經過咁多位網友比我嘅意見之後，我都明白點整個花球先為之係靚！所以星期六放咗工之後急不及待去搞搞佢.......結果，呢個就係我改良後嘅紫玫瑰花花球啦！
係咪圓返 d 呢？我自己就覺得係啦......
由上至下角度：
花球側面：
花球正面：
話說，我係一個 anges b. 忠實 fans，雖然我知道 agnes b. 有花球賣，不過佢哋賣成 HK$9xx - HK$1,xxx 一個，最值錢都只不過係嗰條印有 agnes b. 字樣嘅絲帶啫，講真，個花球咪又係普通花球一個......有見及此，我將之前收到嗰 d agnes b. 生日禮物嘅包裝絲帶留起，打算綁喺個花球度！雖然........花球嗰條絲帶同普通包裝用嘅絲帶係絕對唔一樣，不過我諗只要我紮得靚 d，應該........冇咩人知道我係摶大霧啩？所以，我就側側膞咁紮咗上去，扮晒一個名牌花球 ~
其實，我覺得個花球係絕對有進步嘅空間......所以我打算將呢個重任交比我男朋友去搞！係，我係冇藝術感，所以呢 d 講求美感嘅工作都唔係太適合我！我就拭目以待睇吓佢會紮成點........我對佢都有信心嘅！
你自己整當日用既花球呀
回覆刪除[版主回覆05/20/2008 00:02:00]唔係，我未洗咁快整當日用嘅花球，我只係整緊影婚紗相時用嗰個花球啫～
何止個花球呀,你一生都要交比我....... 哈!哈!哈!哈!!!!!!!!!
回覆刪除[版主回覆05/20/2008 00:40:00]好啦，咁呢兩個重任就交比你啦！冇得推架 ......
你好勁呀
回覆刪除[版主回覆05/20/2008 10:09:00]其實唔難架! 所以我都唔算好勁, 我見有 d 網友紮到好似專業咁添呀!
哦,用左幾多錢買料呀?識唔識整真花球呀?你當日果個會唔會自己整呀?你幾時影婚紗相同邊間影呀?同我地分享下d相同影既過程,揀相過程等等啦...我明天拎第二輯婚紗相啦,好期待呀
回覆刪除[版主回覆05/20/2008 13:49:00]暫時只係用咗大約 $6x 買花材，都未決定仲買唔買多 d 呀！我諗真花同假花個道理都係一樣啫，不過我假花都未整得掂呀，真花嗰個遲 d 先算！當日嗰個花球我唔會自己整啦，我會去買現成，相信我到時都未必有時間去整花球 lu ~ 我會喺 8 月去美麗佳人影婚紗相，10 月會再去法國婚紗影第二輯！到時我影完相之後一定會寫上嚟！祝你順利拎到第二輯婚紗相啦！
咁叻既, 自己整花球
回覆刪除[版主回覆05/21/2008 10:25:00]多謝! 我都係初學咋! 個花球仲有好多嘢要執....
好靚呀, 用埋agnes b 條絲帶即刻唔同晒 !! 唔講真係以為agnes b買
回覆刪除[版主回覆05/21/2008 10:26:00]haha....唔係啩? 唔好氹我開心喎 ~ 乜真係有 anges b. 嘅水準咩?
Much better than your first trial, and after adding the agnes b ribbon.
回覆刪除I found this tutorial for making bouquets, maybe it is helpful to u.
http://www.flickr.com/photos/10704507@N05/sets/72157601099013950/
[版主回覆05/21/2008 10:27:00]多謝! 我自己都覺得已經整得圓咗好多.....嗰條 agnes b. 絲帶真係有好大功勞....嘻~
幾好喎，呢個比上次果個進步咗，如果中間可以加多一朵紫玫瑰就更加好喇！
回覆刪除[版主回覆05/21/2008 10:28:00]係呀, 我男朋友都係咁講, 硬係覺得中間爭一朵主花.....正諗緊有咩方法 ~ 因為嗰棵紫玫瑰一紮剛剛得 4 個頭咋 ~ 冇理由買多一紮只為嗰朵主花架.....
你真係好醒呀﹗我響Agnes b訂左花球影pre-wedding photo，都諗住留返條絲帶呀﹗hehe
回覆刪除[版主回覆05/22/2008 11:02:00]係呀 ~ 最值錢都係佢條絲帶, 既然係咁.......摶吓大霧都好呀 ~
今次呢個圓返0的啦,不過中間加返朵花會好0的,正面睇太多襯花啦!我依都想整過個花球7月影相用,覺得之前整既花球既花唔多靚,想換過0的開左既花,不過要好大工程,要解左原先嗰個換過0的花,整一整又要洗多幾十蚊,用完0的花又唔知點,用黎拋花球又好似貴左0的,影嗰幾張相又整過個,到時都唔知揀唔揀到有花球既相,所以依家煩緊。
回覆刪除[版主回覆05/25/2008 16:55:00]係呀, 我都覺得中間加埋一朵主花會好 d, 不過一買的話就要買一紮, 但我只要一朵花, 淨返嗰 d 又唔知有咩用, 所以同男朋友商量之後決定買一束白玫瑰, 紫色襯白色, 實冇走雞啦! 有新作再 post 上嚟....
