2009 年 5 月 31 日（星期日）
今日係廸廸及 Vincent 嘅結婚大囍日字，同男朋友較好晒鬧鐘 12:00 起身（平時放假我哋可以訓到好晏 -_-"），裝完身就出門口去尖沙咀註冊處觀禮（唔講大家可能唔知，其實廸廸同我男朋友係識咗 1x 年嘅朋友嚟架）。
之前都替廸廸擔心會落雨，不過多得各位 blog 友同佢打氣加油，上個星期日冇落雨不特止，而且久唔久仲見到太陽伯伯出嚟 say hi 添！
去到註冊處，當然要同一對靚靚新人影返張合照先啦！
超強勁嘅姊妹團啊～
相中除咗我，個個都識咗 1x 年...... 多謝你哋接納我......（笑）
係時候要註冊啦，搵戒指先......
宣讀誓詞啦，由於我企嘅位置唔夠好，只係影到呢 d 角度，廸廸，你都係睇返 Martin d 相算啦...... 我呢 d 比你止渴咋～
禮成...... 指定動作...... 唔見到脷唔收貨喎
世上從此又多一位靚太啦，同兩位爸爸及四大長老影返張相先啦！
15 mins 過得好快，要交返個禮堂比下一 pair lu，所以轉戰戶外影大合照！喺廸廸車輪轉咁同親友影相時，我同男朋友都同朋友影吓相先！
呢位靚女將會出任歐陽生嘅兄弟，欣欣，到時就靠你啦！
大合照我就冇影啦，但係拋花球嘅花絮就影得到！
Ready......
Get set......
Go......
影完晒相之後，我哋就散水行吓街先，一陣再上酒店。
*****************************************************************
上到酒店，喺門口已經見到一對結婚公仔同埋好 eye catching 嘅閃燈樹，間佈置公司好得呀！
唔好意思，因為酒店本身將廸廸幅油畫打咗燈，我影咗出嚟就變成咁！
靚靚 backdrop，如果我有個咁靚嘅 wedding logo，我都會將佢發揚光大！
入席後，新人上台切蛋糕、祝酒及致辭
當司儀叫新人講兩句時，廸廸搶住講先，不過佢真係好叻女，我以為佢會喊，點知佢冇，仲識得喺適當時候講吓笑，令到感動中嘅賓客（包括我）都可以忍得住！反而到 Vincent 時就弊啦，佢好快已經喊，不過又好快咁收返 d 眼淚！而且我都好欣賞 Vincent 嘅致辭，真係有笑有淚！而且我仲望到無論四大長老、廸哥、Vincent's 家姐，個個都無一幸免，個個都淚曬當場，真係好 touching！
一路都冇機會去搵佢兩個影相，趁住佢哋未出去敬酒時就鼠去主家席影兩張先！
唔好意思，歐陽生已經飲大咗兩杯......都唔知有冇嚇親 Vincent！
婚宴去到尾聲，都係時候送客，而我哋呢班人打死都唔走住，等到佢哋送完客返嚟再影！人哋酒店 d staff 係咁收枱收椅，我哋都唔走住，再影！
廸廸，你老公當晚唔知係咪飲大咗，佢一見親我就問我：阿嫂，恭喜你，幾時結婚呀？記得派帖比我哋兩個！我等飲你嗰餐呀...... 如是者見我一次問我一次，我冇記錯的話，佢好似問咗我 4 次，哈哈......
不過，我都要再恭喜你一次，你兩個好強呀！尤其是你自制嘅成長片段，唔係你老公講我仲以為係你搵人整，好犀利呀！仲有...... 點解你可以笑成晚都仲笑得咁自然？強強強！！！我會比 100 分你個 531 呀！
最後祝廸廸同 Vincent 甜甜蜜蜜，
恩愛無比！
你個現場報導我比100分 ~~
回覆刪除[版主回覆06/02/2009 17:19:00]wah.....thank ar! 有 100 分!
恭喜晒！而家見到人o地結婚自己都會好開心呀！自己結婚o個日都想好似人o地搞得咁好！歐陽生好高興喎，好似自己嫁女咁呀！
回覆刪除[版主回覆06/03/2009 11:07:00]係呀, 尤其是同廸廸一齊 share 咗籌備結婚時嘅感受, 所以都幾開心架! 歐陽生嗰陣已經傻傻地, 哈哈!
阿嫂, 好多謝你為我既報導, 100分!!!
回覆刪除遲下再談...請你交張card俾au yeung, 我會帶notebook抄相.........
again, 非常多謝你!!
[版主回覆06/03/2009 11:08:00]好, 冇問題, 我整到比你! 喂, 一係咁啦, 我 burn disc 比你咪得囉! 仲有, 你係咪喺中環返工? 我可以叫 messenger by hand 拎上嚟比你喎, 你教架嘛....善用公司資源...haha!
again, Congrad!
好開心可以係到睇到另一個blog友既bd片段呀 , 你好勁呀~
回覆刪除[版主回覆06/03/2009 11:09:00]衰在我部機比較渣, 如果唔係應該會影 d 相影得靚 d!
到你結婚既時候,你都一樣會笑得好自然, 因為你果日既開心係完全發先內心既~
回覆刪除[版主回覆06/03/2009 11:12:00]希望啦, 我平時好容易就笑到硬晒, bd 當日仲要笑足一日添!
好精彩嘅報導呀!睇到有D感動添！
回覆刪除[版主回覆06/03/2009 11:12:00]係呀, 佢個婚禮有幾 part 都好感動架!
