牛年第一個比自己嘅目標 --- 減肥！
之前嘅農曆新年，又食團年飯又食開年飯，日日都食到好飽，加上冬天個人自自然然食多好多嘢，原來體重不知不覺間增加咗...... 少少～ 不過我要開始下定決心將呢 d 脂肪擊退！
減肥第一擊，我 join 咗一間 Yoga Centre。嗰度除咗有得玩 Yoga 之外仲有得跳舞，我係 Aaron Kwok fans，一提起跳舞當然醒神晒啦！所以我都會上呢個 Centre 跳 Jazz Funk！我個 Dancing tutor 叫 Panda，睇一睇佢個 Profile 先知道...... 原來佢係 Aaron 嘅 dancer 喎，幫 Aaron ，草蜢，劉德華，鄭秀文，陳慧琳，楊千嬅喺演唱會跳過，嘩，一睇到呢 d 陣容已經知佢唔惹少！好嘢，我又多一個渠道知道有關 Aaron 嘅嘢啦，哈哈！
Video 中帶住紅色鴨咀帽嗰個就係佢啦！佢跳舞真係跳得好好睇，果然做得 Aaron 嘅 dancer，舞功真係有返咁上下～ 本來...... 我有幸成為 video 中佢嘅學員其中一人，不過...... 由於自己跳得太醜怪啦，都唔敢上台獻技...... 唯有等下次啦！
P.S. 個 video 質素麻麻，因為只係上網 download 落嚟咋～
呢日親眼睇佢跳 solo，嘩，佢嗰對手 fing 得好緊要，好似斷咗咁，完全唔似屬於佢嘅，個 body 做 d waving 動作時又好流暢，只係同埋 d 學員一齊跳時先冇咁勁，因為要就返大家嘅 level 嘛，如果我跳到有佢 8 成就好啦！不過其實跳 Jazz Funk 都可以出到汗架，keep 住先！
我仲同佢影咗張相...... 唉，發水麵飽重出江湖，我真係要減肥啦！
講個秘密比大家知：
其實我自細就鐘意跳舞，音樂感都唔算差，聽到 d 節拍強勁嘅音樂都會 un 身 un 勢，好似落咗 Disco 咁，所以我「曾經」立志做個女舞蹈員架，因為真係好型吖嘛！
不過唔知點解一路都冇去學舞，反而宜家為咗減肥去學，真諷刺！而且......唔知點解我對 d 識得跳舞嘅人特別有好感，細個嗰陣仲想搵個男 dancer 做男朋友添！我覺得佢哋跳舞好吸引架......好可惜，我男朋友只係識得跳扭 pat 舞比我睇，哈！
***********************************************************************
後記：
尋晚上咗磅，原來不知不覺間輕咗 4 磅喎，真係好！我諗都係我呢兩個禮拜嘅成果...... 雖然一個星期只係跟佢跳舞..... 兩堂咁多（每堂一小時），但係我都真係幾乖，有時返到屋企趁冇人喺度都有練舞，唔覺唔覺都流多咗汗！加上我前排開始節食減肥，終於有成績啦！Keep 住 keep 住，咁 3 月去 final confirm 租衫款式時都靚 d 啦！好嘢！
嘩...你個導師O甘有來頭一定好貴一堂LA!!!
