2009 年 5 月 10 日（星期日）
過咗一晚夜後，就嚟到自己嘅第二日生日。梳洗完之後，當然就係塞埋個蛋糕落肚啦，之後就 check out，打算做一樣自己勁耐都唔做，但又有益身心嘅活動 --- 行山。我哋決定由模達灣行去索罟灣，路牌話步行要 40 分鐘先到，我哋行咗唔洗半個鐘就到啦，唔知佢哋係咪計老人家步速呢？
個太陽同我好 friend，連續兩日都好關照我，晒到我紅晒添！
呢個 view 就係由行山徑望返去 The Bay，容許我再講多次呢句說話：好正！
沿路見到有一個個魚排，一提起魚，最開心嗰個莫過於身邊嘅男人。所以佢對住個魚排影咗好幾張相，我就唯有搵個樹蔭地方，避免乾煎！
其實呢，我都好鐘意海架，我本身仲幾鐘意游水添，我只係怕咗太陽伯伯啫！
(1) 唔知呢 d 係咪叫馬尾草？
(2) 唔講唔知，原來男朋友好鐘意呢種植物，所以大唔透嘅佢又執咗條玩
經過 25 mins 嘅路程就到達索罟灣，不過大家唔知痴咗邊條筋，竟然異口同聲話行埋去榕樹灣。
途經好出名嘅盧文氏樹蛙洞，又做吓大鄉里咁影相留念囉！
(左下) 一直以嚟身邊嘅人都話我皮膚白，白到好似光管，反晒光咁，我都覺得佢哋只係日行一善咁讚我啫，但睇完呢張相之後，我漸漸地相信我真係一碌活生生嘅光管。我唔明白點解我塊面，頸，兩隻手竟然可以局部曝光...... 係咪我企位問題？不過我當時企咗幾個唔同嘅位，結果影出嚟都係咁，呢張叫做冇咁曝架啦！
到達咗榕樹灣就見到周圍都係人，因為原來正值天后寶誕，有大龍鳳做噃。不過我哋兩個都冇興趣，即閃！
嚟到呢到，其實我部相機比我玩到無電，所以之後嘅相就影唔到 lu！不過其實我哋到咗榕樹灣之後都係買咗少少嘢食，食埋個 lunch 就搭返船出中環，繼續我夜晚同嫲嫲嘅生日飯局。
又真係好有益身心喎﹗曬下太陽, 個人都精神d 架~
回覆刪除不過記得做好防曬~
[版主回覆05/19/2009 14:19:00]我就係冇做好防晒啦，結果當晚隻手已經紅晒！
呢個活動足夠消耗你前一晚既11成飽啦 !!!
回覆刪除[版主回覆05/19/2009 14:19:00]哈，講開好似又係喎，行完之後都唔飽！
Jenny, 我好替你開心，有一個難忘又開心的生日，歐陽生鍚你，你又咁鍚佢，真係完美組合！
回覆刪除[版主回覆05/19/2009 17:46:00]唔洗羡慕, 你同主任咪又係完美組合...
好健康啊~~~ 我小時候行山頂都會玩呢D草架, 哈哈
回覆刪除[版主回覆05/20/2009 11:30:00]真係十年都唔逢一潤....我平時係一條懶蟲, ^^
行咁耐一定熱死=.= 我都好耐冇行過山喇! 睇下今個星期會唔會去行先~^^
回覆刪除[版主回覆05/20/2009 11:30:00]你講得啱, 真係熱死....仲晒死添呀!
健康的運動唔錯, 只不過我都係怕太陽佰佰的
回覆刪除[版主回覆05/20/2009 11:30:00]係呀, 我都好怕佢.....
你冇report 當晚做過d咩黎喎, 0分重作!!!!
回覆刪除[版主回覆05/20/2009 12:32:00]當晚真係咩都冇做過喎, 你問歐陽啦.... 佢沖涼前已經訓到成隻死豬咁啦~ 沖完涼後又訓~
當晚做左死豬, 幾好PLAN都冇用AR. 抵打~
回覆刪除[版主回覆05/21/2009 11:28:00]hahaaaa! 其實佢成日都喺屋企做死豬架! 你望真 d 佢個樣, 根本就係一隻豬嘅托世!