說對了話 - 無價

喺人哋個 blog 度見到呢篇文章，覺得好正 ~

各 blog 友們，緊記比你哋嘅 honey 睇，學嘢啦！

老公們可要學這點喔 ...

先生一早起來，頭就痛得要死
因為他前一天晚上喝的爛醉回家
他強迫自己把疲憊不堪的眼睛睜開

睜開眼後
竟然看到床頭上放了一杯水跟幾顆頭痛藥
然後坐起身後又看到了他的衣服已經燙好、疊好在床邊

因為一起床就看到這幾樣反常的事
所以他決定要起身看一看房子其他的地方有沒有什麼奇怪的事

他把幾顆頭痛藥吃了
吃的時候突然發現藥下有一張紙條
紙條上寫著：

親愛的:

我出去買菜了
你的早餐我已經做好放在餐桌上
趁熱吃吧
愛你喔


先生一頭霧水的走進了廚房
然後真的看到了熱騰騰的早餐放在桌上
還有當天的早報
他看著坐在餐桌吃早餐的兒子問：
　兒子啊，昨天到底發生了什麼事

兒子回答：
　嗯
　你凌晨三點跌跌撞撞大吼大叫的回了家
　把幾個傢俱給打壞踹壞
　然後又很聰明的在走廊上撞了牆壁幾下
　送給自己一個黑眼圈

先生越來越不明白，又問了兒子：
　那為什麼家裡給打掃的那麼乾淨
　然後你媽又給我做了熱騰騰的早餐給我吃呢

兒子恍然大悟的說：
　喔
　你是在問那個喔

　媽昨天看到你醉死的回家
　一肚子火的把你拉進房間裡
　然後想把你的髒衣服換掉
　結果在脫你褲子的時候你罵了她一句：

喂！小姐～你滾遠一點
我已經結婚了 ！

---------------------------
自己把自己灌醉 - $2,000
壞掉的傢俱 - $15,000
早餐 - $250
說對了話 - 無價!!!!!

拍拖 3,000 日

今日，係我同男朋友拍拖 3,000 日。

其實最初都冇打算去慶祝呢 d 紀念日子架，不過源於上年上網擇日結婚時，對住個萬年曆，心血來潮想計一計我同佢拍咗拖幾多日，另一方面我又好想為佢做返 d 嘢，去紀念一吓呢 d 日子（因為一向我都係被氹嗰個），所以就決定慶一慶佢啦。由於 1,999 日已經過咗，唯有慶祝 2,999 日囉！我計得好準架，邊年係潤年 (即 366 日）都計埋，所以應該冇錯架啦！

不過，慶祝還慶祝，我冇諗住大搞。最初只係想拿拿臨返去佢屋企煮餐靚飯慰勞吓佢，點知.....計吓計吓 ，發覺原來如果要煮飯的話 d 時間唔係好夠用！鬼咩，一個喺銅鑼灣返工，一個喺天后返工，屋企又喺洪水橋，點煮啫？買埋餸返到去都八點幾啦，婚後都唔知點算！

既然係咁，好，出街食啦！我喺公司準時收工走人，打算一邊行一邊等佢收工，應該都好快啫，點知等呀等，等呀等，原來佢喺公司冇端端比人捉住傾嘢，足足等咗一個鐘頭有多佢先放工 ~ 結果，我哋就好晏先開始食晚飯，再喺銅鑼灣行一陣就快快趣返屋企 lu ...... 因為 ........ 我靜靜雞喺 Haggen-Dazs 訂咗個雪糕蛋糕呀，雖然有乾冰可以幫手冰住個蛋糕，不過我都唔想咁夜先開始食，人家要減肥嘛 ..... 8 月要影婚紗相架啦

呢個就係個蛋糕個樣啦 ~

睇吓個牌仔 ......... 「拍拖 3000 日」~ 訂嗰陣要我寫呢句 message 落張訂單度都冇乜嘢架，但係我去拎蛋糕時，由於個蛋糕一早好公開咁雪咗喺 Haggen-Dazs 嘅雪櫃入面，間舖頭又多人喎，個職員拎蛋糕出嚟嗰一刻 ......... 唔知點解好多人望一望個蛋糕個牌仔，再望一望我本人 ......... 有咩好望呢？未見過人咁樣慶祝咩？？？哼！