至於你個問題, 如果我係你, 我諗我都會紮過一個 (女仔實係咁多心架啦 ), 而多出嚟嗰 d 花.....一係攞嚟 DIY, 例如整......花花簽名筆, 比姊妹做手花 (不過我相信你應該已經有心水花種, 哈) 不過.....我會靚咗先, 剩返嗰 d .......用嚟 DIY menu 囉....唔知幫唔幫到你
很叻呀!
回覆刪除你整得好靚哩!
[版主回覆05/25/2008 16:55:00]過獎過獎, 仲有好多嘢要執架!
你整左既花可以用黎拋花球,好似你咁講整下其他野都得。我同老公都講過整過個花球,不過萬一影左0的相出黎一張都揀唔到拿住花球既相,咁咪白整,所以都唔知點好。好多謝你既意見,如果整左個新,舊嗰0的花我就覺得麻麻,所以都整唔到0的咩,真係要再諗諗。
回覆刪除[版主回覆05/25/2008 23:12:00]其實我打算個絲花花球會留念架, 因為我想留起 d 紫玫瑰, 話晒都係男朋友求婚時用嘅花, 所以好想留念! 至於當日會訂個真花花球, 謝咗就.....bye bye lu!
你都不妨諗諗啦, 雖然好有可能揀唔到揸住花球嘅婚紗相, 不過都係一個經歷比自己去 enjoy 嘛!
bd我都用真花,今日去問過,都幾平,遲少少會去訂。至於整唔整,我要得閒去睇睇0的絲花先,揀岩既就整啦!呢次真係要諗清楚先好買,我成日都係咁,做第一次既野就做得麻麻,之後會後悔。真係羨慕,你男友同你求婚,佢點同你求婚呀?你係咪好感動呢?
回覆刪除[版主回覆05/26/2008 11:10:00]你係咪喺屯門訂花球呢？我想喺我屋企樓下嗰間訂，方便當日攞花球嘛，不過未問幾多錢，唔洗咁快問！
越嚟越近你大日子，連我都開始替你緊張添！
我係屯門訂花球呀,因為近吖麻,bd去拿完就過去接新娘,我整玫瑰花鮮花球一個,襟花一個連少少頭花碎花都係3百幾,咩款都得,拖尾就4百幾,有0的顏色特別0的既都係4百幾。尋日同老公家姐傾開rundown,都覺得好煩,好多野搞,時間愈近就愈緊張,又擔心。
回覆刪除[版主回覆05/26/2008 17:45:00]咦, 咁你嗰間花店都幾平喎! 我想要蕙蘭花拖尾花球呀, 好似會比較貴呀...慘!
係呀, 諗 rundown 都係一個好煩嘅問題! 你宜家諗定都差唔多啦! 之後仲可以慢慢改架嘛!
我係其他 Blog 友見到你地攪結婚呀 ....
回覆刪除舊年幫妹妹攪一次婚禮 , 先發現原來今時今日結婚 , 真的比我當年攪多好多嘢 , 好彩而家有好多 Blog 睇 , 可以參考吓 , 多的資訊 .
你哋找到 MC 未呀 , 舊年妹妹結婚佢找咗 2 個 MC 非常之好 , 所以我同佢地 2 個 MC 講 , 如果我去開人地個 Blog 睇 , 我都會介紹比佢地 , 睇下你地啱唔啱呀 , 佢地好好人 , 如果有問題佢地都好樂意比意見我地 .
MC Blog : http://hk.myblog.yahoo.com/mc_mchy
[版主回覆05/26/2008 17:46:00]Thanks! MC 方面我未著手搵, 始終仲有 1.5 年先到我大日子, 不過都多謝你嘅介紹, 有時間的話我會去睇睇!
嗰間花店真係幾平,而且我用玫瑰當然平0的,蕙蘭應該會貴0的,仲要拖尾。之前我自己諗左rundown,依家傾開都有0的改左啦!如無意外都無變。
回覆刪除[版主回覆05/27/2008 10:25:00]努力努力~!
你都要努力呀!
回覆刪除[版主回覆05/27/2008 14:51:00]好! 咁就大家一齊努力啦!
我今日去左溫馨無限同繽紛睇下0的花,繽紛真係靚好多,不過我都係係溫馨買左一扎6朵既粉紅玫瑰,大大朵,我諗加埋0的襯花應該ok掛,我仲見到好多紫色花添,好靚,可惜我都係鍾情於粉紅色。而且今日無溫馨買仲有85折,仲入埋會添。
回覆刪除[版主回覆05/28/2008 10:21:00]係呀? 我都要買多紮紫玫瑰呀 ~ 仲打算星期六放工去添, 唔知到時仲有冇 85 折呢...
唔知呢,你到時睇睇。最衰我星期六放左工要返去收相,如果唔係都同你去行下。
回覆刪除[版主回覆05/28/2008 12:25:00]鳴.....希望有啦! 如果有折頭, 買都買得開心 d 呀!