2009 年 5 月 12 日（星期二）
收到毅力醫護診所電話，婚前檢查報告已經出咗，隨時可以上去睇。不過要就醫生時間，醫生只會逢星期二、四講解報告，麻 Q 煩！
入到醫生房，原來係一個滿頭白髮，70 歲都嚟緊嘅醫生，不過我唔會懷疑佢嘅醫學常識嘅～
記得 1121 網友 Cindy 話我知，如果身體有事，份報告會有紅色字出現，我哋一睇就會知，所以睇報告時，我第一時間都 "立" 吓會唔會有紅字。
醫生先講男朋友份報告，我望到全部係黑色字喎...... 一切正常，冇病冇痛，醫生話佢冇地中海貧血、冇乙型肝炎，之不過亦都冇抗體，所以建議佢打返支乙型肝炎針。
到我啦...... 頭一頁乜事都冇，冇地中海貧血、冇愛滋、冇性病，BMI 指數正常...
到第二頁我見到自己有紅色字，當堂心情沉一沉，醫生問：「見到自己有紅字，係咪好驚呢？唔洗驚，只係你嘅紅血球體積比一般人偏大，不過只係好輕微，冇事嘅。」醫生咁講我咁聽，當時都唔記得問佢會有乜影響，又可以食 d 咩變返正常。
揭到第二頁，頂...... 又有紅色字？妖...... 原來話有德國麻疹抗體，冇抗體先會黑色字，嚇 x 死人咩！乜用 d 咁嘅方法去表達架？
最後醫生話我哋兩個好正常，冇乜問題。臨離開佢間醫生房時仲話我同男朋友兩個都唔係肝炎帶菌者，算係好好彩喎！<-- 此話何解？乜有好多人有肝炎架咩？不過佢亦都講，我同男朋友兩個都冇抗體，最好兩個都打返肝炎針，對下一代有個保障，價錢係 $1,200 / couple！各位 blog 友，抵打嗎？要打嗎？
最後護士又送咗兩張 The Cityview 水晶婚嫁展 2009 入場卷比我哋，可惜我收到嗰陣已經得返幾日時間，又冇打算去睇，最後都變成兩張廢紙！
既然我哋兩個身體都冇乜大礙，我一定會生返一個兩個 B 嘅，呵呵呵呵～
快d 生快d 生﹗ 一個似靚靚阿嫂,一個似歐陽 XD
回覆刪除[版主回覆06/04/2009 14:11:00]我未有咁快生呀, 起碼等婚後第二年先努力造人, 哈哈~
俾佢嚇死,個德國痳診又會正常用紅字表達~
回覆刪除[版主回覆06/04/2009 18:03:00]咪係, 我仲以為自己咁好彩乜病都中添呀!
為了下一代....我覺得貴一貴都要打！
回覆刪除聽寶妮介紹過呢間，又知道你o係呢間做，所以特別放心，佢o也o係expo有擺嗎？
[版主回覆06/04/2009 18:04:00]小高你覺得要打呀? 醫生話宜家新生嘅 bb 都已經有接種, 但係我哋呢 d 就冇囉, 所以都諗緊好唔好打!
係呀, 我同寶妮一齊喺 expo join 架, 你喺 expo join 會平 $200 添!
我地無諗住去check呀...真的很需要嗎？
回覆刪除[版主回覆06/05/2009 10:58:00]如果你有打算生 bb, 其實就真係好需要啦, 因為會有 d 遺傳病大家都可能唔知, check 咗的話會安心 d, 總好過影響下一代!
哈哈~多謝你既詳細解釋~
回覆刪除話事話我同王生都仲未去約時間檢查
[版主回覆06/05/2009 10:58:00]haha, 咁你打算幾時去做呀? 我都係 Cindy 教路我先知咋~
我早2年都試過0係kinetic做body cheak, 真係好平~ 之前同你提過0個間, 咪就係佢lor~ hehe
回覆刪除[版主回覆06/05/2009 10:58:00]哦....我都覺得佢 ok 喎, 雖然佢唔係最平嗰間, 不過我覺得 d 姑娘幾 nice, 服務都 ok 呀!
想問下呢間做婚前檢查好唔好呀? 我聽日去EXPO就係打算睇呢D呀..