男朋友一早知我尋晚會同佢慶祝 d 嘢（不過佢唔係好 exactly 知道我要慶祝 d 咩），不過佢都唔輸蝕，鬼馬嘅佢 ....... 原來走咗去 agnes b. 買咗 d 朱古力比我食，Yeah！！！又係 agnes b.，又係朱古力！！！

呢款我未食過，只係幾個禮拜前生日時同事買咗另外一款比我 ~

好！我決定咗，我要再同男朋友（到時應該係老公啦）慶祝 9,999 日 ......... 不過粗略計一計，9,999 日係要 27 年嘅日子 ...... 嘩，好長遠呢 ~

新證婚禮堂@緣美傳說

其實我喺今年三月嘅婚紗展已經 join 咗緣美傳說入面嘅「白玫瑰禮堂」做註冊儀式，點知呢排上去 esdlife 網站同其他 join 咗緣美傳說嘅準新人傾開，原來緣美傳說又有新搞作。

查實佢哋一共有兩個禮堂做註冊，一個係我 book 咗嘅「白玫瑰禮堂」，另一個叫做「粉紅玫瑰禮堂」。由於比較多客人都 book 「白玫瑰禮堂」，而「粉紅玫瑰禮堂」就冇乜 booking，所以緣美傳說就決定將「粉紅玫瑰禮堂」搞一次大變身！

嘩，我睇咗佢哋重新裝修完嘅相之後都有 d 心動，真係好靚好 grand 呀！不過始終呢個禮堂 march in 時係要 L 型咁行，如果著拖尾婚紗就麻煩啦，實會唔靚啦！

先睇睇我 book 咗嘅白玫瑰禮堂先

再睇睇粉紅玫瑰禮堂變身前嘅樣

之後就到變身後嘅樣啦.....（因為呢三幅相係 esdlife 網友影架，解像度比較細，我夾硬拉大張相，所以起咗格.....請諒）

出嚟成個感覺唔同晒 ~ 完全係有 grand 嘅感覺，而且個色 tone 都轉咗做金色。原本我都有一刻心動想轉 hall，但衰就衰在佢 march in 時係 L 型，呢一點令我有 d 卻步。即係咁：

（呢個係未變身前我影嘅相，我借嚟解畫用咋，所以佈置方面仲係粉紅玫瑰禮堂）

唉！雖然佢個禮堂變做金色之後好靚，而且可容納嘅人數都比白玫瑰禮堂多，不過要 L 型 march in，對於我呢 d 一定要著拖尾婚紗行禮嘅人嚟講，真係唔多方便喎，除非當日有個專人喺我轉彎後幫我鋪裙尾啫 ~ 不過咁又冇乜意思！所以，暫時我都唔會轉 hall，況且我 book 嗰個白玫瑰禮堂都唔係好差啫！最緊要嘅係白玫瑰禮堂一開門 --> 直行就到證婚枱啦.....起碼唔洗郁到個拖尾先吖嘛！

偉大的媽媽@四川大地震

今日睇其中一個 blogger 嘅 blog 中發現呢段新聞，由於內容超級令人感動，好想記低，所以我上網搵咗呢篇新聞嘅原稿，詳列如下：

轉載自： 2008年05月16日 17:32:05 新華網新聞

link：http://big5.xinhuanet.com/gate/big5/www.sx.xinhuanet.com/rdsp/2008-05/16/content_13285897.htm

搶救人員發現她的時候，她已經死了，是被垮塌下來的房子壓死的，透過那一堆廢墟的間隙可以看到她死亡的姿勢，雙膝跪著，整個上身向前匍匐著，雙手扶著地支撐著身體，有些像古人行跪拜禮，只是身體被壓的變形了，看上去有些詭異。救援人員從廢墟的空隙伸手進去確認了她已經死亡，又在衝著廢墟喊了幾聲，用撬棍在磚頭上敲了幾下，裏面沒有任何回應。

