有筍嘢，埋嚟睇、埋嚟揀啦喂！

話說歐陽生有位中學同學，佢哋都係今年結婚，喺籌備婚禮過程中，對一個婚禮認識多咗，就自己兼職搞生意，做咗個網站賣結婚用品，包括剪紙、利是封、啤牌、上頭用品、回禮禮物、披肩等等都有。有時都好羡慕人哋可以自己搞一門自己鐘意嘅生意仔，當係搵吓外快都好嘛...

好啦，撐到老遠...... 其實係想介紹佢個網站比大家，因為我睇過佢 d 價錢，真係好平，普通一張中式剪紙最平都只係 HK$2 張 (15cm)，有一 d 剪紙貼紙就 HK$6／套（一套有兩張）；利是封個價都唔錯，長型嗰 d 囍字利是封賣 HK$3／6 個，肯定平過金都、百利，啱晒 d 唔想北上掃貨嘅網友們，因為有時上上落落交通住宿費都會洗唔少！

不過，我都係一個理性嘅人，佢賣嘅貨當然有平有貴，好似啤牌咁，要成 HK$6 一副，我就建議大家唔好幫佢買啦（希望佢睇到唔好抦我及歐陽生）。

我自己雖然一早喺廣州買咗剪紙，不過實在比佢個價錢吸引，而且有某 d 款喺廣州搵唔到，所以都敗敗地家咁買咗些少。

如果大家有咩睇中，可以直接聯絡網主，呢個係網址：

http://www.fkwedding.net

網主叫 Ms. Fion Chan

我之前向網主訂嗰 d 貨已經有啦，只係未約佢出嚟食餐飯交收兼聚舊，到我收到貨時再同大家分享！