嘩~~原來你識迪迪架??? 世界真係細啊!
回覆刪除[版主回覆06/03/2009 11:13:00]冇錯! 因為佢同歐陽生係十幾年嘅朋友, 所以都有幸出席佢個婚禮!
真係好呀~~~~有你o既現場報導!!!!!!!!!!!!!!
回覆刪除恭喜晒陳陳迪~~~~
好快就到你啦!!!!!!!
[版主回覆06/03/2009 11:13:00]係啦, 都係時候要改口叫佢做陳陳廸啦!
仲有五個幾月就到我, 完咗之後就到你啦! 加油!
好詳細呀..........haha...........下次輪到你啦 , 加油呀 ,Jenny..........
回覆刪除[版主回覆06/03/2009 11:13:00]冇問題, 咁到時記得搵人幫我報導返喎, ^^
亞嫂, 你影相手'世"真係一流ar, 攞得D位好好. heehee...尤其係我ar, 影到我比真人瘦左一圈! 你真係勁! 放心la, 到你bd o個日我都會將你最靚最動人一面影底佢同返你分享.
回覆刪除你講得好o岩, 廸廸個531真係搞得好好, 無論係時間, 順程, 裝容, 晚裝婚紗甚至野食都安排得好好 好一流. 我有幸可以成為佢姐妹一份子見証佢人生最開心最感動o既時刻我真係覺得自己好榮幸.
亞嫂, 好快就到你bd o勒, 真係好期待你同au yeung 呢個溫馨時刻. 好彩你地比機會我做兄弟令我可以見証你地全個結婚過程, 我o個日一定會盡我所能做到最好. 希望到時你滿意la!!!
[版主回覆06/03/2009 11:19:00]傻啦, 唔係我手勢好呀~ 只不過你真人真係好瘦, 你唔記得啦咩, 你輕咗嘛....^^
係呀, 我都好認同, 廸廸個婚禮真係好正, 我相信歐陽最欣賞 d 食物! 而且服務都好好, 場地又靚, 衫又靚, 人又靚, 連姊妹都靚, 呵呵~
我信晒你, 我知你一定會竭盡所能, 到時記得幫我控制住歐陽, 因為我驚佢會搗自己蛋!
好開心，睇到我都眼濕濕，迪迪同老公真係好靚仔、靚女！祝他們白頭到老、永結同心！
回覆刪除我最最最中意佢o也的backdrop, 好有心思, 有迪有柏....good!
[版主回覆06/04/2009 10:49:00]係呀, 佢哋致辭嗰陣真係好感動, 估唔到最後喊咗出嚟嗰個係佢老公, 哈哈!
冇錯, 佢個 backdrop 好靚呀, 可惜我冇呢類 logo~
新娘又fit又靚女
回覆刪除[版主回覆06/04/2009 10:49:00]佢好瘦, 我諗佢條腰得.......22 吋~
睇住blogger加朋友結婚,感覺應1好唔同, 因為見証晒佢成個過程~
回覆刪除迪迪當日真係好靚呀~ 最正係你幫佢影左咁多相! 可以止住先丫ma~
[版主回覆06/04/2009 10:50:00]係呀, 好似自己嫁女咁~ 睇住佢讀誓辭時都好感動!
我一早應承咗佢幫佢影靚相架~ 可惜我功夫始終麻麻
呢位靚女將會出任歐陽生嘅兄弟---> 咁靚女做兄弟o徒d喎??? 咁其他兄弟咪會好唔專心囉? haha...
回覆刪除你bf 飲大左好攪笑呀...好似個小朋友依偎o係人地度咁^^"
[版主回覆06/04/2009 10:51:00]haha~ side ar? 咁咪好囉, 咁我班姊妹可以魚肉一班兄弟, 呵呵...
歐陽生嗰陣已經傻傻地~ haha~
亞嫂, 我想問問呢, 酒席完左之后我地咪影左相O既. 有一張係一個著西裝褸O既男仔企O向中間, 我地班姐妹企佢左右2邊O向台上面影O架! 唔知會唔會O向你部機度呢. 如果O向的話, 你可唔可以SEND去我E-MAIL度AR. 我地揾唔返呢張相AR!!! THX~
回覆刪除[版主回覆06/04/2009 14:30:00]我冇呢張相喎, 我淨係得你同歐陽 + 阿豪嘅合照咋~ 會唔會喺 Maggie 部機度?
係喎, 你比個 email address 我, 我 send 返 d 合照比你呀, 咬唇嗰張呀...記唔記得呀? ^^
留 email 記得用 private message, 廢時收到 junk email!
差D唔記得左tim.....
回覆刪除亞嫂, sorry, 阻你小小位, 我想多謝 ~蘇兒~ 誇獎我靚. 查實唔係我靚, 係舉機o個個人影得好o者.
[版主回覆06/04/2009 14:30:00]我就話唔係啦, 你根本真係又瘦又靚女!
so sweet~~ 歐陽生當晚好開心耶~~
回覆刪除[版主回覆06/05/2009 11:05:00]係呀, 佢係咪捉住人哋個老公玩, haha!
個backdrop真係好得意wor! 有兩位新人的名字好特別呢! 祝他們相親相愛~~
回覆刪除[版主回覆06/08/2009 11:22:00]係呀, 佢特登搵人幫佢設計個中式 logo, 我都覺得好特別!