回覆刪除[版主回覆02/11/2009 17:21:00]哈哈......我一睇都知佢來頭唔少嘢, 不過原來佢真係跳得好好~
我個 package 好海鮮價, 宜家每個月 $388 咁上下, 但係任做瑜珈及任跳舞, 而呢個老師, 佢一個星期只有兩堂, 我通常都會上足, 其餘時間就玩瑜珈囉~
如果畀我跳,真係一舊飯
回覆刪除嘩~我想問係咪好多學員丫
好似成幾百人係個房到喎,哈哈
[版主回覆02/11/2009 17:43:00]唔洗咁驚，我初初跳都係一舊飯，渣到死！
唔係呀，呢段片係某一次 Centre 搞 Event 時有人拍低再 upload 上網！其實每堂只有 10-20 人左右，都有空間跳架！
我淨係識跳呢隻舞咋,哈哈
回覆刪除http://www.youtube.com/watch?v=LIaOV1fEbhY
[版主回覆02/11/2009 17:46:00]haha.....呢隻，我都識跳呀！
我淨係識跳呢隻舞咋...哈哈
回覆刪除[版主回覆02/11/2009 17:46:00]下次如果大家都唔怕醜，可以一齊 jam 舞，哈．．．
我都想減減佢, 388任跳幾抵喎..不過係where黎架?
回覆刪除[版主回覆02/12/2009 11:00:00]呢間 centre 主要係做瑜珈為主, 但係都有得跳舞, 不過舞種唔多, 有 d 係 Indian Dance, 有 d 係宜家印度好興嘅 Bollywood Dance, 有 d 係 Belly Dance (肚皮舞), 仲有呢個 Jazz Funk!
個 Centre 喺銅鑼灣世貿架~ 叫做 Yoga Yoga, 比埋個網址你睇吖:
http://www.yogayoga.com.hk/
我諗王生同歐陽生以為我地癲左,.哈哈...
回覆刪除[版主回覆02/12/2009 11:00:00]哈......之後可能仲會驚咗我哋.....諗起都好好笑!
如果你想搵個健康 , 方便又有效既減肥方法 ,
回覆刪除不如 到 我既 BLOG 睇下丫 ,
我們關家 3 姊弟減了超過 120 磅 !!
2009 年 希望下一個成功故事的主角會係你啦 !!
http://hk.myblog.yahoo.com/jw!C_6uoP6fGQLvgesUb1Y-/article?mid=8
[版主回覆02/12/2009 11:01:00]嘩....我都希望下一個成功故事主角係我, 哈...
咁你對我有冇好感先?? 我都學左十幾年ballet,,,,hehe...不過而家唔識跳lu~0個陣都諗住第日唔係教跳舞就係做dancer嫁啦,,,,點知,,,,就咁荒廢左,,,仲換黎一對豬腳!!!! 不過每次睇concert都好想跳埋一份!!!
回覆刪除[版主回覆02/12/2009 11:02:00]失敬失敬, 原來你學咗十幾年啦? Ballet 好鬼死優美架...但點解會變咗一對豬腳呀?
最近我對跳舞都跳上癮，第一次跳hitpop簡直係雞手鴨腳，昨天仲誤打誤撞報左中級班，以為要硬著頭皮頂硬上，點知連導師都讚我跳得到，好有滿足感哩 ！
回覆刪除輕4磅都唔少架啦！繼續努力呀！不過都係o個句你咁瘦不用刻意減太多，當做運動好了！
[版主回覆02/12/2009 11:04:00]係呀, 其實只要個人郁開就會想郁, 我宜家都嫌佢一星期兩堂唔夠跳, 又要 warm up, 又要溫返上堂學嘅 steps, 頂龍學多幾個新 steps 又話要 cool down 落堂....真係上晒癮呀!
我會努力減埋落去架啦, 最驚就係自己冇恆心, 可能試完外租衫轉個頭就肥返晒 ..... 哈...我都唔係第一次咁架啦!
跳舞真係勁有效呀..果時我一個禮拜瘦6磅...不過可惜我資質差...個人無咩bit@@...又無恆心...我只期求婚前幾個月...忙下忙下自己會瘦jar...你要加油呀!!!!
回覆刪除[版主回覆02/12/2009 11:05:00]嘩, 你成績好好呀, 一星期瘦到 6 磅, 咁做咩唔 keep 住做? 當比自己一個機會做吓運動都好~
其實我都冇乜要求, 但求婚前跌返落我心目中嘅磅數就 ok 啦! 你都加油呀!
