敬酒晚裝 の 選定 @ 法國婚紗

2009 年 3 月 29 日（星期日）

嚟到敬酒呢 part，一共試咗 6 件衫。

第一件：

原來又冇想像中咁 deep V 喎，著 girdle 都搞得掂！而且高腰款...我又變得高咗瘦咗，而且真係 young d 喎，小高話我即時變得好有活力，哈哈！可惜，呢件一早比我老豆及媽咪 ban 咗。

第二件：

偷影關係，係有少少色差。唔知係咪因為 pat pat 大，好似好葫蘆型咁喎我～

第三件：

都係因為色差問題啦，其實件衫實物係好紅架！而且，著咗呢件後心口即時升 cup，簡直一試難忘！

第四件：

呢件唔錯，原來係絲絨質地，即時變得高貴咗！而且原來裙腳唔窄，容易行路，拖尾唔大，pat pat 位都有 d 嘢睇！

第五件：

男朋友去試衫前竟然提議我試呢件，粉紅色喎，OK 咩？不過，聖旨到，我一試又何妨？

第六件：

上網揀衫時完全搵唔到有咩紅色晚裝啱心水，所以一見到係紅色 A-line 就 mark，自問都著得唔錯啦，同 model 唔差太遠啩？

賤肉橫生，好似件件衫都著得窄過 model，睇嚟 big day 前嘅減肥計劃係無可避免！