我的嫁衣 の 選定 Part 1 @ 法國婚紗

2009 年 3 月 29 日（星期日）

唔知點解好鐘意將「婚紗」叫做「我的嫁衣」，感覺上好 feel 好多，^^

睇晒晚裝類，係時候入戲肉啦 --- 婚紗篇。當日總共試咗 17 件婚紗，都唔係好過份啫，哈哈！（<-- 不斷重覆呢句，誓要令男朋友麻木。）

相片繁多，容許我分開 Part 1 & Part 2 啦！Part 1 先講 bell-shaped 款：

唔知點解有好多件婚紗佢哋張 demo 相係冇落鋼紗，但係輪到我試著時就落晒，嗰一刻又 on 居居咁冇要求除低個鋼咁試。

第一件：

我又比法國婚紗張相呃咗 lu！原來實物呢...... 個胸下面有幾條褶 "long" 住，一 d 美感都冇，仲會將所有注意力都集中晒喺個嗰幾條褶度......

第二件：

呢件衫實物唔係太靚，上身多 detail 到死，下身又鬼死咁 plain，好唔 balance！

第三件：

唔知點解我著起同個 model 著起好似唔一樣，佢 bell 得嚟靚 d，而我就著到一 pat 屎咁。

右手邊嗰張就可以見識到個拖尾有幾長啦！不過講到長，呢件蛋糕裙都唔算嚴重，一陣睇埋嗰條「雲」婚紗就明白啦！

第四件：

呢件完全係個通花拖尾取勝，行 church 的話真係 highly recommend！本身件婚紗嘅 cutting 都幾靚，都有為呢件婚紗心動架。

第五件：

再一次被呃！！！大家都應該見到膊頭嗰條帶，原來嗰條唔係咩「帶」，根本就係成條披肩咁 tat 喺個膊頭度，當日如果凍嘅話，隨時可以當頸巾咁圍住條頸兜個圈都仲可以，完全唔知佢想點！

第六件：

有冇印象我之前有 mark 過呢件嚟試？莫講話大家，連我當日都唔記得自己 mark 過，原來條裙有好多紅花仔，張 demo 相根本睇唔到嘅......

其實係呢件...... 完全係兩回事，可能因為角度問題啩？

第七件：

呢件係上個月新款，之前都心思思想試上身，加上 sales 阿 Mi 極力推介，我又貪得意試吓。咦...... 都唔錯喎！

第八件：

呢件就係大家之前都好 buy 嘅婚紗，我稱佢做「一舊雲婚紗」。

試上身後，終於明白之前 blog 友 Gi Gi 話個拖尾係長得幾犀利。我直情想用「長得離譜」、「長得過份」去形容呢件婚紗。

正面平平無奇，只係普通泡泡裙款，但係已經見到個拖尾有一堆嘢，不過其實條裙係閃嘅！

大家睇唔睇得清楚個拖尾點長法？有去過法國婚紗試衫嘅網友們，你哋都應該記得全身鏡前面個位大約有幾大，係咪？我企上個木箱，攤開條拖尾之後，個拖尾係要拖出我試衫範圍之外，大家諗到有幾長未？不過無可否認，個拖尾係靚嘅，因為條裙尾係好閃架！但考慮到我酒樓 march in 條路唔係好長，註冊個禮堂又唔係長，加埋要上台坐低簽紙，我驚會嚇到個個 O 晒咀。

第九件：

呢件冇得試，因為比人 hold 咗 lu！本來我好鐘意呢件架，不過阿 Mi 話如果我嫌一舊雲婚紗長的話，呢件更加唔洗諗！佢話呢條裙尾仲長過一舊雲婚紗，連個攝影師影呢張 demo 相時都影唔晒個拖尾，就可想而知...... Oh，咁我唯有放棄啦，講乜都冇用，都冇期咯！