2009 年 5 月 10 日（星期日）
大家睇咗咁多篇生日飯局，唔知係咪覺得好悶呢！放心啦，你哋睇埋呢篇就可以走出困境架啦！
離開南丫島後，就上咗嫲嫲屋企，話就話同佢慶祝母親節，其實嫲嫲都好錫我，記得我生日，特登叫我上去食飯，抵我一路最錫就係你！
六點幾上到去，老人家當然就係攻打緊四方城啦，我就唯有做乖孫坐定定睇吓電視嘆下朱古力（每逢我上親去，嫲嫲都一定預備朱古力比我）。
八點半左右，終於都有得食！與嫲嫲同住嘅嬸嬸一向同我關係都好好，佢都記得我生日，所以煮重我米...... 是晚有超多嘢食... 豆豉雞翼、蒜頭蒸開邊蝦、咖喱蟹、豉汁蟶子、蒸斑（唔知乜鬼斑）等等。晚飯後仲加上美心蛋糕一個～
終於可以同六個生日蛋糕講 bye bye，所以...... 我真係肥咗好 x 多～ 聽日就距離結婚大日子得返半年時間，真真正正要減肥啦！
沒有留言:
張貼留言