今日我生日!

宜家嘅時間係 2009 年 5 月 9 日（星期六）00:00 ......

Happy Birthday to Me！

今年係自己最後一個單身嘅生日，出年就已為人妻 lu！不過今年有雙重特別，因為我連續六、日都生日呀！星期六係新曆，而星期日係舊曆，由於今年舊曆潤咗個四月，變咗兩日痴埋一齊！^^

其實我出世嗰日正正就係母親節，估唔到今年嘅舊曆生日都係母親節，所以我一定會愛錫媽咪...... 佢係最辛苦的！我由細到大都諗，唔知第時我生咗 B，做咗人哋阿媽，又撞啱自己生日同母親節同一日的話，老公會唔會同我 double 慶祝呢？嗱，歐陽生，你記得啦！

自從拍咗拖之後，每年嘅生日我都唔知自己會去邊，因為每年我都係受擺佈的！每逢有人問我：「今年生日去邊度玩？」我都有一套標準答案：「唔知呀，我永遠都唔知自己會去邊！」今年都唔例外，我只係前一晚收到 order 要帶內衣褲，護膚品，隱形眼鏡等等...... 依住呢個勢，應該係要出外過夜～ 唔知會玩 d 咩呢？