啱啱嗰個星期六，去咗打埋第二支嘅預防子宮頸癌針。今次冇咁痺，但唔知點解痛過上一次，而且唔知係咪因為我跑去診所，令到血氣運行得好快，打針時竟然一度止唔到血，用咗三整粒棉花球去索血，嚇親個姑娘添，姑娘話我今次咁樣個針口會有少少瘀......
（希望大家唔會介意我隻麒麟臂...）
我要多謝呢個針口，因為我可以攞正牌唔洗做家務，結果連續兩日嘅晚飯一餐就出街食，另一餐就由男朋友主理。當然...... 洗碗都係佢搞掂埋啦！
男朋友星期日都要返工，放咗工佢就去咗元朗街市買埋餸返嚟。佢神神秘秘咁唔比我睇佢做預備功夫，不過我好奇心作祟，趁佢準備完材料去小睡時，摷晒 d 料出嚟影低佢！
呢張相我特登縮到細一細，又 tune 得模糊少少啦！因為實在係兒童不宜啦！一個男人唔著衫咁喺廚房準備晚飯，心裡其實甜甜的！
45 mins 後，終於開估啦！有帶子蝦仁炒蛋（用鮮奶炒）及豆角腸仔肉碎。雖然嗰碟炒蛋好多水，狀似嘔吐物，不過其實味道唔錯架！相信只係落得太多鮮奶，而且我想講，其實男朋友煮嘢 ok 架，今次只係稍為失手。
但係嗰碟嘔吐物都食得好開心，我諗...... 主要係睇吓邊個煮啦，haha！
我呢個甜品怪，食完正餐又有乜可能冇下文呢？見天時暑熱，又借口話針口痛，當然又成功 lur 到食雪糕啦！家吓仲一人一盒捧住嚟食，簡直不亦樂乎！
*****************************************************************************
一直以嚟我都覺得自己同未來奶奶嘅關係唔算十分之好。我哋唔會一齊行街 shopping，見到面時亦唔會雞啄唔斷；不過，同佢嘅關係又唔係差嘅，我諗...... 要我比分，10 分裡面有 7 分啦！
上個星期，我懷疑自己有豬流感（冇嚇親大家嘛？）。連續發咗兩日高燒，一日燒到 38.9 度，另一日燒到 39.5 度，又連珠爆發咁肚痾，嗰排直情係食一餐痾一餐，睇到肥韜介紹美食都因為想反胃而要轉台，後來知道自己原來只係感冒菌入腸。喺我病嘅期間，撞正未來奶奶生日，因為我仲未痾完所以缺席生日飯局（但係人唔到禮物照到），仲打咗電話親自同未來奶奶講聲生日快樂及唔好意思。
至於點解我會覺得原來自己係幸福呢？因為尋晚我收到未來奶奶親自寫比我嘅 SMS，收到嗰一刻簡直不能置信...
（註：B 仔乃係我隻佬嘅乳名）
一直以嚟，我以為我同未來奶奶嘅關係都只係會咁樣維持落去，不過收到佢嘅 SMS 後真係好 surprise，原來佢真係當咗我係佢半個女，原來我真係多咗半個媽咪！
其實我一向唔係好識點氹人開心，所以我的確唔係 100 分嘅新抱，希望未來老爺及奶奶唔好嫌棄我。
你奶奶真係平時唔聲唔聲原來O甘錫你
回覆刪除O甘你要努力做個好新抱LU!!!
[版主回覆06/09/2009 11:06:00]所以今次我都估佢唔到, 收到個 sms 開心咗我好耐!
喂!有聞你一直都攞正牌唔洗點做家務啦~我真係好可憐......
回覆刪除[版主回覆06/09/2009 11:06:00]咩呀, 唔好喺度邀功喎老細!!!
wah~你未必奶奶識send sms咁勁既? 你一定要好好孝順佢呀^^
回覆刪除[版主回覆06/09/2009 11:07:00]哈...佢係一個潮媽嚟架!
哈哈，我以為佢問你係咪有左B仔…？
回覆刪除原來你係有左'B仔'
[版主回覆06/09/2009 11:07:00]係呀係呀, 我有咗 b 仔好多年啦, 哈!
你99禁犀利嘅 , 識send sms , 我諗中國人始終有好多野都係唔會用口講 , 其實大家都係互相關心大家嘅 , 你地來日方長 , 大把時間慢慢去同99相處 , 將來你地一定有好好嘅關係...........
回覆刪除[版主回覆06/09/2009 11:08:00]希望如你所講咁啦! 佢平時個樣都 cool cool 地嗰類, 所以我想同倓進一步時又有少少怯~
不過可能因為文化問題, 有時真係用文字好似易 d 表達~
妳99咁新潮,識sms?可能第日會facebook/ msn 見添
回覆刪除下次打第3針要預早少少去到診所喇,唔係又痛又疼就唔抵啦~
[版主回覆06/09/2009 11:09:00]係呀, 佢潮架~ 仲好似識 send sms 好耐添啦! 得閒佢都會上吓網架!