我細個都好鐘意跳舞ga! 不過淨係學過巴雷舞! 大個想學番跳社交舞! 男朋友又話自己太肥唔同我學... 話等佢瘦番先呀>< 我既進展都幾好呀! 終於有輕喇! 雖然只係2磅! 但都好開心^^
回覆刪除[版主回覆02/12/2009 11:07:00]其實跳舞真係好好玩架, 尤其係自己跟到 d steps 時滿足感特別大! 你應該說服你男朋友陪你跳嘛, 如果要等佢瘦返都唔知等幾時, 咁更加可以藉住跳舞去減囉, 係咪?
恭喜晒呀, 其實輕咗 2 磅已經成績唔錯, 你仲有一個星期多 d 就影相, 努力埋佢呀~
2星期冇左4磅肉係一個好好嘅成績啦 , 你真係好有決心同恆心呀 , 到左呢刻 , 明知下個月就影相 , 我都仲係冇動力 , 可能新年食大左個胃 , 而家仲成日覺得好快餓tim 呀..........唉...............
回覆刪除你要加油呀 , 希望你好快減到心目中嘅磅數...........
[版主回覆02/12/2009 11:09:00]我都覺得成績算唔錯, 不過距離我目標磅數仲有好幾磅....減到後又要 keep 到....其實都幾辛苦!
你唔好咁灰啦~ 人哋話最好等 period 完咗嘅一星期內收細胃口兼減肥係最有效, 因為嗰段時間我哋嘅新陳代謝比平常快, 我自己每次都係睇中呢個時間去減, 又真係好似幾有效喎, 你都試吓啦!
$388 咁抵﹗你跳邊間呀？
回覆刪除我跳個間任跳要 $880 呀﹗仲要無 yoga
你既成績好好呀﹗我keep 住一個星期最少2堂都無乜見效，唔通我真係飲杯水都會肥既人...
[版主回覆02/12/2009 11:10:00]我嗰間叫做 Yoga Yoga, 喺銅鑼灣世貿中心架!
其實佢係 $388 任跳任做瑜珈, 不過就要 depends on 佢個 timetable 囉, 聽落我都覺得 ok~
唔好咁啦, 我都唔係一跳就即刻減到, 可能你身體可以調節緊架啦! 繼續努力呀!
我自從結完婚之後就肥返呀!我都要減下肥先得。你都要努力呀!
回覆刪除[版主回覆02/12/2009 11:18:00]哈....其實結完婚之後我諗我都會放 "pair", 唔理咁多 lu, 哈!!! 不過講真, keep 住係需要嘅~
大家一齊加油呀!
好犀利喎, 咁快就減到磅!!!
回覆刪除[版主回覆02/12/2009 14:11:00]總算托賴啦.....前排真係唔想再見到自己成為發水麵包, 焗住去減....其實都幾辛苦架!
嘩，2個星期就減咗4磅，真係好勁喎！
回覆刪除你都話要減肥，仲話我唔肥？我聖誕同新年呢2個月，我嘅減肥進度都只係1個月減1磅咋，唔知去台灣影婚紗相之前，可唔可以減多5-6磅呢？
[版主回覆02/12/2009 14:13:00]或者因為我喺 period 完結後嗰段時間去減, 真係幾 work 喎!
其實你都唔算肥, 我諗大家都只係需要 firm 返少少肌肉就 ok 啦! 而且我讀書時真係瘦過宜家好多, 唔想再睇住自己咁樣落去....哈! 努力啦!
睇到你話減肥, 我都想減, 可是一邊睇你個blog一邊食緊BBQ TOAST
回覆刪除唔好話減肥, 想d皮膚好d都做唔到唔食煎炸食物
我想學yoga, 跳舞對我呢個音樂白痴來說太難了
[版主回覆02/12/2009 14:14:00]哈....雖然我口口聲聲話減肥, 但我仍然戒唔甩食甜嘢架, 因為我真係一個超超超級鐘意食朱古力嘅人, 我喺公司已經有個朵 "朱古力怪魔", 可想而知吧?!
