今個生日真係過得好滿足，滿足係因為食咗好多個生日蛋糕，滿足係因為同咗好多好朋友、好 blog 友食飯（包括 Ci Ci，細恩及 Anna），滿足係因為同到婆婆嫲嫲食飯，今個 last single birthday 真係過得無憾！
至於禮物方面，其實人大咗，注重嘅都係交情，收唔收到禮物都只係其次，不過今年收穫都唔差，多謝長輩比我嘅利是！數到禮物，當然要數吓男朋友送嘅禮物。今年冇 agnes b. 收，冇大大嘅鑽石收，不過已經以量取勝。
我著緊嗰對波鞋爛晒，想去買過對好耐，但一直都未有時間出街睇，不過今次就有機會啦！
大家見到有 3 對波鞋，係咪好過份？其實我同男朋友都算係 K-Swiss 嘅支持者，我第一對 K-Swiss 竟然飽受到我 5 年嘅煎熬先同我 say byebye，而男朋友都唔弱，佢對 K-Swiss 都可以頂到佢 2-3 年，佢對 d 鞋好粗魯架...... 所以我要買新鞋，自自然然 target 返 K-Swiss！點知買買吓就捧咗 3 對返屋企，全部由男朋友比錢，當係生日禮物之一，不過放心啦，我係日日著波鞋嘅人，呢度難唔到我嘅！
生日禮物之二就係耳環。其實呢，我有個辟好架...... 我鐘意儲耳環架，所以過時過節送耳環比我，我一定會鐘意架！男朋友就買咗兩對比我，兩對都好靚，不過容許我偏心少少，我鐘意下面嗰對多 d！
********************************************************************************
2009 年 5 月 23 日（星期六）
當我以為所有有關我生日嘅事已經完滿結束，點知原來仲有一份壓軸禮物出現。
今次男朋友冇再將份禮物放入雪櫃入面，而係放咗喺個抹手紙櫃度，當我去完街返屋企打算洗手除 con 時，一打開個櫃...... 原來個傻佬又靜悄悄咁收埋咗份禮物！佢話之前一早已經睇中咗，諗住等我喺婚禮時戴住呢隻鈪襯其中一件晚裝，之不過喺我生日嗰排佢搵咗幾間分店都冇得賣，結果到今日先再買得返。
我見到隻鈪第一個反應先係喺心入面笑，再暗暗鬧佢一句：「真係傻佬！」
沒有留言:
張貼留言