當人群走到下一個建築物的時候，救援隊長忽然往回跑，邊跑邊喊：「快過來。」他又來到她的屍體前，費力的把手伸進女人的身子底下摸索，他摸了幾下高聲地喊：「有人，有個孩子 ，還活著。」 經過一番努力，人們小心地把擋著她的廢墟清理開，在她的身體下面躺著她的孩子，包在一個紅色帶黃花的小被子裏，大概有 3、4 個月大，因為母親身體庇護著，他毫發未傷，抱出來的時候，他還安靜地睡著，他熟睡的臉讓所有在場的人感到很溫暖。

隨行的醫生過來解開被子準備做些檢查，發現有一部手機塞在被子裏，醫生下意識地看了下手機屏幕，發現屏幕上是一條已經寫好的短信：「親愛的寶貝，如果你能活著，一定要記住我愛你。」看慣了生離死別的醫生卻在這一刻落淚了，手機傳遞著，每個看到短信的人都落淚了。

四川大地震

<<< 豬頭 B，呢篇 blog 我 set 咗只有你一個人可以睇到架咋～ 但我唔係特登寫比你睇，只係寫低自己感受，你有權睇咁解啫～ >>>

今日係 2008 年 5 月 19 日（星期一），亦即係四川大地震（2008 年 5 月 12 日）發生後一個星期。呢個星期入面，無論開著電視又好，喺條街度行緊又好，坐緊車又好，上緊網都好，周圍全部都係講緊賑災呢件事。其實喺呢件事上面見到雖然地震嘅地方係四川嗰邊，同香港唔近，但係香港人都好出錢又出力，好用心咁幫助四川嘅災民。其實我都好想捐錢架～ 我同咗自己講，我呢個星期出街，如果有人主動走埋嚟，隊個錢箱比我想我捐錢，我諗我都會捐架！上次海嘯時我都捐咗，今次應該一視同仁都要捐錢！可惜，件事發生咗一個星期，我都冇預到募捐嘅活動，所以到今日為止，我一毫子都冇捐過.......

講返今日，國務院尋晚臨時宣佈由今日開始一連三日至 21 號都會下半旗誌哀，而且會喺今日下午 2:28（即地震發生時間）全國默哀三分鐘！當時我喺公司，雖然我冇響應默哀，不過我喺心入面都有祝福佢哋！而且 msn 網絡上都發起咗個活動，我哋以 offline 三分鐘嘅行動以表祝福，意思等同默哀咁！呢樣嘢我好響應呀，仲周圍 forward 比人提人要默哀添，希望盡少少綿力啦！

其實呢幾日睇電視，見到好多拯救人員去救人，有時都好想自己有份出力去幫手救佢哋架！我喺度諗，雖然我唔係專業嘅救護人員，但如果我用手一舊一舊石頭咁搬開，我都希望自己可以發揮到作用救到人或者搵到屍體！（但我相信我一定係低估咗救人時所需嘅力量）.....日日睇住有關四川地震嘅新聞，但我就坐喺度好似乜都做唔到咁，都覺得幾無奈！見到 d 災民失去至親，又呼天搶地，有時都感覺到佢哋嗰種切膚之痛！

今晚睇返今日全國人民默哀時嘅片段都幾感人！個個都著素色服裝啦，有 d 手持鮮花，有 d 手持黑手帶／白襟花等等，個個都好有心！好似就算唔關自己事嘅行人，一見到咗默哀時間，佢哋都停低，雙手合十，合埋眼，默哀......嗰種團結嘅感覺好深刻！或者係我眼淺啦，雖然我當時喺公司，街外 d 人點默哀，點鳴笛我唔知，不過喺電視度睇返 d 片段嗰陣自己都忍唔住流眼淚！因為，冇咗至親嗰種感覺都好痛苦（touchwood 我暫時未試過）~ 好啦，今晚臨瞓之前我都會同老天爺爺講聲，希望佢哋得到祝福啦！節哀順變！

第二次整花球 - 改良版

經過咁多位網友比我嘅意見之後，我都明白點整個花球先為之係靚！所以星期六放咗工之後急不及待去搞搞佢.......結果，呢個就係我改良後嘅紫玫瑰花花球啦！

係咪圓返 d 呢？我自己就覺得係啦......