做 yoga 坊間有好多, 好似我嗰間都有得做, 不過恆心真係緊要 d!
情人節快樂! 減肥好易架咋..但要減得健康! 我都減左4吋腰3吋patpat啦.. 同埋有好多人都減得好好...入去睇下 -http://www.yourhealthyshape.com/toby 希望下一個主角就係你!
回覆刪除[版主回覆02/13/2009 10:35:00]情人節快樂!
我覺得自己宜家都減得幾健康吖, 跳舞做運動減喎~
恆心 -_- 一下子就俾美食擊退左
回覆刪除今個星期六有自助餐等緊我 ^O^
[版主回覆02/13/2009 10:43:00]^^, 我都係咁話, 所以對我嚟講減肥唔係最難, 忍口先係最難, 尤其是我係 "朱古力怪魔", haha~ 講個秘密你知, 其實我宜家仲日日食緊朱古力架, 呢樣我真係投晒降, 我點戒都戒唔甩!
我都覺得跳舞嘅人好型呀!好可惜我真係無乜音樂感同節奏感! 咁快有成果，好犀利，繼續比心機! 我影完相就已經開始放肆咁食啦!忍得太耐，我同自己講今個月係"勁食月"，之後再減過啦!
回覆刪除[版主回覆02/13/2009 10:45:00]其實真係好型架, 可惜我永遠都型唔起, 雖然跳舞, 但我唔係型嗰類囉, 唔係全班最差已經要還神.....哈哈!
我當初都係呀, 影第一輯婚紗相時就死減難減, 結果減咗 8-9 lbs, 都滿意啦, 後來先知原來真係會同我執身型, 咁影第二輯時我都已經冇減, 仲肥返晒添!
唔緊要, 勁食月就要勁食, 最多之後先控制返....
Jenny 好o野，努力！加油！我呢派超忙，都無時間去理結婚o既o野喇，我諗要遲 D先得閒搞，連減肥都唔得閒諗喇！不過我諗我會6月開始減肥o既... 點忙都想自己靚靚.... 我有諗過做 hot yoga，不過又係o個句，忙都無時間去睇資料，所以... 都只可以為你加油...
回覆刪除哈哈~ 我都係丫~ 成日食薯片
回覆刪除我睇寶妮個blog, 你地等影fb時, 仍然朱古力在手, 相信一定係朱古力fans
加油啊~ 可以一邊食一邊跳架!!!
[版主回覆02/13/2009 11:54:00]係呀, 我真係好鐘意食朱古力架....hahaha~
減肥係我終生志願wor~
回覆刪除[版主回覆02/14/2009 11:00:00]haha....相信係所有人嘅志願....對我嚟講, 仲係 "任務" 添....
我細細個都已經鍾意跳舞啦.以前阿爸阿媽番晒工，得我一丁友係屋企，我會錄低晒嘀金曲挑戰站，之後不斷 REPLAY 不斷係到扮 DANCER 跳 諗起都覺得好白痴 所以依家跳舞阿SIR/MISS 用親我識既歌我都會好落力咁跳呀跳呀﹗
回覆刪除我要跳﹗我要跳﹗我要瘦﹗我要瘦﹗
[版主回覆02/14/2009 13:05:00]haha......我以前都有架.....仲好白痴咁拉埋我細佬落水一齊跳添, 最記得跳過郭富城嘅 "第四晚心情" & 劉德華嘅 "獨自去偷歡"!
仲有火熱動感 LALALA，有時一人分析幾角
回覆刪除我連周慧敏既自作多情都唔放過
[版主回覆02/14/2009 13:04:00]haha.....你好搞笑呀~ 講開又講, 周慧敏嘅 "自作多情" 我都好似有喎....^^