送客晚裝 の 選定 @ 法國婚紗

2009 年 3 月 29 日（星期日）

晚裝最後一部份 --- 送客。

唔知係咪玩得興奮得滯，完全唔記得叫試衫姐姐拎嗰兩件黃色／金色晚裝比我試，一心去 confirm 藍色，蝕咗！

第一件：

我試嗰陣係冇咗掛頸條帶，我自己覺得好睇 d，可能我本身抗拒掛頸款啦！不過側邊嗰兩條帶始終唔知佢想點！

第二件：

呢件我自己幾鐘意架，好柔和嘅藍色，雖然都係掛頸款，不過呢條裙比較易接受。

第三件：

呢件一出，在座各位評判都木口木面，好明顯...... 唔得！

第四件：

估佢唔到原來係前面開叉，又比法國婚紗 d 相呃咗！不過呢件仍然係我心水送客晚裝之一。開叉咪開叉囉，怕你呀，反正送客之嘛，show 吓我對晚裝鞋仲好！

第五件：

高腰款，難以抗拒呢，而且裙身好閃好靚。呢件簡直 hit 爆，好多人都鐘意，連試衫姐姐都話返咗幾件，好旺呀！

第六件：

呢件係上個月新款， blog 友 CiCi 叫我試出嚟睇吓，呵呵，我無所謂呀，fashion show 吖嘛！