由上至下角度：

花球側面：

花球正面：

話說，我係一個 anges b. 忠實 fans，雖然我知道 agnes b. 有花球賣，不過佢哋賣成 HK$9xx - HK$1,xxx 一個，最值錢都只不過係嗰條印有 agnes b. 字樣嘅絲帶啫，講真，個花球咪又係普通花球一個......有見及此，我將之前收到嗰 d  agnes b. 生日禮物嘅包裝絲帶留起，打算綁喺個花球度！雖然........花球嗰條絲帶同普通包裝用嘅絲帶係絕對唔一樣，不過我諗只要我紮得靚 d，應該........冇咩人知道我係摶大霧啩？所以，我就側側膞咁紮咗上去，扮晒一個名牌花球 ~

其實，我覺得個花球係絕對有進步嘅空間......所以我打算將呢個重任交比我男朋友去搞！係，我係冇藝術感，所以呢 d 講求美感嘅工作都唔係太適合我！我就拭目以待睇吓佢會紮成點........我對佢都有信心嘅！

男人要的三份禮物

哈 ~ 唔覺意睇到呢篇文章，發覺佢寫得太好！因為每次要諗買咩禮物比我男朋友都諗到我頭痛！一年裏面有太多日子要送禮物，生日、情人節、拍拖紀念日、聖誕節等等，唉 ~

 

男人要的三份禮物

送禮物給男人是一件很頭痛的事，

那些什麼都沒有的男人，你根本不會愛上他。

什麼都有的男人，你又可以送什麼給他呢﹖
衣服？領帶？皮帶？手表？公事包？
都送過了，沒有什麼新意。

送一輛新車給他，不是每個女人都可以付得起的，除非是用他的錢。

編織一件溫暖牌的毛衣給他，也是好主意，可惜現在大部份女人都不會打毛衣。

每次想到要買禮物給男人，就覺得很無助，
每一樣東西對他來說，也許不過是錦上添花或者可有可無。

送禮物給女人反而容易，單是寶石和珍珠就有很多種。

每當女人問男人﹕『今年生日你想收到什麼生日禮物﹖』
也是男人頭痛的時候﹐他實在想不到自己還欠些什麼，
他所欠的，根本是女人買不起的。

最後，女人只好用一份禮物的價值來表達自己的心意，
她花了一個月的薪水送一份貴重的禮物給他，
男人雖然感動﹐卻會認為這個女人太愛花錢，
不是個賢妻良母。

原來，男人最喜歡的禮物只有三份。

一頂高帽。
不時向他送上一頂又一頂的高帽，稱讚他，崇拜他。

仰慕的眼神。
即使他做了一件很笨的事，妳還是送上這樣的眼神給他。

生命的安慰。
讓他知道，妳會與他同甘共苦，妳是他心靈的安慰。

他收到這三份禮物，就會送妳很多禮物。

加油呀，姊妹們！

花車新選擇

尋晚倫敦的士車主阿達打比我，打算約我今個星期日去睇佢架車。可惜，佢 d 時間及地點都唔係好 fit 我，所以我同架車又再一次無緣見面！不過，原來阿達佢呢排買咗架新車，而嗰架新車都.................................幾鬼靚喎！

係咪好靚呢？不過阿達話個顏色未必同呢幅相一模一樣！佢話會噴白色，但望落去又有少少紫色咁.......好抽象呀......傾完一輪先知道原來佢講緊「薰衣草白色」！呢架車暫時都未開始比人 book，因為仲有 d 手尾要做，大約要到 9 月左右先可以睇車呀！而呢一架新車，阿達話全球得返 100 部，香港都冇架.......呢部係第一部喺香港出現嘅古董車！同佢講咗好耐，先知道呢架車嘅型號叫做「英國古董 mg」。

