咦？？？我啱啱先發覺原來我未分享晒 FB d 婚紗相，宜家再 post 少少比大家睇！
九龍塘園景呢一 part，我自己本身好鐘意呢個造型，所以都揀咗唔少相！
原來用鮮花做頭飾真係靚好多，所以我決定咗結婚當日會用鮮花做褂頭及註冊頭頭花！
先嚟油畫相！我仲記得當時比咗呢張相攝影師阿 June 做參考，因為我都有條類似嘅婚紗，諗住唔好浪費咗條裙嘅拖尾，而且之前嗰兩輯《緣美傳說》及《美麗佳人》都冇花草樹木相，所以想影張類似嘅景！
我都已經醒目啦，特登去返佢哋 france bridal 嘅網站搵 sample，廢事有咩差池，點知阿 June 睇到後話有 d 難度，因為呢個係舊景，今時今日未必再影到！我當初都諗住算數，點知影到去樹林呢 part，佢又叫我拎多次個 sample 比佢睇，然後左諗右諗，唔知喺邊搵到個位，叫我同男友擺 pose，出咗嚟就係咁啦！
揀油畫時，諗都唔洗諗，我同歐陽生一齊指住呢張，我哋兩個都好鐘意！
嚟多張同景，但開心活潑 d 嘅！
呢張我原本 out 咗，因為要咗上面嗰張，但最後都係不敵個 pose、景，同埋件婚紗，所以最終以原價 $110 後加買埋佢，蝕咗！
再嚟都係同景，但踎低咗影。
見我用咗呢張做 blog profile 相，就知我有幾鐘意呢幅，因為男朋友個表情好得意呀！不過大家再次留意佢 d 手指......-_-" 佢次次都係咁！
呢張做咗細相簿封面～
仲有呢張難度極高嘅相，記得影相當日男友擺呢個 pose 擺到抽筋，哈哈！
沒有留言:
張貼留言