人, 我先可以扮晒嘢咋....haha
我 8 月尾影呀 ~ 肯定超多人 ~ 暑假嘛....
個店長好好呀 ,你影左相未呀?
回覆刪除[版主回覆06/06/2008 14:22:00]未, 我 8 月影呀
好犀利呀.. 叻叻BARGAIN到咁多優惠
回覆刪除[版主回覆06/06/2008 15:28:00]我個朋友仔仲叻呀，佢有好多嘢，不過算啦，我始終平過人，冇得強求。
好在你精叻去問下，如果唔係就唔抵啦！
回覆刪除[版主回覆06/06/2008 15:28:00]係呀，我都覺得自己死好命！哈！
伙好呀~~我都book左mc的, 你8月影相嗎? 我9月呀~~可以的話交換下資訊丫~~
回覆刪除ming^^
[版主回覆06/06/2008 17:10:00]hello ~ 交換資訊，當然冇問題啦！yes, 我8月影呀！
咁都得！
回覆刪除好勁呀！
[版主回覆06/12/2008 15:14:00]嘻嘻.....其實我都唔知算唔算真係介紹佢 join, 只係之前向佢提過吓我 JOIN 呢間咁囉......點知又比我摶到 ~