回覆刪除[版主回覆06/05/2009 17:01:00]我覺得 ok 喎! 其實做婚檢好簡單架咋, 主要反而要睇吓姑娘抽血手勢仲重要! 因為做婚檢其實主要係驗血, 但係我同 bf 抽血都冇乜問題! 起碼唔會話拮唔中血管, 要抽多次等等... 問姑娘問題佢哋都可以即時答到!
肝炎針要打丫~
回覆刪除因為如果有乙型肝炎冇得醫o架，病發可能會有肝硬化甚至肝癌o架！
乙型肝炎帶菌者同AIDS病人一樣，都係唔可以捐血，因為病毒會經由血液傳染！
http://www.famplan.org.hk/fpahk/zh/template1.asp?style=template1.asp&content=sexual/hep.asp
[版主回覆06/05/2009 17:02:00]好似好嚴重咁喎, 咁既然我同 bf 都咁好彩唔係帶菌者, 都應該要打返針保護返自己喎!
我今日都BOOK左, 下星期三做~
回覆刪除[版主回覆06/06/2009 11:29:00]哦, book 咗啦? 好吖, 快 d 做, 快 d 了咗件心事嘛!
好野, 婚後快d生bb啦~ 我6月13日都會去家計會檢查啦>O<
回覆刪除[版主回覆06/06/2009 11:30:00]原來大家都陸陸續續做婚檢啦~ 希望大家一齊冇事, 然後可以生 bb!
我先生都係 CARRIER, 我覺得都算普遍架, 不過唔知會有咩影響呢~
回覆刪除肝炎針都係打左好D, 我以前打好似係要打三針架, 所以600一個人都唔算貴, 仲要有效10年 (衣家唔知有冇唔同), 我覺得都OK喎~
[版主回覆06/06/2009 11:30:00]唔講唔知原來真係咁普遍, 咁可能都會打返 lu!
醫生話如果係 carrier, 會傳比下一代架!
乙肝打針，我上次去紅十字會捐紅時佢推介我打，好似收$130/ 3針，我覺得好抵，所以打左…
回覆刪除紅十字會果時同肝壽基金協會（好似個名係甘叫）一齊搞，唔知而家仲有無呢？你問問呀…抵好多
[版主回覆06/08/2009 11:20:00]嘩, 呢個價錢好抵喎~ 冇理由我做婚檢嗰度收我 $1,200 2 個人咁貴架......等我遲 d look look 先!
打喇~我屋企五個人三個都有, 我細妹就比我爸媽傳染架~所以我好細過已經打左, 我男朋友都打埋, 話晒都成日接獨麻~
回覆刪除三針有10 年期架~我以經打左兩次三針, 係屋企樓下既家庭醫生打架~你可以試下問下你個家庭醫生, 我記得吾駛過千就三針架喇~
[版主回覆06/08/2009 11:21:00]原來乙型肝炎真係咁普遍, 咁都係可咗穩陣 d!
多謝你嘅情報, 我會好好留意吓架啦!
係lor! 德國痳診嗰度紅色字, 我都俾佢嚇咗一嚇, 原來係代表有抗體, haha!
回覆刪除[版主回覆06/08/2009 11:21:00]haha, 你都係咁.......係啦, 嚇鬼死呀, 又有紅字以為自己有咩事添呀!
我好似有張coupon$450/3針，找找先…
回覆刪除[版主回覆06/09/2009 11:15:00]好呀好呀, 有筍嘢~~~~
我想問二人婚檢係幾多錢呀？
回覆刪除[版主回覆06/19/2009 11:06:00]我嗰時喺 expo join detailed plan, $1,280~
想問問呢~
回覆刪除知唔知銅鑼灣真開個間好唔好呢?
我就BOOK左家計會~又想試下呢間~嘻
[版主回覆06/19/2009 14:37:00]銅鑼灣？係咪都係 Kinetics 呀？咁我又唔知喎好唔好喎，不過你 book 咗家計會又想試吓呢間？咁咪做兩次囉？
乙肝既，我拎左form 150/3針，if u want, just E-mail me
回覆刪除[版主回覆07/09/2009 12:18:00]好抵呀.... ok, thanks!