至於我一向鐘情嗰架紫色倫敦的士係咁嘅：

（攝於早上）

（攝於晚上）

（P.S.：小惠，借你張相一用，但因為未經你同意，我遮咗你同你老公個靚靚樣先）

唔 .............. 邊架靚 d 呢？其實我只係想用紫色花車，只要佢係紫色，我就一定會 book！好典型嘅一個紫色迷 ........（題外話：日頭同夜晚個色差竟然咁大喎，夜晚睇好似棗紅色咁嘅）

至於新車嘅價錢方面，我冇問到阿達，但我預咗新車一定會貴 d！不過唔緊要啦，都洗咗咁多錢咯，如果真係鐘意的話，我都願意租架貴 d 嘅花車嘅！但最終都要同男朋友商量一吓究竟租邊架先。如果要一次過睇晒兩架車，阿達話要入去沙田先得，因為架新車暫時泊咗喺沙田！之不過，去沙田我簡直係無任歡迎，因為男朋友媽咪咪住喺沙田囉！到時阿達會再 "渣" 埋架倫敦的士過嚟，咁就可以一次過睇晒兩架車啦！

仲有，之前阿達話會同架紫色倫敦的士轉色，初時擔心到我死死吓，不過尋晚問完佢之後，佢都話應該唔會轉紫色呢架啦！因為紫色呢架真係比較多人租，佢反而會轉粉紅色嗰架喎，佢話粉紅色好似冇乜人租咁，打算將佢轉埋紫色（好似係，唔知有冇記錯！一聽到佢話唔轉紫色嗰架，我已經開心到死，冇留意佢之後講乜添  ）

最開心嘅係，我雖然之前 hold 咗日子及 hold 咗架車，但係阿達話佢新車落地之後，會約返所有之前 hold 咗倫敦的士嘅客，比佢哋睇新車，仲可以優先轉新車 ........ 咦，咁我咪有份囉？呵呵呵！小惠，你都應該有權轉新車喎 ~ 諗諗佢吖！

會讓每個女孩子哭的答案

<<<<應該有不少人都收過呢個 email >>>>

女孩終於鼓起勇氣對男孩說：「我們分手吧」
男孩問：「為什麼？」
女孩說：「倦了，就不需要理由了」
整個晚上，男孩只抽煙不說話
女孩的心也越來越涼『連挽留都不會表達的情人能給我什麼樣的快樂？』

過了許久
男孩終忍不住說：「怎麼做你才能留下來？」
女孩慢慢地說：「回答一個問題，如果你能答到我心裏就答案，我就留下來。」
男孩：「…………………… 」
女孩：「比如我非常喜歡懸崖上的一朵花，而你去摘的結果是百分之百的死亡，你會不會摘給我？」
男孩想了想說：「明天早晨告訴你答案好嗎？」
女孩的心頓時灰了下來。

早晨醒來，男孩已經不在
只有一張寫滿字的紙壓在溫熱的牛奶杯下
第一行，就讓女孩的心涼透了「親愛的，我不會去摘，但請容許我陳述不去摘的理由：

你只會用電腦打字，卻總把程式弄得一塌糊塗，然後對著鍵盤哭，我要留著手指給你整理程式

你出門總是忘記帶鑰匙，我要留著雙腳跑回來給你開門

酷愛旅遊的你，在自己的城市裏都常常迷路，我要留著眼睛給你帶路

每月（好朋友）光臨時，你總是全身冰涼，還肚子疼，我要留著掌心溫暖你的小腹

你不愛出門，我擔心你會患上自閉症，我要留著嘴巴軀趕你的寂寞

你總是盯著電腦，眼睛給糟蹋得已不是太好了，我要好好活著，等你老了，給你修剪指甲、幫你拔掉讓你懊惱的白髮。拉著你的手，在海邊享受美好的陽光和柔軟的沙灘，告訴你一朵朵花的顏色，像你青春的臉…

