尋日買晒 d 花材之後，今日急不及待要試吓整！
之前睇咗好多花球 samples，發覺花球大致上分兩種：
(1) 好多花，冇分主花及襯花，但花嘅顏色通常係超相近，例如白玫瑰 + 白色百合，襯花方面，一般都唔會有，而且亦得好少襯葉
(2) 主花得 4-5 朵，反而襯花及襯葉超多，襯花及主花嘅顏色可選擇近似色／撞色
我同男朋友都揀咗第二款，所以紫玫瑰只買咗一紮，而襯葉就買得多 d！但一整完出嚟，好似細得滯喎，你哋覺得呢？要唔要再買花材？
各位，你哋睇完呢篇 blog 之後，係需要回答以下嘅問題（哈）：
問題 1：睇睇以下呢個，先唔好理會紮得靚唔靚，我哋淨講 size，你哋覺得會唔會太細？定係用鏡反映出嚟嗰個 size 比較好？
問題 2：以下呢個（即係以上第一及第二幅相）係男朋友隨意紮出嚟嘅花球！我哋撇開佢圓唔圓嘅問題，因為有好多細節嘢仲未作出修剪，齋講款，你哋覺得 O 唔 OK？
以下呢個係我跟書嘅指示紮出嚟，成個花球都有得解釋！唔知你哋睇唔睇到我紮呢個花球係有 pattern 架！
先有一朵紫玫瑰做中心點，旁邊圍住滿天星，其餘嘅紫玫瑰形成一個三角形。紫玫瑰與紫玫瑰之間用黃色玫瑰仔點綴，又呈現咗另一個三角形。最後用咗嗰 d 不知名嘅襯葉托底及圍邊 <---- 呢一 part 幅相見唔到.......再用咗嗰 d 不知名嘅尖葉做成一個五角形。
問題 3：你哋覺得呢個又得唔得呢？請再一次撇開佢圓唔圓嘅問題，因為真係好初步咋 ......
好，開始作答 .................................................. Thanks!
D "射出來"的草草好似好有殺傷力..
回覆刪除[版主回覆05/12/2008 19:23:00]哈哈....你用 "殺傷力" 嚟形容.....
唔好睇呀???
如果係用草草繞返個圈或者curly 會和諧D.
回覆刪除[版主回覆05/13/2008 10:45:00]我都有咁諗過, 不過男朋友好似唔係咁 buy....
(純屬個人意見)
回覆刪除答問題一: 我覺得好似第一幅就影得好細, 但第二幅(係toilet) 就影落好似個size 都ok..但d 小花仔就好似多左d...
答問題二: 我覺得唔係好圓..可以修得圓d 都ok...
答問題三: 呢個就好似少d 小花就好睇d, 但係咁跟pattern 紮就有d 怪...especially 滿天星個part...圍住個紫玫瑰....
[版主回覆05/13/2008 10:47:00]Thanks for your comments!
Q1) 我哋都覺得喺 toilet 嗰幅好似似樣 d, 之不過當我拎個製成品上手時, 其實又覺得個 size 都差不多啦....煩惱中
Q2) 咦.......都叫你撇開圓唔圓嘅問題咯.....人家都未修剪......
Q3) 唔通真係唔跟書紮出嚟會靚 d? <-- 因為我男朋友係咁講...
問題1:第一幅圖的花球係太細,要第二幅圖的花球大小好些
回覆刪除問題2:主花可以多些......可能修剪下好些
問題3:我個人覺得你男友紥的那個會自然些
[版主回覆05/14/2008 10:41:00]多謝你嘅意見.....佢聽到一定飄飄然啫 ~
哈
回覆刪除我下周影相,也是自己DIY做花球~
:P
以前幫朋友做,現在就做俾自己了:P
還有,我也試妝了...給你我blog給你看
http://wwjdawwid.blog.sohu.com/
[版主回覆05/14/2008 10:41:00]好的, 你手勢一定唔錯啦, 等我去偷師先, thanks!
幾靚呀?絲花黎架?用左幾錢呀?
回覆刪除[版主回覆05/14/2008 10:42:00]係絲花嚟架!
用咗 hk$6x 買花材
呢個幾好,冇D一支支野散出來
回覆刪除[版主回覆05/14/2008 10:43:00]原來你哋唔鐘意一支支嘢 "隊" 出嚟? 等我改良改良啦!
回覆刪除This one is the best.
[版主回覆05/14/2008 10:43:00]其實我都覺得主花唔係好夠, 不過再買紫玫瑰的話, 好容易就 out budget 啦 ~
答題一: 我覺得第二幅有鏡倒影果個size好d，但要增加主花，減d 小花仔
回覆刪除答題二: 我覺得d 草草如果可以扎到收埋個尾，變到彎彎咁會好d
答題三: 咁樣跟pattern 紮好似有d生硬，無你男友果個咁自然
不過總括黎講已經好犀利，我都想學整。
[版主回覆05/14/2008 18:25:00]睇嚟真係要買返多 d 主花做返個形會好 d 喎 ~
anyway, 多謝你嘅意見!
你都試吓整啦, 其實唔算太難, 好似我呢 d 冇美感嘅人就唯有跟書紮, 但如果有心機, 排靚少少, 紮埋一齊就得架啦!
你真係好有心機呀﹗我覺得第一個最靚﹗
回覆刪除[版主回覆05/15/2008 10:32:00]多謝晒 ~
其實都唔算太難整, 反而買花材去襯嘅時候最困難 ~
123既圖都睇左，最靚係第一幅，而且個size都ok喎~
回覆刪除[版主回覆05/16/2008 10:41:00]終於有一個人認為個 size ok la! 其實我都猶疑咗好耐究竟點搞好....
第一個似伴娘花球多D喎~
回覆刪除第二個,因為隨意扎,有D亂 第三個,唔要D草草好D.
有無試過扎個有尾既? 不如試下將D滿天星打散D,同D黃花仔撈埋一齊呀~
[版主回覆05/16/2008 10:43:00]第一個似伴娘花球係咪因為個 size 比較細咋? 但其實係錯覺嚟咋! 第一及第二幅相係同一個花球, 冇郁過架.....
好 ~ 我會吸取你嘅意見, 今個星期六放工返屋企紮多次先!
第一張最靚~~唔...可以加少少水珠~~會"令"d~
回覆刪除[版主回覆05/16/2008 14:56:00]真係? 咁都好 d, 終於都夠靚啦....
不過我打算星期六開始落刀修剪吓佢.....等我整圓 d 先
第一張相就好似細左0的,但睇第二張相又ok喎!我鍾意第二張相個款,襯花都夠,不過可以加多少少花,扎實0的會好0的,仲會圓0的架,花球緊係多返少少花好0的啦!至於0的一條條草唔加都得,我整花球時都好似你咁加左0的一條條,都係麻麻,所以無加。如果要加既話就整曲佢自然0的,一係整成一個彎感(唔知你明明)。你好叻呀,整得好靚。仲咁平。
回覆刪除[版主回覆05/17/2008 10:20:00]多謝晒你先 ~
我會再努力架啦!