係啦, 下次都係唔好連跑帶跳咁去診所~
好幸福，真替你開心！你99好潮懂得sms，最開心係她的心意，如果o係我睇到呢個message....d眼淚實係咁流，好感動！
回覆刪除歐陽生好掂喎！勁！可惜主任唔多識煮飯...之不過...佢偶爾弄排....都一樣心甜架！
[版主回覆06/09/2009 11:11:00]冇錯呀, 其實嗰一刻都有 d 感動, 因為一向自覺同佢關係只屬一般, 估唔到佢都咁關心我, ^^
主任唔識煮唔緊要, 因為你平時真係煮得好好味, 佢咪唔洗學囉, 哈哈!
你未來99都好關心你啊! 呢d (send msg) 唔騙得人架, 要個心關心你, 佢先做得出架嘛!
回覆刪除[版主回覆06/09/2009 11:12:00]haha.....係呀, 真係幾開心, 幾估佢唔到!
嘩~你奶奶咁IN既...識用SMS....!! 你地關係都好唔錯WO...好似朋友咁...我唸一定唔會有婆媳糾紛LA.....
回覆刪除[版主回覆06/09/2009 12:37:00]哈哈....佢都 in in 地架, 好早已經學識打 sms 架! 話唔定遲 d 真係可以同佢喺 facebook 傾計添~
關係其實我覺得係一般, 想同佢再好 d 架, 有冇得教吓我呀?
碟豆角幾正咁喎, 你叫au yeung下次炒定招呼我地送酒呀下!
回覆刪除99真係有你心, 就來做大嫂喇, 要俾心機孝順6299!
[版主回覆06/09/2009 14:35:00]嗰碟豆角真係唔差, 我本身幾鐘意食呢類炒粒粒架! 下次我就叫歐陽喺廚房煮比你哋食, 而我哋喺大廳飲飲食食先!
係呀, 做大嫂啦, 仲要係最大嗰隻, 都有 d 怯怯地~ 不過會比心機學做個好新抱嘅~
老公同奶奶都咁鍚你, 真係好幸福啊....
回覆刪除[版主回覆06/09/2009 14:36:00]係呀, 托賴佢兩個都對我不錯! ^^
其實可能佢本身都好鍚你, 不過有宣之於口啫~~
回覆刪除你對佢好, 孝順佢 , 佢心中有數既~
[版主回覆06/09/2009 16:32:00]或者係啦, 尤其是佢哋呢輩, 好多嘢都收埋喺心, 咁好在平時都好尊敬佢啫, wakakaka~
你好幸福呀, 一個老人家會SEND SMS俾你, 真係當左你係佢個女呢.. 好惺你開心呢.
回覆刪除[版主回覆06/10/2009 10:56:00]^^, 所以我已經 save 起咗個 sms, 因為真係好珍貴呀~
真係好幸福～我果隻野 連公仔麵都整得唔好食．．．唉
回覆刪除[版主回覆06/10/2009 10:57:00]梗係因為你整得太好食, 所以佢大安旨意唔學煮啦!
好幸福呀, 收到個時一定好甜呀. 仲有你未來99好勁呀識打SMS.真係潮媽~
回覆刪除[版主回覆06/10/2009 10:57:00]哈哈....係呀, 佢仲要識咗好耐, 不過冇標點符號, 睇得有 d 難度~
好幸福呀, 收到個時一定好甜呀!
回覆刪除[版主回覆06/10/2009 10:58:00]先係 surprise, 之後係甜, ^^
真係幸福啊~ 有愛心飯同埋SMS 我仲見到雪糕啊 >__<
回覆刪除[版主回覆06/10/2009 10:58:00]係呀, 有雪糕呀, 甜品怪嘛.....一睇就知邊盒係屬於我, ^^
簡單的一餐, 簡單的一個sms, 已讓人感到你的幸福呢 ^^
回覆刪除[版主回覆06/10/2009 10:59:00]haha....多謝, 我都冇諗過會收到 99 的 sms, 所以先醒覺...原來佢都關心我~
好勁呀, 未來奶奶識打 sms ~~~~堅堅堅！
回覆刪除不過我覺得同未來奶奶關係點都好, 最重要你隻b 仔
對你咁好, 未來奶奶只係再一個bonus ~~~~
祝你幸福快樂！
花花上
[版主回覆06/10/2009 11:00:00]兩個都對我好當然最好啦, (大貪中...)
之前都驚 99 會覺得我好似搶咗佢個仔咁, 幸好佢冇咁諗, 希望以後可以同佢關係再好 d!
果然好 sweet 喎，唔止歐陽生，歐陽家都係好 sweet 呢！ 妳真幸福可以成為其中一員！
回覆刪除[版主回覆06/10/2009 11:00:00]希望幸福可以跟我耐 d~ 然後你都好幸福!!!
好窩心呀!~你99真好~~而且佢好IN, 識打輸入法! 你好幸福呀!
回覆刪除[版主回覆06/11/2009 11:14:00]冇錯, 收到 message 真係有一種窩心嘅感覺, 不過佢有時真係幾 in 架, 得閒仲會上網睇小說添架~