所以
在我不能確定有人比我更愛你，我不想去摘那朵花…」
（女孩淚滴在紙上形成晶瑩的花朵）

抹淨眼淚，女孩繼續往下看：
「親愛的，如果你已經看完了，答案還讓你滿意的話，請你開門吧，我正站在門外，手裏提著你最喜歡吃的鮮奶麵包…」

女孩拉開門，看見他的臉，緊張得像個孩子，只會把擰著麵包的手在她眼前晃

………………

我想這就是愛情或者生活
被幸福平靜的包圍時
一些平凡的愛意
總被渴望激情和浪漫的心忽略

愛！在雙方引起的許多個微不足道的動作裏，
從來就沒有固定的模式
只有愛
可以是任何一中平淡無奇的形式

花朵、浪漫
不過是浮在生活表面的淺淺點綴
在它們的下面才是我們真真的生活。

第一次整花球 - 花球初形

尋日買晒 d 花材之後，今日急不及待要試吓整！

之前睇咗好多花球 samples，發覺花球大致上分兩種：

(1) 好多花，冇分主花及襯花，但花嘅顏色通常係超相近，例如白玫瑰 + 白色百合，襯花方面，一般都唔會有，而且亦得好少襯葉

(2) 主花得 4-5 朵，反而襯花及襯葉超多，襯花及主花嘅顏色可選擇近似色／撞色

我同男朋友都揀咗第二款，所以紫玫瑰只買咗一紮，而襯葉就買得多 d！但一整完出嚟，好似細得滯喎，你哋覺得呢？要唔要再買花材？

各位，你哋睇完呢篇 blog 之後，係需要回答以下嘅問題（哈）：

問題 1：睇睇以下呢個，先唔好理會紮得靚唔靚，我哋淨講 size，你哋覺得會唔會太細？定係用鏡反映出嚟嗰個 size 比較好？

問題 2：以下呢個（即係以上第一及第二幅相）係男朋友隨意紮出嚟嘅花球！我哋撇開佢圓唔圓嘅問題，因為有好多細節嘢仲未作出修剪，齋講款，你哋覺得 O 唔 OK？

以下呢個係我跟書嘅指示紮出嚟，成個花球都有得解釋！唔知你哋睇唔睇到我紮呢個花球係有 pattern 架！

先有一朵紫玫瑰做中心點，旁邊圍住滿天星，其餘嘅紫玫瑰形成一個三角形。紫玫瑰與紫玫瑰之間用黃色玫瑰仔點綴，又呈現咗另一個三角形。最後用咗嗰 d 不知名嘅襯葉托底及圍邊 <---- 呢一 part 幅相見唔到.......再用咗嗰 d 不知名嘅尖葉做成一個五角形。

問題 3：你哋覺得呢個又得唔得呢？請再一次撇開佢圓唔圓嘅問題，因為真係好初步咋 ......

好，開始作答 .................................................. Thanks!

買花材，整花球

之前都講過，今年 8 月我會去影結婚相，所以打算 DIY 一個紫玫瑰花花球，用完又可以留念。趁呢幾日放假，就同男朋友去咗旺角及太子買花材啦！暫時買咗咁多嘢，都只係買咗 HK$62，應該都夠用......

主花紫玫瑰，購自「繽紛」，HK$23

貌似滿天星嘅物體，購自「溫馨無限」，HK$8 <--- 抵到爛，因為像真度超高

3 紮唔知叫咩名嘅襯葉，購自「溫馨無限」，3 紮為一組，一組賣 HK$12

黃玫瑰花仔襯花，購自「花園街阿伯檔口」，HK$15

又一紮唔知叫咩名嘅襯葉，購自「花園街阿伯檔口」，HK$10 / 3 串，我只買咗一串，承惠 HK$4

成個花球嘅花材都只係買咗 HK$62，絕對合符 budget。而且如果 d 花材喺晒花園街阿伯檔口買的話，HK$50 樓下一定 OK。但因為我要買紫玫瑰，行咗咁多間，只有繽紛做得最似，迫於無奈之下要買貴花！

其實睇過呢三間熱門嘅花檔，發覺如果唔介意用紅玫瑰／紫色茶花的話，係可以慳到最多錢！因為賣得最平嘅伯伯嗰檔已經做得好似......可惜我男朋友唔鐘意茶花，我又唔鐘意紅玫瑰，否則可能我用 HK$40-50 已經可以買齊晒所有嘢！

 

同場加映，喺「溫馨無限」見到有呢對香檳杯賣，價錢平到你唔信！原價賣 HK$15 一隻，宜家減價賣 HK$10 一對..... 之前喺緣美傳說（即係我註冊行禮嘅證婚公司）已經見過，覺得對杯好靚，用嚟祝酒一流！

呢隻香檳杯唔可以座枱。之前見緣美傳說係插落一兜有顏色嘅沙度，喺溫馨無限都係見到佢哋插落 d 顏色沙度，但我相信都可以插落 d 珠仔度！即係養魚嗰 d 顏色玻璃珠呢 ......

見佢賣得咁平，我哋兩個又有飲開香檳，唔買返一對的話好似對唔住自己喎 ..... 況且，結婚當日真係可以拎去酒樓祝酒用，所以搵唔到藉口唔買喎 .....

agnes b. 陪我過生日

2008 年 5 月 9 日 (星期五)，係我 26 歲生日.....今年嘅生日，有好多 anges b. （我最鐘意嘅品牌之一）陪我過呀！好開心 ~ 因為正日當日我一早已經請咗假同男朋友去玩，所以公司同事們就同我提前一日（即 5 月 8 日）慶祝啦！

先有同事送比我嘅生日禮物（全部都係 agnes b. 朱古力，啱晒我呢個朱古力怪 ）

呢個鐵盒可以儲起，正 ~ 內裡係一 d 朱古力豆

再有一粒印有 agnes b. 字樣嘅朱古力，同事話係檸檬味，我仲未試....

到咗下午 5:00 左右，再有公司送嘅兩個 agnes b. 生日蛋糕（每個兩磅左右）.......開心死我啦！

左：Blueberry Tart   右：Chocolate Truffle Cake <-- 咁鐘意食朱古力嘅我，又點可以冇朱古力蛋糕呢？

我與兩個蛋糕的合照......

放工後，同男朋友出街慶祝生日前夕！去咗銅鑼灣某一間日本店食迴轉壽司，夜晚返屋企倒數 00:00，迎接 26 歲嘅生日......點知，又有 agnes b. 生日蛋糕食，仲要同公司買嗰個朱古力味一樣添.....不過，同男朋友食生日蛋糕與同公司同事食係兩種感覺。

下面呢個牌係男朋友設計，特登叫 agnes b. 嗰邊跟住畫架 ......

之後男朋友送上生日禮物一份.......係 agnes b. 電話繩一條！呢條電話繩我想買好耐，但因為之前嗰幾個月為個婚禮用咗太多錢，另一方面又要儲錢準備將來用，所以一直都想出多幾個月糧先去買 ....

有蛋糕食之餘，我哋仲開香檳慶祝......

呢個時候，又點少得我同個生日蛋糕嘅合照呢？（P.S. 因為喺屋企嘅關係，除咗 con，戴咗眼鏡，真正一個四眼妹）

當我以為生日前夕嘅慶祝活動經已全部完畢後，第二朝一瞓醒踏出房門嗰一刻，竟然見到又有另一份禮物 ........... 男朋友非常古惑，究竟佢尋晚將份禮物收埋咗喺邊呢？點解咁大份我一 d 都見唔到？而佢又點樣一早擺定喺張梳化度？我同佢一齊入房瞓，一齊起身架喎 ..........

原來係 agnes b. 手袋一大個，個袋大到簡直可以袋一隻狗出街 ~ 我到宜家都懷疑呢個係男裝袋 ........

之後，我哋入咗去東涌 + 大澳過咗一個非常 relax 嘅一日，超正 .......